up election news : यूपीत मित्रपक्षच देणार भाजपला आव्हान? करणार मोठी घोषणा


पाटणा/लखनऊ : उत्तर प्रदेश विधानसभा निवडणुकीच्या पार्श्वभूमीवर राजकीय रणधुमाळी चांगलीच वाढली आहे. निवडणुकीत सर्व प्रकारचे डावपेच खेळले जात आहेत. यूपीला लागून असलेल्या बिहारमध्येही जोरात तयारी आहे. मात्र, नितीशकुमार यांच्यासोबत बिहारमध्ये सत्तेत असलेल्या भाजपने यूपीमध्ये जेडीयूसोबत युती केलेली नाही. यामुळे यूपीमध्ये भाजपविरोधात जेडीयू निवडणूक लढणार आहे.

योगी-नितीश जोडी यूपीत नाही

नितीशकुमार आणि योगी आदित्यनाथ जोडी उत्तर प्रदेशात दिसणार नाही. आता जेडीयू यूपीमध्ये स्वबळावर निवडणूक लढणार आहे. जेडीयूचे यूपी प्रभारी के. सी. त्यागी याबाबत माहिती दिली. प्रदेशाध्यक्ष अनूप पटेल यांनी १८ जानेवारीला लखनऊमध्ये बैठक बोलावली आहे. निवडणूक प्रचारात जेडीयू बिहार मॉडेल राबवणार असल्याचा दावा केला जात आहे.

१८ जानेवारीला उमेदवारांची पहिली यादी जाहीर करणार

१८ जानेवारीला लखनऊमध्ये पक्षाच्या वरिष्ठ नेत्यांसोबत बैठक होणार आहे आणि त्याच दिवशी उमेदवारांची पहिली यादी जाहीर केली जाईल, असे उत्तर प्रदेश जेडीयूचे प्रदेशाध्यक्ष अनूप सिंग पटेल यांनी माहिती दिली. भाजप नेते आणि केंद्रीय मंत्री धर्मेंद्र प्रधान यांनी उत्तर प्रदेशमध्ये जेडीयूसोबत यूती करण्याचा काहीही उल्लेख केला नाही. यानंतर जेडीयूने यूपीमध्ये स्वबळावर निवडणूक लढवण्याचा निर्णय घेतला आहे, असे त्यांनी सांगितले.

aparna yadav : भाजपही यूपीत मोठा धमाका करणार, मुलायम सिंहांच्या घराण्यातच लावला ‘सुरुंग’!

बिहार आणि केंद्र सरकारमध्ये जेडीयू भाजपचा मित्रपक्ष आहे. उत्तर प्रदेशमध्ये भाजपसोबत युती करून विधानसभा निवडणूक लढवण्याची घोषणा जेडीयूने याआधी केली होती. यासाठी जेडीयूचे ज्येष्ठ नेते आणि केंद्रीय पोलाद मंत्री आरसीपी सिंग यांना भाजपसोबत जागावाटप चर्चा करण्यासाठी नेमण्यात आले होते. पण त्यात जेडीयूला यश आलेले दिसत नाही.
charanjit singh channi : पंजाब विधानसभा निवडणूक पुढे ढकलणार? मुख्यमंत्री चन्नींनी केली ‘ही’ मागणी

यूपीमध्ये सध्या ६५ जागांसाठी तयारी

यूपीत ६५ विधानसभा जागांसाठी उमेदवारांचा बायोडेटा गोळा करण्यात आला. सध्या आम्ही ६५ जागांवर आमचे उमेदवार उभे करणार आहोत. नंतर जागांची संख्या वाढू शकते. यूपीमध्ये एकट्याने जाण्याचा निर्णय पक्षाच्या वरिष्ठ नेत्यांशी सल्लामसलत केल्यानंतर घेण्यात आला आहे. राज्यस्तरीय पक्षाच्या पदाधिकाऱ्यांशी योग्य सल्लामसलत केल्यानंतर जागांची खरी संख्या निश्चित केली जाईल, असे यूपी जेडीयूचे प्रदेशाध्यक्ष के. सी. त्यांनी यांनी सांगितले.



Source link

Leave a Reply

Your email address will not be published.