amruta fadnavis gives notice to malik:’मलिक, तुम्ही जाहीर माफी मागा, नाहीतर…’; अमृता फडणवीस यांनी पाठवली कायदेशीर नोटीस


हायलाइट्स:

  • अमृता फडणवीस यांची नवाब मलिक यांना कायदेशीर नोटीस.
  • बदनामीकारक ट्विट मागे घेत जाहीर माफी मागा- अमृता फडणवीस यांचे आवाहन.
  • अन्यथा मानहानीच्या खटल्याला सामोरे जावे लागेल- फडणवीस यांचा मलिकांना इशारा.

मुंबई: विधानसभेतील विरोधी पक्षनेते देवेंद्र फडणवीस (Devendra Fadnavis) यांच्या पत्नी अमृता फडणवीस (Amruta Fadnavis) यांनी राज्याचे अल्पसंख्याक मंत्री नवाब मलिक (Nawab Malik) यांना कायदेशीर नोटीस पाठवली आहे. देवेंद्र फडणवीस यांच्यात आशीर्वादाने राज्यात ड्रग्जचा उद्योग चालत होता, असा गंभीर आरोप मलिक यांनी केला होता. त्यावेळी त्यांनी एक फोटो प्रसिद्ध केला होता. त्या फोटोत देवेंद्र फडणवीस आणि अमृता फडणवीस यांच्यासोबत जयदीप राणा (Jaydeep Rana) हा ड्रग पेडलर असल्याचे मलिक यांनी म्हटले होते. याच आरोपासंदर्भात अमृता फडणवीस यांनी ही नोटीस पाठवली आहे. (Amrita Fadnavis sent a legal notice to Nawab Malik)

क्लिक करा आणि वाचा- नवाब मलिक यांच्यावर देशद्रोहाचा गुन्हा दाखल करा; चंद्रकांत पाटील यांची मागणी

अमृता फडणवीस यांनी गायलेल्या गाण्यांच्या अल्बमसाठी जयदीप राणा यानेच फायनान्स केला होता, असा दावा मलिक यांनी केला होता. मलिक यांच्या या आरोपानंतर आता अमृता फडणवीस यांनी ही नोटीस धाडली आहे. नवाब मलिक यांनी पुढील ४८ तासांमध्ये त्यांनी केलेले मानहानीकारक आणि दिशाभूल करणारे ट्विट डिलीट करावे आणि जाहीरपणे माफी मागणी असे आवाहन अमृता फडणवीस यांनी मलिक यांना केले आहे. मात्र मलिक यांनी जर असे केले नाही, तर मात्र आपल्याला मानहानीच्या खटल्याला सामोरे जावे लागेल असा इशाराही फडणवीस यांनी मलिकांना दिला आहे.

क्लिक करा आणि वाचा- किरीट सोमय्या यांना कोर्टाचे समन्स, काँग्रेसने ठोकला मानहानीचा दावा

अमृता फडणवीस यांनी ट्विट करून हा इशारा दिला आहे. त्या आपल्या ट्विटमध्ये म्हणतात, ‘ नवाब मलिक यांनी काही चित्रांसह बदनामीकारक, दिशाभूल करणारी आणि अपमानास्पद ट्विटची मालिकाच शेअर केली आहे! आयपीसीच्या विविध कलमांखाली फौजदारी कारवाईसह बदनामीची नोटीस येथे आहे. एकतर बिनशर्त सार्वजनिक माफी मागून ४८ तासांत ट्वीट हटवा किंवा कारवाईला सामोरे जा!’

क्लिक करा आणि वाचा- रियाज भाटीचे तर शरद पवार, उद्धव ठाकरेंसोबत फोटो; शेलारांचे मलिकांना प्रत्युत्तर



Source link

Leave a Reply

Your email address will not be published. Required fields are marked *