गटबाजी की हलगर्जीपणा?; बहुमतात असूनही राष्ट्रवादी काँग्रेसचा ‘असा’ झाला पराभव


हायलाइट्स:

  • नरखेड पंचायत समिती येथे राष्ट्रवादीचा अधिकृत उमेदवार वेळेत पोहोचला नाही.
  • या कारणामुळे बहुमतातील राष्ट्रवादी उमेदवाराविनाच राहिली.
  • अखेर अल्पमतातील भाजपने ही निवडणूक अविरोध जिंकली.

म.टा. प्रतिनिधी, नागपूर

नरखेड पंचायत समिती येथे राष्ट्रवादीचा अधिकृत उमेदवार वेळेत न पोहोचल्याने बहुमतातील राष्ट्रवादी उमेदवाराविनाच राहिली. अखेर अल्पमतातील भाजपने ही निवडणूक अविरोध जिंकली. राष्ट्रवादीतील गटबाजीमुळे असो किंवा हलगर्जीपणामुळे असो बहुमतात असताना पद गमावल्याने पक्षाची नाचक्की झाल्याची प्रतिक्रिया पक्षाच्या सामान्य कार्यकर्त्यांमधून उमटते आहे. (narkhed panchayat samiti defeat of ncp despite having majority)

नरखेड येथील पंचायत समितीची पोटनिवडणूक अलीकडेच झाली. यानंतर तेथे ८ पैकी ६ सदस्य राष्ट्रवादीचे तर २ सदस्य भाजपचे होते. त्यामुळे उपसभापती पदाची पोटनिवडणूक ही केवळ औपचारिकता होती. राष्ट्रवादी कॉग्रेस पक्षाने मयुर उमरकर यांच्यावर अधिकृत शिक्का मारला होता. मात्र, नामांकन अर्ज भरण्याची मुदत दुपारी १ वाजेपर्यंतची असताना उमरकर दुपारी १ नंतर मिनिटांनी अर्ज भराण्यास आले. वेळ निघून गेल्याने उपविभागीय अधिकारी श्रीकांत उबरकर यांनी अर्ज स्वीकारण्यास नकार दिला. अखेर भाजपचे स्वप्निल नागापूरे हे अविरोध निवडून आले.

क्लिक करा आणि वाचा- सतेज पाटील यांच्या विरोधात महाडिक की आवाडे?; शुक्रवारी फैसला

गटबाजी की हलगर्जी?

या निवडणुकीची जबाबदारी सलील देशमुखांकडे होती. त्यांनी सर्व सदस्यांना एपीएमसी मध्ये बोलाविले. मात्र, दुपारी १ वाजेपर्यंतनी त्यांनी काहीच आदेश दिले नाहीत. त्यानंतर त्यांनी उमरकरांना अर्ज भरण्यास सांगितले, अशी माहिती काही सूत्रांमार्फत मिळते आहे. तसेच राष्ट्रवादीत दोन गट होते. यातील जो गट राष्ट्रवादीशी बंडखोरी करेल त्याला समर्थन देण्याची भूमिका भाजपने घेतली होती, अशीही चर्चा होती. त्यामुळे ही गटबाजी वाढली यात राष्ट्रवादीच्या सदस्यांची नाराजी दूर करून अधिकृत उमेदवार देण्यास उशीर झाल्याचेही सांगितले जात आहे. ‘मटा’ने या सर्व प्रकाराबाबत सलील देशमुख यांची प्रतिक्रिया जाणून घेण्याचा प्रयत्न केला. मात्र, त्यांचाशी संपर्क होऊ शकला नाही. राष्ट्रवादीचे जिल्हाध्यक्ष बाबा गुजर म्हणाले ‘बहुमतात असतानासुद्धा पक्षाचा उमेदवारच निवडणुकीत नसणे हे निश्चितच धक्कादायक आहे. या निवडणुकीची जबाबदारी सलील देशमुख यांच्याकडे देण्यात आली होती. आज झालेल्या घडामोडीची माहिती प्रदेशाध्यक्षांना देण्यात आली आहे. तसेच जिल्हाध्यक्ष या नात्याने या निवडणुकीतील पराभवाचा जाब मी सलील देशमुखांना विचारेन.’

क्लिक करा आणि वाचा- करोना: राज्यात आज दैनंदिन रुग्णसंख्या घटली; सक्रिय रुग्णसंख्याही होतेय कमी

जातवैधतेच्या विळख्यात रखडली निवडणूक

उमेदवारांनी जातवैधता प्रमाणपत्र न सादर केल्यामुळे हिंगणा पंचायत समिती सभापती पदाची निवडणूक ऐनवेळी पुढे ढकलावी लागली. हे पद इतर मागासवर्गीयकरिता आरक्षित होते. राष्ट्रवादी काँग्रेसकडून रुपाली खाडे यांनी, तर भाजपकडून संजय ढोढरे यांनी सभापती पदाकरिता उमेदवारी अर्ज सादर केले. परंतु, दोघांनी जात वैधता प्रमाणपत्रच सादर केले नाही. अकेर निवडणूक निर्णय अधिकारी म्हणून उपस्थित असलेल्या उपविभागीय अधिकारी इंदिरा चौधरी यांनी हे दोन्ही अर्ज रद्द ठरविले. या निवडणुकीत राष्ट्रवादी बहुमतात होती. तरीसुद्धा भाजपच्या उमेदवाराने जातपळताळणी प्रमाणपत्र सादर केले असते तर आज अल्पमतात असलेल्या पक्षाचा सभापती होऊ शकला असता. त्यामुळे राष्ट्रवादीसोबतच भाजपच्या नेत्यांसाठीही हा धक्काच होता.

क्लिक करा आणि वाचा- ‘मलिक, तुम्ही जाहीर माफी मागा, नाहीतर…’; अमृता फडणवीस यांनी पाठवली कायदेशीर नोटीस

काँग्रेसची सरसी

याखेरीज जिल्ह्यात मौदा पंचायत समितीमध्ये कॉंग्रेसचे सिंगनजुडे यांची सभापती तर सेनेचे चौरे यांची उपसभापती पदी बिनविरोध निवड झाली. तसेच रामटेक पंचायत समितीमध्ये काँग्रेसच्या कला ठाकरे सभापतीपदी निवडून आल्या. कळमेश्वर येथे पार पडलेल्या पंचायत समिती सभापतीपदाच्या निवडीत काँग्रेसचे श्रावणदादा भिंगारे यांची परत पुन्हा एकदा बिनविरोधपणे निवड करण्यात आली.

क्लिक करा आणि वाचा- नवाब मलिक यांच्यावर देशद्रोहाचा गुन्हा दाखल करा; चंद्रकांत पाटील यांची मागणी



Source link

Leave a Reply

Your email address will not be published. Required fields are marked *

%d bloggers like this: