इंधन दर ; जाणून घ्या आजचा तुमच्या शहरातील पेट्रोल आणि डिझेलचा भाव


हायलाइट्स:

  • चार प्रमुख महानगरांमध्ये सलग सहाव्या दिवशी इंधन दर स्थिर आहेत.
  • महाराष्ट्र सरकारने इंधनावरील व्हॅट कमी न केल्याने राज्यात इंधन अजूनही महागच
  • जवळपास जवळपास २३ राज्यांनी आणि केंद्र शासित प्रदेशांनी व्हॅट कमी केला आहे.

मुंबई : देशातील चार प्रमुख महानगरांमध्ये सलग सहाव्या दिवशी इंधन दर स्थिर आहेत. दरम्यान, केंद्राच्या शुल्क कपातीनंतर अद्याप महाराष्ट्र सरकारने इंधनावरील व्हॅट कमी न केल्याने राज्यातील ग्राहकांना चढ्या दराने पेट्रोल आणि डिझेलची खरेदी करावी लागत आहे. त्यामुळे ग्राहकांमध्ये संतापाची लाट आहे.

सोने-चांदीमधील तेजी कायम ; जाणून घ्या आज कितीने महागले सोने
आज बुधवारी मुंबईत एक लीटर पेट्रोलचा भाव १०९.९८ रुपयांवर स्थिर आहे. दिल्लीत पेट्रोल १०३.९७ रुपये आहे. चेन्नईत पेट्रोलचा भाव १०१.४० रुपये आहे. कोलकात्यात एक लीटर पेट्रोल १०४.६७ रुपयांवर स्थिर आहे. मुंबईत एक लीटर डिझेलचा भाव ९४.१४ रुपये आहे.दिल्लीत डिझेल ८६.६७ रुपये इतके आहे. चेन्नईत आज डिझेलचा भाव प्रती लीटर ९१.४३ रुपये असून कोलकात्यात डिझेलचा भाव ८९.७९ रुपये आहे.

पेटीएमच्या आयपीओमध्ये पैसे गुंतवायचे की नाही? जाणून घ्या तज्ज्ञ काय म्हणतात…
केंद्र सरकारने दिवाळीत पेट्रोल आणि डिझेलवरील उत्पादन शुल्कात अनुक्रमे ५ रुपये आणि १० रुपयांची कपात केली होती. त्यांनतर जवळपास २३ राज्यांनी आणि केंद्र शासित प्रदेशांनी पेट्रोल आणि डिझेलवरील व्हॅट कमी केला आहे. त्यामुळे तेथे पेट्रोल आणि डिझेल आणखी स्वस्त झाले आहे. नुकताच पंजाब सरकारने इंधनावरील मूल्यवर्धीत करात (व्हॅट) कपात केली होती.

अर्थसंवाद, जादूचा दिवा ; इंधनदर बदलानंतरची शेअर बाजारातील गुंतवणूक
तत्पूर्वी सप्टेंबरच्या शेवटच्या आठवड्यापासून पेट्रोलियम कंपन्यांनी इंधन दरात कपात केली होती. २६ दिवस केलेल्या दरवाढीने पेट्रोल ८.१५ रुपयांनी महागले होते. २९ वेळा झालेल्या दरवाढीने डिझेलमध्ये ९.४५ रुपयांची वाढ झाली होती. त्यामुळे अनेक शहरांत पेट्रोल ११० रुपयांवर गेले होते तर डिझेलने शंभरी गाठली होती.

दरम्यान, जागतिक कमॉडिटी बाजारात पुन्हा एकदा कच्च्या तेलाचा भाव वाढला आहे. ब्रेंट क्रूडचा भाव मंगळवारी १.१४ डॉलरने वधारला आणि प्रती बॅरल ८४.७८ डॉलर इतका वाढला. डब्ल्यूटीआय क्रूडचा भाव २.०१ डॉलरने वाढला आणि तो ८४.१५ डॉलर प्रती बॅरल झाला.



Source link

Leave a Reply

Your email address will not be published. Required fields are marked *

%d bloggers like this: