‘या’ जिल्ह्यात एसटीला पर्यायी वाहतूक व्यवस्था सुरु, प्रवाशांचा कमी दरात होणार प्रवास


सांगली : प्रवाशांची गैरसोय टाळून खाजगी प्रवासी वाहतुकीच्या मनमानी दरवाढीला आळा घालण्यासाठी सांगलीत काळ्या पिवळ्या जीपमधून पर्यायी वाहतूक व्यवस्था सुरू करण्यात आली आहे. आरटीओ विभागाने पर्यायी वाहतूक व्यवस्थेचे नियोजन केले असून, आज सांगली आगारातून ५० हून अधिक जीप सोडण्यात आल्या. विशेष म्हणजे एसटीच्या दरातच पर्यायी वाहतूक व्यवस्था सुरू केल्याने, खाजगी प्रवासी वाहनांच्या मनमानी दरवाढीला आळा बसणार आहे.

एसटी कर्मचाऱ्यांचा विविध मागण्यांसाठी संप सुरू असल्याने प्रवाशांचा खोळंबा होत आहे. तसेच खाजगी प्रवासी वाहनधारकांकडून मनमानी दराची आकारणी केली जात आहे. यात प्रवाशांची लूट होत असल्याने जिल्हा प्रशासनाने पर्यायी प्रवासी वाहतूक व्यवस्था सुरू करण्याचे आदेश आरटीओ विभागाला दिले होते.

शिवेंद्रराजेंचा विरोध असतानाही उदयनराजेंची बिनविरोध निवड, जिल्हा बँकेच्या निवडणुकीत घडलं भलतंच
यानुसार आरटीओ विभागाच्या वतीने प्रवासी वाहतूक परवानाधारक काळ्या पिवळ्या जीप चालकांना एसटी आगारामधून प्रवासी वाहतूक करण्यास परवानगी दिली आहे. बुधवारी सकाळी ५० पेक्षा जास्त जीप चालकांनी सांगली आगारातून प्रवासी वाहतुकीला सुरुवात केली. एसटीच्या दरातच जीपची वाहतूक सुरू राहणार आहे.

सांगली जिल्ह्यातील प्रमुख मार्गांसह पुणे मार्गवर एसटी दरात खासगी प्रवासी वाहतूक सुरू केली आहे. जिल्हांतर्गत वाहतुकीसह लांबच्या मार्गावरील वाहतुकीचीही लवकरच व्यवस्था केली जाणार आहे. यासाठी आरटीओ विभागाचे १३ अधिकारी बस स्थानकात तैनात करण्यात आले आहेत. तसेच पोलीस बंदोबस्त तैनात करण्यात आला आहे. एसटीच्या दरात पर्यायी वाहतूक व्यवस्था सुरू केल्यामुळे खाजगी प्रवासी वाहनचालकांच्या मनमानी दरवाढीला आळा बसेल, असा विश्वास आरटीओ अधिकाऱ्यांनी व्यक्त केला आहे.

सरकारवर आरोप करत एसटी कामगाराचा आत्महत्येचा प्रयत्न; कोल्हापुरात खळबळ



Source link

Leave a Reply

Your email address will not be published. Required fields are marked *

%d bloggers like this: