सणासुदीत किंचित दिलासा; सात दिवस दरवाढीनंतर पेट्रोलियम कंपन्यांनी घेतला हा निर्णय


हायलाइट्स:

  • आज पेट्रोलियम कंपन्यांनी इंधन दर स्थिर ठेवले.
  • सणासुदीत ग्राहकांना किंचित दिलासा मिळाला.
  • डिझेल सलग दुसऱ्या दिवशी स्थिर आहे.

मुंबई : सलग सात दिवस पेट्रोल दरवाढ केल्यानंतर आज पेट्रोलियम कंपन्यांनी इंधन दर स्थिर ठेवले. आज बुधवारी पेट्रोल आणि डिझेल दरात कोणताही बदल झाला नाही. डिझेल सलग दुसऱ्या दिवशी स्थिर असल्याने ग्राहकांना किंचित दिलासा मिळाला आहे.

शेअर बाजारात घसरण; बँंक आणि मेटल स्टॉक गडगडले, रिअल इस्टेटमधील शेअरला मागणी
आज मुंबईत एक लीटर पेट्रोलचा भाव ११५.८५ रुपयावर स्थिर आहे. दिल्लीत पेट्रोल ११०.०४ रुपये आहे. चेन्नईत पेट्रोलचा भाव १०६.६६ रुपये आहे. कोलकात्यात एक लीटर पेट्रोल ११०.४९ रुपये आहे. भोपाळमध्ये साध्या पेट्रोलचा भाव ११८.८३ रुपये असून बंगळुरात पेट्रोल ११३.९३ रुपये इतके आहे.

छोटे क्रिप्टो करन्सी तेजीत ; जाणून घ्या कोणत्या आभासी चलनात झाली मोठी वाढ
मुंबईत एक लीटर डिझेलचा भाव १०६.६२ रुपयांवर कायम आहे. दिल्लीत डिझेल ९८.४२ रुपये इतके आहे. चेन्नईत १०२.५९ रुपये आणि कोलकात्यात डिझेलचा भाव १०१.५६ रुपये प्रती लीटर इतका आहे. भोपाळमध्ये डिझेलचा भाव १०७.९० रुपये असून बंगळुरात डिझेल १०४.५० रुपये आहे.

मुहूर्ताला सोनं झालं स्वस्त! जाणून घ्या आजचा सोने चांदीचा भाव
तेलाची जागतिक बाजारपेठ तणावात असतानाही ओपेक आणि त्यांच्या सहकारी संस्था तेल उत्पादनात वाढ करण्याच्या आपल्या पूर्वनिर्धारित निर्णयावर ठाम आहेत. यामुळे तेलाच्या किमतींना आणखीच मदत मिळाली आहे. तेलाची मागणी आता करोना पूर्वस्थितीवर गेली आहे. सोमवारी ब्रेंट क्रूडचा भाव ८४.७१ डॉलर प्रती बॅरल इतका वाढला. डब्ल्यूटीआय क्रूडचा भाव ८४.०५ डॉलर झाला.



Source link

Leave a Reply

Your email address will not be published. Required fields are marked *

%d bloggers like this: