आयपीएलचे हे ५ स्टार्स न्यूझीलंडविरुद्धच्या टी-२० मालिकेत झळकणार; BCCI देणार संधी?


मुंबई : भारतीय क्रिकेट नियामक मंडळ अर्थात बीसीसीआय (BCCI) लवकरच न्यूझीलंडविरुद्धच्या टी-२० मालिकेसाठी संघ जाहीर करणार आहे. या मालिकेसाठी न्यूझीलंडचा संघ भारतात येणार आहे. यावेळी निवड समिती अनेक अनकॅप्ड खेळाडूंना संधी देऊ शकते, अशी अपेक्षा आहे. यंदाच्या आयपीएलमध्ये अनेक खेळाडू निवडकर्त्यांना प्रभावित करण्यात यशस्वी ठरले आहेत.

वाचा- T20 World Cup: अफगाणिस्तानने दिली भारताला आनंदाची बातमी, न्यूझीलंडविरुद्ध जिंकला…

दिल्ली कॅपिटल्सच्या आवेश खानवरही निवड समितीच्या नजरा असतील. त्याने या मोसमात दिल्ली कॅपिटल्ससाठी शानदार गोलंदाजी केली आणि त्यांना प्लेऑफमध्ये नेण्यात महत्त्वाची भूमिका बजावली. आवेशने १६ सामने खेळले, ज्यात त्याने २४ विकेट घेतल्या. सय्यद मुश्ताक अली टी-२० टूर्नामेंटमध्येही आपल्या कामगिरीने त्याने निवडकर्त्यांचे लक्ष वेधले आहे.

वाचा- आज अफगाणिस्तानकडून न्यूझीलंडचा पराभव झाला…; शोएब अख्तर म्हणायचे तरी काय

यंदाच्या आयपीएलच्या दुसऱ्या टप्प्यात व्यंकटेश अय्यरने शानदार फलंदाजी केली. मध्य प्रदेशच्या या २६ वर्षीय खेळाडूने केकेआरसाठी १० सामने खेळले. या १० सामन्यांमध्ये त्याने १२८.४७ च्या स्ट्राईक रेटने ३७० धावा केल्या. तो त्याच्या उत्कृष्ट टायमिंगसाठी ओळखला जातो. त्याने केकेआरसाठी सलामी दिली आहे.

वाचा- न्यूजन्यूझीलंड आणि अफगाणिस्तान लढतीत १७ कंपन्यांचा जीव अडकला; मॅचच्या निकालावर

आयपीएलमध्ये सर्वाधिक लक्ष वेधणारा गोलंदाज ठरला आरसीबीचा हर्षल पटेल. आयपीएल २०२१या हंगामाचा तो पर्पल कॅप विजेताही ठरला आहे. या मोसमात त्याने १५ सामने खेळले असून ३२ विकेट घेतल्या आहेत. आरसीबीसाठी तो गेम चेंजर ठरला. तो लीगमधील सर्वात यशस्वी अनकॅप्ड खेळाडू ठरला आहे.

वाचा- ख्रिस गेल क्रिकेटला करणार अलविदा; ‘या’ मैदानातून घेणार संन्यास

केकेआरचा राहुल त्रिपाठी हे देखील आयपीएलमधील एक प्रसिद्ध नाव आहे. त्याला रायझिंग सुपर जायंट्सने २०१७ मध्ये पदार्पण करण्याची संधी दिली होती. त्यानंतर तो राजस्थान रॉयल्स आणि नंतर कोलकाता नाईट रायडर्समध्ये सामील झाला. या मोसमात त्याने १७ सामने खेळले असून ३९७ धावा केल्या आहेत. त्यामुळे निवडकर्ते त्याच्यावर विश्वास दाखवू शकतात.

वाचा- ‘ही तर तालिबानची इच्छा’; ICCला सांगितले या गोष्टीत बदल करा

उमरान मलिक हा जम्मू खोऱ्यातील उजव्या हाताने वेगवान गोलंदाजी करणारा खेळाडू आयपीएलच्या अखेरच्या काही सामन्यात चमकला आहे. सनरायझर्स हैदराबादसाठी पदार्पणाच्या सामन्यात त्याने आपल्या वेगाने लोकांना प्रभावित केले. त्याने आपल्या सामन्यात १५० किमी प्रतितास वेगाने गोलंदाजी केली. तसेच पुढच्या सामन्यात त्याने १५२.९५ किमी प्रतितास वेगाने गोलंदाजी केली. त्याने तीन सामने खेळले आणि ८ च्या इकॉनॉमीने दोन विकेट घेतल्या. या २१ वर्षीय खेळाडूला न्यूझीलंड दौऱ्यावर संधी दिली जाऊ शकते.



Source link

Leave a Reply

Your email address will not be published. Required fields are marked *

%d bloggers like this: