Virat kohli : ७ वर्ष अखंड मेहनत, १२० टक्के क्षमतेने खेळलो, आता पूर्णविराम देण्याची वेळ, विराटची राजीनामा पोस्ट जशीच्या तशी!


मुंबई : एकदिवसीय आणि टी ट्वेन्टीनंतर विराट कोहलीने (Virat Kohli) कसोटी संघाचं कर्णधारपद देखील सोडण्याचा निर्णय घेतलाय. आज ट्विटरवरुन आपल्या कसोटी कर्णधारपदाचा त्याने राजीनामा दिलाय (virat kohli step down). दक्षिण आफ्रिकेविरुद्धची कसोटी मालिका (India vs South Africa Test Series) गमावल्यानंतर त्याने हा निर्णय घेतलाय. कालच भारताला दक्षिण आफ्रिकेविरोधात २-१ ने पराभवाचा धक्का सहन करावा लागला. हा धक्का विराटला खूपच बोचणारा ठरला. कोहलीने टी ट्वेन्टी विश्वचषकाअगोदर टी ट्वेन्टी संघाचं कर्णधारपद सोडलं, त्यानंतर बीसीसीआयने त्याला एकदिवसीय संघाच्या कर्णधारपदावरुन हटवलं. आता कोहलीने स्वत:च कसोटी संघाचं कर्णधारपद सोडण्याचा निर्णय घेतलाय. ट्विटरवरुन एक निवेदन सादर करत त्याने आपल्या ‘कॅप्टन्सी करिअर’ला पूर्णविराम दिला.

राजीनामा देताना विराट कोहली काय म्हणाला?

“संघाला एका योग्य दिशेनं घेऊन जाण्यासाठी मी सलग सात वर्ष अखंड मेहनत घेतली. त्यासाठी अविरतपणे झटलो. मी माझी जबाबदारी प्रामाणिकपणे पार पाडली. प्रत्येक गोष्टीला कुठे ना कुठे अंत असतो. भारतीय कसोटी संघाचा कर्णधार या नात्याला पूर्णविराम लावायची वेळ आता आली आहे. या प्रवासात मी अनेक चढउतार पाहिले, अनुभवले. पण कधीच कुठे कशाची कमी भासणार नाही, यासाठी मनापासून पूर्ण प्रयत्न केले.”

“कोणतीही गोष्ट 120 टक्के क्षमतेनं करायची, या विचाराचा मी आहे. त्याच विचारानं मी काम केलं. पण जर त्याच क्षमतेनं मी एखादी गोष्ट करु शकत नसेन, तर योग्य वेळी जबाबदारीतून स्वतःला मोकळं करणं हा एक भाग आहे. अर्थात असं करणं योग्य नाही, याचीही मला जाणीव आहे. पण या बाबतीत मी स्वतःची आणि माझ्या संघाची फसवणूक करु शकत नाही. मनापासून विचार केल्यानंतर मी या निर्णयावर पोहोचलो आहे.”

“मी बीसीसीआयचे आभार मानतो की त्यांनी मला ही संधी दिली. भारतीय संघाचं नेतृत्त्व करण्याची संधी मला मिळाली, हे मी माझं भाग्य समजतो. या संपूर्ण प्रवासात कधीच कोणत्याही परिस्थितीत हार न मानण्याची शिकवण देणाऱ्या माझ्या सहकाऱ्यांचेही मी आभार मानतो. रवीभाई आणि मला नेहमी प्रोत्साहित करणाऱ्या पडद्यामागील महत्त्वाच्या सर्वजणांचं योगदानही मोठं आहे. तुम्ही जगण्याला दृष्टी देण्याचं मोलाचं काम केलं आहे…

“आणि सर्वात शेवटी मी एमएस धोनीचे शतशः आभार मानतो. त्याच्यामुळे मी कर्णधार बनू शकलो. धोनीला माझ्यात नेतृत्त्व दिसल्यामुळे, MS धोनीने भारतीय संघाला प्रगतीपथावर घेऊन जाण्यासाठी माझं नाव सुचवलं. त्याचेही मनापासून आभार”



Source link

Leave a Reply

Your email address will not be published.

%d bloggers like this: