टी-२०चे कर्णधारपद सोडल्यानंतर विराटला बसला मोठा फटका


दुबई: आंतरराष्ट्रीय क्रिकेट परिषदेने टी-२०मधील ताजी क्रमवारी जाहीर केली आहे. या क्रमवारीत भारताचा कर्णधार विराट कोहली याला मोठा फटका बसला आहे. पाकिस्तानचा कर्णधार बाबर आझम पहिल्या स्थानावर कायम आहे. युएईमध्ये टी-२० वर्ल्डकप सुरू असून भारतीय संघ ग्रुप फेरीत स्पर्धेतून बाहेर पडला आहे.

वाचा- Video: तुम्ही देखील बघा, अशी आपली धुलाई केली होती

आयसीसीच्या टी-२० क्रमवारीत दक्षिण आफ्रिकेच्या एडम मार्करम याला ३ स्थानांचा फायदा झाला आहे. तो तिसऱ्या क्रमांकावर पोहोचला आहे. इंग्लंडचा फलंदाज डेव्हिड मलान दुसऱ्या स्थानावर आहे. तर ऑस्ट्रेलियाचा कर्णधार फिंच चौथ्या स्थानावर आहे. भारताचा सलामीवीर केएल राहुलला वर्ल्डकपमधील कामगिरीचा फायदा झाला. त्याचे क्रमवारीतील स्थान ३ ने वाढले असून तो पाचव्या स्थानावर पोहोचला आहे. भारताचा कर्णधार विराट कोहली ८व्या स्थानावर घसरला आहे. पाकिस्तानचा फलंदाज मोहम्मद रिझवान कोहलीच्या पुढे सहाव्या स्थानावर आहे.

वाचा- ‘संघात दोन ग्रुप; एक दिल्ली तर दुसरा मुंबई, विराट कोहली टी-२०तून निवृत्ती घेणार’

वाचा- संजूला न्याय द्या; सोशल मीडियावर चाहत्यांनी व्यक्त केला राग

गोलंदाजीत श्रीलंकाचा फिलकीपटू वानिंदु हसरंगा पहिल्या स्थानावर कायम आहे. आफ्रिकेचा फिरकीपटू तरबेज शम्सी दुसऱ्या तर इंग्लंडचा आदिल राशिद तिसऱ्या स्थानावर आहे. टी-२० क्रिकेट सुरू झाले तेव्हा असे मानले जात होते की फिरकीपटूंची खुप धुलाई होईल. पण सध्या त्यांनी धमाकेदार कामगिरी करून दाखवली आहे. क्रमवारीत चौथ्या स्थानावर देखील फिरकीपटूच आहे. अफगाणिस्तानचा राशिद खान चौथ्या आणि ऑस्ट्रेलियाचा फिरकीटपटू एडम जंपा पाचव्या तर मुजीब उर रहमान सहाव्या स्थानावर आहे.

वाचा- पुढच्या टी-२० वर्ल्डकपमध्ये भारताचे काही खर नाही, BCCIने केली पराभवाची तयारी

ऑलराउंडरमध्ये अफगाणिस्तानचा मोहम्मद नबी पहिल्या स्थानावर आहे. बांगलादेशचा शाकिब अल हसनला एका स्थानाचा फटका बसला.



Source link

Leave a Reply

Your email address will not be published. Required fields are marked *

%d bloggers like this: