पंढरपूर येथे तालुका विधी सेवा समिती पंढरपूर यांचे तर्फे कायदेविषयक शिबीर संपन्न

शेतकी भवन पंचायत समिती पंढरपुर येथे तालुका विधी सेवा समिती पंढरपूर यांचे तर्फे कायदेविषयक शिबीर संपन्न

पंढरपूर /ज्ञानप्रवाह न्यूज – महाराष्ट्र राज्य विधी सेवा प्राधिकरण मुंबई यांच्या किमान समान शिबीर कार्यक्रमांतर्गत तालुका विधी सेवा समिती पंढरपूर व पंढरपूर अधिवक्ता संघ यांच्या संयुक्त विद्यमाने दिनांक १६ मार्च २०२५ रोजी शेतकी भवन पंचायत समिती पंढरपुर येथे डी एन सुरवसे अध्यक्ष तालुका विधीसेवा समिती तथा जिल्हा न्यायाधीश-१, पंढरपूर यांच्या मार्गदर्शनाखाली व श्रीमती एस एस पाखले दिवाणी न्यायाधीश वरिष्ठ स्तर पंढरपूर यांच्या अध्यक्षतेखाली कायदे विषयक शिबीराचे आयोजन करण्यात आले होते.

सदर कार्यक्रमास श्रीमती आशा घोडके स्त्री रोग तज्ञ सोलापुर, श्रीमती के पी बेंडभर अति.सरकारी अभियोक्ता पंढरपुर तसेच श्रीमती मोनिका खडके पाटील पोलिस उपनिरीक्षक पंढरपुर शहर पो.ठाणे यांना आमंत्रित करण्यात आले होते.श्रीमती आशा घोडके यांनी महिलांच्या आरोग्या विषयी मार्गदर्शन केले.श्रीमती के पी बेंडभर यांनी पोक्सो कायद्याविषयी मार्गदर्शन केले. श्रीमती मोनिका खडके पाटील यांनी बालविवाह या विषयावर मार्गदर्शन केले.

कार्यक्रमाचे अध्यक्ष न्यायाधीश श्रीमती एस एस पाखले यांनी महिलांना मार्गदर्शन केले. शिबीरादरम्यान २ रे सह दिवाणी न्यायाधीश व स्तर पंढरपूर एन एस बुद्रुक यांनी उपस्थितांच्या प्रश्नांची उत्तरं दिली.

अधिवक्ता संघाचे अध्यक्ष ॲड आर.बी. चौगुले यांनी शिबीराची प्रस्तावना केली.या शिबीराचे सूत्रसंचालन ॲड.ए.एम.देशमुख यांनी केले.आभार उपाध्यक्ष ॲड एम व्ही कसबे यांनी मानले.

सदर कार्यक्रमास बचत गटाच्या महिला, अंगणवाडी महिला, पोलिस महिला कर्मचारी, व न्यायालयीन कर्मचार्यांसह विधी स्वयंसेवक तथा अधिकार मित्र नंदकुमार देशपांडे,सुधीर येरगट्टीकर, पांडुरंग कोल्हापूरकर,अंकुश वाघमारे, मैंदर्गीकर, महेश भोसले आदी उपस्थित होते.