aparna yadav : भाजपही यूपीत मोठा धमाका करणार, मुलायम सिंहांच्या घराण्यातच लावला ‘सुरुंग’!


लखनऊ : उत्तर प्रदेशातील विधानसभा निवडणुकीत जोरदार राजकारण तापलं आहे. उत्तर प्रदेशात सत्ताधारी भाजपच्या मंत्री आणि आमदारांना फोडून समाजवादी पक्षाने मोठा धक्का दिला. आता भाजपने थेट समाजवादी पार्टीचे अध्यक्ष अखिलेश यादव आणि पक्षाचे संस्थापक मुलायम सिंह यादव यांच्या घरातच सुरुंग लावल्याचं बोललं जातंय. मुलायम सिंह यादव यांची धाकटी सून अपर्णा यादव ( aparna yadav ) या भाजपमध्ये प्रवेश करणार असल्याची चर्चा आहे. अपर्णा यादव या लवकरच भाजपमध्ये प्रवेश करणार असल्याचं बोललं जातंय. मात्र, या वृत्ताला अधिकृत दुजोरा मिळालेला नाही.

कोण आहे अपर्णा यादव?

अपर्णा यादव यांनी लखनऊच्या कँट मतदारसंघातून २०१७ ला विधानसभा निवडणूक लढवली होती. पण निवडणुकीत त्यांचा भाजपच्या उमेदवार रिटा बहुगुणा जोशी यांनी पराभव केला. मात्र, त्या दुसऱ्या क्रमांकावर होत्या. अपर्णा यादव यांना जवळपास ६३ हजार मते मिळाली होती. मुलायम सिंह यांची दुसरी पत्नी साधना गुप्ता यांचा मुलगा प्रतीक यादव हे अपर्णा यादव यांचे पती आहेत.

समाजवादी पक्षात असूनही अपर्णा यादव यांनी मुख्यमंत्री योगी आदित्यनाथ आणि पंतप्रधान नरेंद्र मोदी यांचे अनेकदा कौतुक केले आहे. आता भाजप त्यांना लखनऊ कँट विधानसभा मतदारसंघातून उमेदवारी देऊ शकते, असे चर्चा आहे.

अपर्णा यादव या आज भाजपमध्ये प्रवेश करणार असल्याचंही सांगण्यात येतंय. उत्तर प्रदेशची राजधानी लखनऊमध्ये केंद्रीय मंत्री अनुराग ठाकूर आणि यूपी भाजप प्रदेशाध्यक्ष स्वतंत्र देव सिंह यांच्या उपस्थितीत अनेक प्रमुख नेते भाजपमध्ये प्रवेश करणार असल्याचं बोललं जातंय. यावेळी अपर्णाही भाजपमध्ये प्रवेश करतील, असा दावा केला जातोय.

Akhilesh Yadav : भाजपने योगींना आधीच घरी पाठवले!; अखिलेश यादव असे नेमके का म्हणाले?

उत्तर प्रदेश विधानसभेसाठी ७ टप्प्यांत होणार मतदान

उत्तर प्रदेशमध्ये सात टप्प्यात मतदान होणार आहे. त्याची सुरवात १० फेब्रुवारीपासून होणार आहे. राज्याच्या पश्चिम भागातील ११ जिल्ह्यांतील ५८ जागांसाठी मतदानाने सुरवात होणार आहे. दुसऱ्या टप्प्यात १४ फेब्रुवारीला राज्यातील ५५ जागांसाठी मतदान होईल.

BJP Candidate List: योगी अयोध्येतून नाही, ‘या’ मतदारसंघातून लढणार; भाजपची वेगळी चाल!

उत्तर प्रदेश विधानसभेच्या ४०३ जागांसाठी तिसऱ्या टप्प्यात ५९ जागा, २३ फेब्रुवारीला चौथ्या टप्प्यात ६० जागा, २७ फेब्रुवारीला पाचव्या टप्प्यात ६० जागा, सहाव्या टप्प्यात ३ मार्चला ५७ जागा आणि सातव्या टप्प्यात ३ मार्चला मतदान होणार आहे. ७ मार्च ५४ जागांसाठी मतदान होणार आहे. विशेष म्हणजे २०१७ च्या विधानसभा निवडणुकीत एकट्या भाजपने ३१२ जागा जिंकल्या होत्या आणि मित्रपक्षांना १३ जागा मिळाल्या होत्या. सत्ता गमावल्यानंतर प्रमुख विरोधी पक्ष बनलेल्या समाजवादी पक्षाला केवळ ४७ जागा जिंकता आल्या होत्या.



Source link

Leave a Reply

Your email address will not be published.

%d bloggers like this: