Malala Yousafzai: कोण आहे मलालाचा पती असर मलिक? जाणून घ्या…


नवी दिल्ली : नोबेल शांती पुरस्कार विजेती पाकिस्तानची सामाजिक कार्यकर्ता मलाला युसुफजई हिनं सोशल मीडियावरून आपल्या विवाहाची माहिती देत आपल्या विवाहसोहळ्याचे फोटोही शेअर केले. त्यानंतर मलालाचा पती असर मलिक याच्याविषयी जाणून घेण्यासाठी अनेक जण उत्सुक आहेत.

ब्रिटनमधील बर्मिंघम शहरात मलाला आणि असर मलिक यांचा विवाहसोहळा पार पडला. मलालाचा पती असर मलिक क्रीडा क्षेत्राशी निगडीत आहे. असर पाकिस्तानी क्रिकेट बोर्डात हाय परफॉर्मन्स जनरल मॅनेजर आहे.


पाकिस्तानी मीडियानं दिलेल्या माहितीनुसार, मलिकनं २०१२ मध्ये ‘लाहौर युनिव्हर्सिटी ऑफ मॅनेजमेंट सायन्स’मधून ‘इकोनॉमिक्स अँड पॉलिटिकल सायन्स’मध्ये पदवी प्राप्त केलीय.

तसंच असरनं कोका कोला आणि फ्राईसलँड कॅम्पिना यांसारख्या प्रसिद्ध ब्रान्डसोबतही काम केलंय.

Malala Yousafzai: नोबल पुरस्कार विजेती मलाला युसुफजई अडकली विवाहबंधनात

असर मलिकनं पाकिस्तान सुपर लीगच्या ‘फ्रेन्चायजी मुल्तान सुल्तान’साठीही ऑपरेशनल मॅनेजर म्हणून कामकाज हाताळलंय. असर सार्वजनिक रुपात अनेकदा समोरही आला आहे.

यापूर्वीही मलाला आणि असर मलिक क्रिकेट वर्ल्डकप दरम्यान एकत्र दिसले होते. पाकिस्तान आणि दक्षिण आफ्रिका दरम्यान लंडनच्या लॉर्डस मैदानावर खेळण्यात आलेल्या २३ जून २०१९ रोजीच्या सामन्यात हे दोघे आपल्या काही मित्रांसोबत दिसले होते. या फोटोत वकार युनूसही दिसले होते. हीच मलाला आणि असरची पहिली प्रत्यक्ष भेट ठरल्याची माहिती पाकिस्तानी मीडियानं दिलीय.


मलालानं ऑक्सफर्ड युनिव्हर्सिटीतून तत्त्वज्ञान, राज्यशास्त्र आणि अर्थशास्त्र या विषयांचा अभ्यास केलाय. तिला क्रिकेटचीही आवड आहे, याचा उल्लेख तिनं अनेक मुलाखतींतही केलाय.

मलाला युसुफजई ही सर्वात कमी वयात नोबेल पुरस्कार मिळवणारी सामाजिक कार्यकर्ता ठरली होती. मलालाचा जन्म पाकिस्तानात झाला होता. आपल्या वडिलांसोबत पाकिस्तानात मुलींच्या शिक्षणासाठी प्रयत्न करणाऱ्या मलालावर तालिबानी दहशतवाद्यांनी २०१२ मध्ये समोरून गोळीबार केला होता. त्यावेळी मलाला केवळ ११ वर्षांची होती. शाळेतून घरी परतणाऱ्या मलालाची शाळेची बस अडवून हा हल्ला करण्यात आला होता. ब्रिटनमध्ये दीर्घकाळ उपचारानंतर मलालाच्या तब्येतीत सुधारणा झाली. त्यानंतर इथूनच मलालानं आपलं कार्य सुरू ठेवलं.

UP Police: घरावर पाकिस्तानी झेंडा फडकावल्याचा आरोप, चौघांवर ‘देशद्रोहा’चा गुन्हा
UP Elections: ५० वर्षांपूर्वी पाकिस्तानातून आलेल्या ‘हिंदू-बंगाली’ कुटुंबांना यूपीत मिळणार हक्काची जमीन
BJP MP Pragya Singh: ‘अजान’मुळे ‘आरती’त विघ्न, ध्यानात भंग; भाजप खासदाराची आक्षेपार्ह वक्तव्यं





Source link

Leave a Reply

Your email address will not be published. Required fields are marked *

%d bloggers like this: