Modi at Kedarnath : काल सैनिकांसोबत दिवाळी, आज सैनिकांच्या जन्मभूमीवर : पंतप्रधान नरेंद्र मोदी


हायलाइट्स:

  • केदारनाथ मंदिर परिसरात पंतप्रधान मोदींचं संबोधन
  • केदारनाथ जलप्रलयाची आठवण काढताना पंतप्रधान मोदी भावूक
  • केदारनाथ पुनर्निर्माणासाठी उत्तराखंड सरकारचं कौतुक
  • उत्तराखंडच्या भाषणात पंतप्रधानांनी केला उत्तर प्रदेशातील धार्मिक कामांचा उल्लेख

केदारनाथ, उत्तराखंड : गुरुवारी जम्मू काश्मीरच्या नौशेरामध्ये जवानांसोबत दिवाळी साजरी केल्यानंतर आज पंतप्रधान नरेंद्र मोदी उत्तराखंडातील केदारनाथमध्ये दाखल झाले आहेत. आगामी उत्तराखंड विधानसभा निवडणुकीच्या पार्श्वभूमीवर पंतप्रधानांचा हा दौरा महत्त्वाचा मानला जातोय. यावेळी, ‘जय बाब केदार’ अशा घोषणा करत पंतप्रधान नरेंद्र मोदींनी आपल्या भाषणाची सुरुवात आणि शेवट केला.

२०१३ सालच्या जलप्रलयाच्या आठवणी

आपला देश इतका विशाल आहे, इतकी महान परंपरा लाभलीय. एकाहून एक वरचढ असे तपस्वी आज भारताच्या प्रत्येक कोपऱ्यात अध्यात्मिक चेतना जागा करत आहेत. काही वर्षांपूर्वी इथं जे नुकसान झालं ते अकल्पनीय होतं. केदारनाथ धाम पुन्हा एकदा उभं राहू शकेल का? असा प्रश्न इथे दाखल होणाऱ्या नागरिकांना पडत असे. पण माझा आतला आवाज सांगत होता की हे स्थळ आन-बान-शानसहीत पुन्हा एकदा उभं राहील. इथे येऊन मी इथल्या कणाकणाशी जोडला जातो, असं म्हणत पंतप्रधानांनी २०१३ सालच्या केदारनाथ जलप्रलयाच्या आठवणी जाग्या करत स्थानिकांच्या काळजाला हात घातला.

जवानांना साद

काल सैनिकांसोबत दिवाळी केली आणि आज सैनिकांच्या जन्मभूमीवर दाखल झालोय, असंही यावेळी पंतप्रधानांनी आपल्या भाषणात म्हटलं. ‘पहाड़ का पानी, पहाड़ की जवानी कभी पहाड़ के काम आता नहीं’ असं म्हटलं जातं पण यापुढे पाणी आणि जवान दोन्हीही डोंगररांगांच्या कामी येतील. उत्तराखंडातून पलायन रोखणं गरजेचं आहे. पुढचं दशक उत्तराखंडचंच असेल. इथे भविष्यात पर्यटनाला मोठा वाव मिळणार आहे, असंही मोदींनी यावेळी म्हटलंय.

उत्तर प्रदेशातील धार्मिक कामांचाही उल्लेख

‘दोन दिवसांपूर्वी अयोध्येतला दीपोत्सवाचा भव्य सोहळा संपूर्ण जगानं पाहिला. भारताचं प्राचीन सांस्कृतिक स्वरूप कसं असावं याची आज आपण कल्पना करू शकतो. उत्तर प्रदेशात काशीला नवसंजीवनी दिली जातेय. विश्वनाथ धामाचं काम अतिशय वेगाने पूर्णत्वाकडे नेलं जातंय. आता देश स्वतःसाठी मोठी ध्येय समोर ठेवत आहे. कठीण डेडलाइन सेट करत आहे, म्हणून काही लोक म्हणतात की इतक्या कमी वेळात हे सर्व कसे होईल! ते होईल किंवा होणार नाही? मग मी त्यांना सांगतो की काळाच्या मर्यादेला घाबरणं भारताला मान्य नाही’ असं म्हणत उत्तर प्रदेशातील अयोध्या मंदिरासहीत इतर धार्मिक कार्यक्रमांचाही उल्लेख पंतप्रधानांनी आपल्या भाषणात केला. आगामी वर्षात उत्तराखंडासहीत उत्तर प्रदेशातही विधानसभा निवडणुका होत आहेत.


LIVE केदारनाथ जलप्रलयाची आठवण काढताना पंतप्रधान मोदी भावूक

PM Modi at Kedarnath : केदारनाथमध्ये आदि शंकराचार्यांच्या पुतळ्याचं पंतप्रधान मोदींच्या हस्ते अनावरण
विकासकामांचं उद्घाटन

यावेळी, आदि शंकराचार्यांच्या मूर्तीच्या अनावरणानंतर पंतप्रधान मोदींनी केदारनाथमध्ये १३० कोटी रुपये खर्चाच्या प्रकल्पाचं उद्घाटन केलं. तसंच ४०० कोटी रुपयांहून अधिक कार्यांचं लोकार्पण आणि शिलान्यास केला. याविषयी बोलताना, ‘या आदिम भूमीवर शाश्वताशी आधुनिकतेची जोडलेली ही विकासकामं म्हणजे भगवान शंकराच्या उत्स्फूर्त कृपेचं फलितच आहे. मी उत्तराखंड सरकार, मुख्यमंत्री धामीजी आणि या उदात्त प्रयत्नासाठी ज्यांनी-ज्यांनी कामांची जबाबदारी घेतली त्या सर्वांचे आभार मानतो’ असं म्हणत पंतप्रधान नरेंद्र मोदींनी या कामांचं कौतुक केलंय.

सकाळी ७.४५ दरम्यान पंतप्रधान मोदी देहरादून विमानतळावर दाखल झाले. देहरादून विमानतळावर उत्तराखंडचे राज्यपाल रिटायर्ड लेफ्टनंट जनरल गरुमीत सिंह आणि मुख्यमंत्री पुष्कर सिंह धामी पंतप्रधानांच्या स्वागतासाठी उपस्थित झाले होते.

पंतप्रधानांच्या दौऱ्याच्या निमित्तानं भाजपकडून देशभरातील हिंदूंच्या विविध पवित्र स्थानांवर साधूंच्या मेळाव्यांचं आयोजन करण्यात आलंय. पंतप्रधानांचा हा दौरा ऐतिहासिक असल्याचं भाजप सूत्रांचं म्हणणं आहे. त्यानिमित्तानं भाजपनं देशव्यापी मेळाव्यांची योजना आखली आहे. ज्यामध्ये साधू आणि भाविकांसह अन्य लोकांना चार धाम, १२ ज्योतिर्लिंगे आणि देशातील प्रमुख ८७ मंदिरांमध्ये आमंत्रित केलं जाणार आहे. आदी शंकराचार्य आपल्या प्रवासादरम्यान या सर्व पवित्र स्थानांवर गेल्याचं सांगण्यात येतं.

Uttarakhand: केदारनाथ पुरोहितांकडून मोदी दौऱ्याचा विरोध, मुख्यमंत्री धामींकडून मनधरणी
UP Elections: सरकारी कामांचा पाढा वाचताना योगींनी केली कब्रस्तान – मंदिरांची तुलना



Source link

Leave a Reply

Your email address will not be published. Required fields are marked *

%d bloggers like this: