national

एक्सपोसॅटच्या यशासाठी इस्रोचे मुख्यमंत्री एकनाथ शिंदेंकडून अभिनंदन

नववर्षाच्या प्रारंभीच भारताची अवकाश भरारी के.जे.सोमय्या महाविद्यालयाचे मुख्यमंत्री एकनाथ शिंदे यांच्याकडून कौतुक

एक्सपोसॅटच्या यशासाठी इस्रोचे मुख्यमंत्री एकनाथ शिंदे यांच्याकडून अभिनंदन

मुंबई, दि.१: अवकाशातील वेधशाळेसह, दहा उपग्रहांचे यशस्वी प्रक्षेपण आणि त्यांना इच्छीत कक्षेत प्रस्थापित करण्याचा भारतीय अवकाश संशोधन संस्था इस्रोने आज नववर्षाच्या प्रारंभीच विक्रम केला आहे. इस्रोच्या या एक्सपोसॅट या महत्वाकांक्षी मोहिमेच्या अभूतपूर्व यशाचे मुख्यमंत्री एकनाथ शिंदे यांनी स्वागत केले आहे.तसेच इस्रोचे आणि या मोहिमेत सहभागी सर्वांचे अभिनंदन केले आहे.

विशेष म्हणजे या मोहिमेतील दहा उपग्रहांपैकी एक उपग्रह मुंबईतील के.जे. सोमय्या महाविद्यालयाचा आहे.यासाठीही मुख्यमंत्र्यांनी या महाविद्यालयातील या वैज्ञानिक उपक्रमशीलतेचे कौतुक करून यात सहभागी संशोधक विद्यार्थी,अध्यापक- तज्ज्ञांचे अभिनंदन केले आहे.

नव्या वर्षाच्या पहिल्याच दिवशी इस्रोने भारतीयांना एक वैज्ञानिक गिफ्ट दिली आहे. चंद्रयान -३ मोहिम,आदित्य-एल १,गगनयान १ या लागोपाठ यशस्वी मोहिमांनी इस्त्रोने भारतीयांची मान गौरवाने उंचावली आहे.या यशा पाठोपाठ आता अवकाश संशोधनाला मोठी गती मिळेल.

एक्सपोसॅटच्या यशाने भारतीयांचा अवकाश संशोधनातील आत्मविश्वास उंचावला आहे. या यशामागे आदरणीय पंतप्रधान नरेंद्र मोदी यांच्या वैज्ञानिक व अवकाश संशोधनाला पाठबळ देण्याची भूमिका महत्त्वाची ठरली आहे,असे नमूद करून मुख्यमंत्र्यांनी इस्रोच्या या मोहिमेत सहभागी वैज्ञानिक,संशोधक, अभियंते,तंत्रज्ञ तसेच तमाम विज्ञान जगताचे अभिनंदन केले आहे. इस्रोच्या पुढील सर्वच मोहिमांना,प्रयोगांसाठी सुयश चिंतिले आहे.

Leave a Reply

Your email address will not be published. Required fields are marked *