शोएब अख्तरला बसला १० कोटी दणका; Live टीव्ही शोमध्ये केला होता राडा


नवी दिल्ली: पाकिस्तानचा माजी जलद गोलंदाज शोएब अख्तर गेल्या काही दिवसांपासून चर्चेत आहे. टी-२० वर्ल्डकप सुरू झाल्यापासून शोएब त्याच्या काही वक्तव्यांमुळे चर्चेत आला होता. एका सामन्यानंतर लाईव्ह टीव्ही शोमध्ये अँकर सोबत झालेल्या शोएबचा व्हिडिओ सोशल मीडियावर व्हायरल झाला होता. याच घटनेवरून आता मोठा राडा झालाय आणि शोएबला त्याच्या सनकी वागण्याचा दणका देखील बसला आहे.

वाचा- विराट कोहलीच्या त्या एका चुकीने भारताचा घात झाला; अन्य संघ जिंकत होते आणि…

टी-२० वर्ल्डकमधील एका सामन्यानंतर लाईव्ह टीव्ही शो मध्ये शोएब आणि अन्य माजी खेळडू चर्चा करत होते. तेव्हा अँकरसोबत वाद झाल्याने शोएबने लाईव्ह कार्यक्रमात राजीमाना दिला. या घटनेनंतर शोएबने स्वत:च्या सोशल मीडियावरून एक व्हिडिओ शेअर करत झालेल्या घटनेची माहिती दिली होती. इतक नव्हे तर त्याने आपला अपमान केल्याचे म्हटले होते. संबंधित घटना २६ ऑक्टोबर रोजी झाली होती. या प्रकरणी पाकिस्तान टेलिव्हिजन कॉरपोरेशनने शोएबवर मानहाणीची नोटीस बजावली आहे. यामध्ये शोएबला ३ महिन्याच्या वेतनाची रक्कम ३३,३३,००० रुपये आणि त्याच बरोबर नुकसान म्हणून १०० मिलियन रुपये देण्यास सांगितले आहे. पीटीव्हीने अख्तर विरोधात कायदेशी कारवाई सुरू केली आहे.

वाचा- कपिल देव संतापले; खेळाडूंना IPL आवडते, देशाकडून खेळण्यास महत्त्व नाही

पीटीव्ही आणि अख्तर यांच्यात झालेल्या करारानुसार दोघांना लेखी नोटीस दिल्या शिवाय आणि त्याच्या बदली नुकसान भरपाई केल्यानंतर करार रद्द होईल, असे नोटीसीमध्ये म्हटले आहे. शोएबने अचानक ऑन एअर राजीनामा दिला. ज्यामुळे पीटीव्हीचे मोठे आर्थिक नुकसान झाले आहे. अख्तरने पीटीव्हीला कोणतीही नोटीस न देता टी-२० वर्ल्डकप सुरू असताना लाईव्ह शोमधून काढता पाय घेतला. शोएबने स्पर्धा सुरू असताना दुबई सोडली. इतक नव्हे तर अख्तरने भारतीय क्रिकेटपटू हरभजन सिंगसोबत एका भारतीय चॅनलवर शो केला. यामुळे पीटीव्हीचे मोठे नुकसान लावल्याचे म्हटले आहे.

वाचा- अफगाणिस्तानच्या पराभवानंतर भारताने घेतला मोठा निर्णय; संघ व्यवस्थापनाने रद्द केला…

पीटीव्हीने पाठवलेल्या नोटिसीबाबत अख्तर म्हणाला की, मी खुप निराश आहे. जेव्ही मी पीटीव्ही सोबत काम करत होतो तेव्हा माझा सम्मान आणि मान होत होता. आता त्यांनी मला रिकव्हरी नोटीस पाठवली. मी एक लढणारा व्यक्ती आहे कधीच हार माननार नाही. ही लढाई कायदेशीर मार्गाने लढणार असल्याचे अख्तरने म्हटले आहे.

वाचा- भारतीय संघाच्या अपयशाचे मोठे कारण समोर आले; पाहा BCCIने कोणता मूर्खपणा केला

काय झाले होते

पाकिस्तानमधील पीटीव्ही या वृत्तवाहिनीवर शोएब अख्तर आणि अनेक माजी क्रिकेटपटू चर्चेत सहभागी झाले होते. यात व्हिव्हिएन रिचर्ड्स, सना मीर आणि अन्य लोक होते. या चर्चेचे अँकर डॉ.नौमान करत होते. चर्चा सुरू असताना डॉ.नौमान असे काही तरी बोलेल की ज्यावर अख्तरला राग आला आणि त्याने पीटीव्हीतून राजीनामा दिला.

लाईव्ह चर्चेत अख्तर शाहीन शाह आफरीदी, हारिस रऊफ या खेळाडूं संदर्भात काही मुद्दे मांडत होता. तेव्हा डॉ.नौमान यांनी अख्तरला सुनावले की तुम्ही उद्धट बोलत आहात. मी असे म्हणत नाही की तुम्ही ओव्हर स्मार्ट आहात. पण तुम्ही शो मधून बाहेर जाऊ शकता. यावर अख्तरने, ही गोष्ट इथेच संपवतो. मी तुमच्या विरुद्ध काही बोललो नाही. जो मुद्दा होता त्यावर बोलत होतो. टीव्हीवरील हा प्रकार झाल्यानंतर शोएब अख्तर थांबा नाही. त्याने लाईव्ह टीव्हीवर सांगितले की, मी पीटीव्हीतून राजीनामा देतोय. राष्ट्रीय वृत्तवाहिनीवर ज्या पद्धतीने माझ्याशी व्यवहार केला गेला. मला वाटते की मी इथे थांबू नये. त्यानंतर तो शोमधून बाहेर पडला.



Source link

Leave a Reply

Your email address will not be published. Required fields are marked *

%d bloggers like this: