विराट कोहलीच्या ‘शेवटच्या मॅच’मध्ये खेळणार नाही रोहित शर्मा? अशी असेल प्लेइंग-११


दुबई : टी-२० विश्वचषक २०२१ च्या उपांत्य फेरीच्या शर्यतीतून आधीच बाहेर पडलेली टीम इंडिया शेवटचा साखळी सामना खेळण्यासाठी दुबईच्या मैदानात उतरणार आहे. नामिबियाशी होणाऱ्या या सामन्यात मोठा विजय मिळवून स्पर्धेचा शेवट गोड करण्याचा टीम इंडियाच इरादा असेल. दुसरीकडे, सुपर-१२ मध्ये पोहचून नामिबिया संघाने इतिहास रचला आहे. जरी त्यांच्या खात्यात एकही विजय नसला, तरी नामिबियाच्या खेळाडूंनी आपल्या खेळाच्या जोरावर सर्वांची मने जिंकली आहेत. दुसरीकडे प्रतिभावान खेळाडूंचा भरणा असलेल्या टीम इंडियाचे आव्हान उपांत्य फेरीआधीच संपुष्टात आले आहे.

वाचा- IPL का खेळला मग? बीसीसीआयने कोहली अँड कंपनीला फटकारले

या सामन्यातील सर्वात महत्वाची गोष्ट म्हणजे भारत-नामिबिया सामना हा विराट कोहलीचा टी-२० कर्णधार म्हणून शेवटचा सामना असणार आहे. या सामन्यानंतर विराट कोहली टी-२० कर्णधारपदाचा राजीनामा देणार आहे. त्यामुळे विराट हा सामना एकतर्फी जिंकण्यासाठी प्रयत्न करेल.

वाचा- शोएब अख्तरला बसला १० कोटी दणका; Live टीव्ही शोमध्ये केला होता राडा

अखेरच्या साखळी सामन्यात विराट आपल्या संघात कोणत्या अंतिम अकरा खेळाडूंची निवड करणार? असा प्रश्न आता अनेकांच्या मनात निर्माण झाला आहे. भारतीय संघ आधीच स्पर्धेबाहेर गेला आहे. अशा परिस्थितीत संघ व्यवस्थापन बेंच स्ट्रेंथ आजमावू शकते. काही माध्यमांनी प्रसिद्ध केलेल्या वृत्तानुसार टीम इंडियामध्ये ३-४ बदल करण्यात येणार आहेत. त्यामध्ये रोहित शर्माचाही समावेश आहे.

वाचा- अफगाणिस्तानच्या पराभवानंतर भारताने घेतला मोठा निर्णय; संघ व्यवस्थापनाने रद्द केला…

भारतीय संघात काय बदल होणार?
टीम इंडियाच्या प्लेइंग इलेव्हनमध्ये तीन-चार बदल होऊ शकतात. भारतीय संघाचा सलामीवीर फलंदाज रोहित शर्माला विश्रांती दिली जाऊ शकते आणि त्याच्या जागी ईशान किशनला पुन्हा एकदा संधी मिळू शकते. गोलंदाजीत ३ बदल होऊ शकतात. मोहम्मद शमी, जसप्रीत बुमराह आणि वरुण चक्रवर्ती यांना विश्रांती दिली जाऊ शकते आणि त्यांच्या जागी शार्दुल ठाकूर, भुवनेश्वर कुमार आणि राहुल चहर यांना अंतिम-११ जणात स्थान दिले जाऊ शकते.

वाचा- विराट कोहलीच्या त्या एका चुकीने भारताचा घात झाला; अन्य संघ जिंकत होते आणि…

संभाव्य प्लेइंग इलेव्हन
के.एल. राहुल, ईशान किशन, विराट कोहली (कर्णधार), सूर्यकुमार यादव, ऋषभ पंत (यष्टीरक्षक), हार्दिक पंड्या, रविंद्र जडेजा, शार्दुल ठाकूर, भुवनेश्वर कुमार, आर. अश्विन, राहुल चहर.



Source link

Leave a Reply

Your email address will not be published. Required fields are marked *

%d bloggers like this: