Shridhar Chamre: पाकच्या गोळीबारात पालघरचा खलाशी मृत्यूमुखी; राज्य सरकारने घेतला ‘हा’ निर्णय


हायलाइट्स:

  • पाकच्या गोळीबारात पालघरचा खलाशी मृत्यूमुखी.
  • महाराष्ट्र सरकार कुटुंबाला देणार आर्थिक आधार.
  • मुख्यमंत्री सहाय्यता निधीतून ५ लाखांची मदत जाहीर.

मुंबई : भारत-पाकिस्तान हद्दीजवळ मच्छिमार नौकेतून मासेमारी करीत असताना पाकिस्तानी सुरक्षा एजन्सीकडून झालेल्या गोळीबारात मृत पावलेल्या श्रीधर चामरे (रा. वडराई जि. पालघर) यांच्या कुटुंबीयांना मुख्यमंत्री सहाय्यता निधीतून ५ लाख रुपयांचे आर्थिक सहाय्य देण्यात येणार आहे, अशी माहिती राज्याचे मत्स्यव्यवसाय मंत्री अस्लम शेख यांनी आज दिली. ( Shridhar Chamre Death Update )

वाचा: मी उद्या हायड्रोजन बॉम्ब फोडणार!; मलिक यांनी फडणवीसांना ललकारले

गुजरात राज्यातील ओखा (जि. वेरावळ) येथील ‘ जलपरी-४ ‘ ही मच्छिमार नौका ७ खलाशांसह २५ ऑक्टोबर रोजी ओखा येथे मासेमारीसाठी गेली होती. भारत-पाकिस्तान हद्दीनजीक मासेमारी करीत असताना दि. ६ नोव्हेंबर रोजी पाकिस्तानी सागरी सुरक्षा एजन्सीकडून झालेल्या गोळीबारात पालघर जिल्ह्यातील वडराई येथील श्रीधर रमेश चामरे हे मृत पावले तर अन्य एक खलाशी जखमी झाला. या घटनेत मृत पावलेल्या श्रीधर चामरे यांच्या मृत्यूबद्दल शोक व्यक्त करून त्यांच्या कुटुंबीयांना राज्य सरकारच्या वतीने मुख्यमंत्री सहायता निधीतून ५ लाख रुपयांचे आर्थिक सहाय्य देण्यात येणार असल्याचे मंत्री अस्लम शेख यांनी सांगितले.

दरम्यान, ठाणे- पालघरच्या सहायक मत्स्यव्यवसाय आयुक्तांनी श्रीधर चामरे यांच्या कुटुंबीयांची भेट घेऊन त्यांचे सांत्वन केले आहे.

वाचा: SITने हाती घेतलं मलिक यांच्या जावयाचं प्रकरण; उचललं ‘हे’ मोठं पाऊल

पाकने घुसखोरी केली आणि…

गुजरातमधील वनगबरा येथील मालक नानजी राठोड यांच्या ‘जलपरी’ बोटीवर पालघर तालुक्यातील वडराई गावातील श्रीधर चामरे हे गेल्या तीन महिन्यांपासून खलाशी म्हणून काम करीत होते. गुजरात राज्याच्या ओखा बंदर येथील मासेमारी नौका ‘जलपरी’ मासेमारी करण्यास समुद्रात निघाली होती. ही मासेमारी नौका गुजरात राज्यातील ओखा येथे भारत पाकिस्तान हद्दीनजीक मासेमारी करीत असताना पाकिस्तानी मेरिटाइम सिक्युरिटी एजन्सीकडून भारतीय सागरी क्षेत्रात शिरकाव करून मासेमारी नौकेवर बेछूट गोळीबार करण्यात आला. यात श्रीधर रमेश चामरे यांचा मृत्यू झाला.

वाचा: ‘फडणवीस मुख्यमंत्री असताना तो अंडरवर्ल्ड डॉन…’; मलिक यांचा धमाका



Source link

Leave a Reply

Your email address will not be published. Required fields are marked *

%d bloggers like this: