M M Naravane: सीमेवरील स्थिती बदलू देणार नाही, लष्करप्रमुखांनी ठणकावलं


हायलाइट्स:

  • १५ जानेवारीला लष्करदिन साजरा
  • ‘ परस्पर आणि समान सुरक्षेच्या आधारावर परिस्थितीवर तोडगा काढण्याचे प्रयत्न सुरू’
  • ५ मे २०२० पासून भारत आणि चीनच्या सैन्यात पूर्व लडाखमध्ये लष्करी तणाव कायम

वृत्तसंस्था, नवी दिल्ली :

‘देशाच्या सीमेवरील जैसे थे स्थिती बदलण्याचा कोणताही प्रयत्न यशस्वी होऊ देणार नाही, असा भारतीय लष्कराचा संदेश स्पष्ट आहे,’ अशा शब्दांत लष्करप्रमुख जनरल मनोज मुकुंद नरवणे यांनी शनिवारी लष्करदिनी चीनला ठणकावले.

फील्ड मार्शल के. एम. करिअप्पा यांनी सन १९४९मध्ये शेवटच्या सर्वोच्च ब्रिटिश कमांडरकडून पदभार स्वीकारला. भारतीय लष्कराचे पहिले ‘कमांडर-इन-चीफ‘ म्हणून पदभार स्वीकारल्याच्या स्मरणार्थ दरवर्षी १५ जानेवारीला लष्करदिन साजरा केला जातो. या निमित्त उपस्थितांना मार्गदर्शन करताना, चीनच्या उत्तरेकडील सीमेवरील घडामोडींचा उल्लेख करीत नरवणे म्हणाले, ‘मागील वर्ष लष्करासाठी खूप आव्हानात्मक होते.’

पूर्व लडाखमध्ये निर्माण झालेल्या युद्धजन्य परिस्थितीचा संदर्भ देत जनरल नरवणे म्हणाले, ‘परिस्थिती नियंत्रणात ठेवण्यासाठी भारत आणि चीन यांच्यात नुकतीच लष्करी पातळीवरील चर्चेची चौदावी फेरी झाली. विविध स्तरांवरील संयुक्त प्रयत्नांमुळे अनेक भागात सैन्याची माघार पूर्ण झाली, हे एक विधायक पाऊल आहे. परस्पर आणि समान सुरक्षेच्या आधारावर सध्याच्या परिस्थितीवर तोडगा काढण्याचे प्रयत्न सुरूच राहतील.’

India-Nepal: भारताची सीमेबाबत भूमिका कायम, नेपाळला ‘मैत्रिपूर्ण’ समज
‘India Out’ Campaign: ‘इंडिया आउट’ मोहीम; मालदीवमधील भारतविरोध शमणार?
‘देशाच्या सुरक्षेसाठी बर्फाच्छादित पर्वतांवर तैनात असलेल्या जवानांचे मनोधैर्य आकाशाला भिडण्याइतके प्रबळ असल्याचे ते म्हणाले. आमचा संयम हे आमच्या आत्मविश्वासाचे लक्षण आहे. मात्र, त्याची परीक्षा घेण्याची चूक कोणी करू नये. आमची भूमिका स्पष्ट आहे. भारतीय लष्कर देशाच्या सीमेवरील जैसे थे स्थिती बदलण्याचा प्रयत्न यशस्वी होऊ देणार नाही,’ अशा शब्दांत जनरल नरवणे यांनी ठणकावले.

पँगाँग लेक परिसरात झालेल्या हिंसक चकमकीनंतर ५ मे २०२०पासून भारत आणि चीनचे सैन्य पूर्व लडाखमध्ये लष्करी तणावात गुंतले आहेत. या वादावर तोडगा काढण्यासाठी दोन्ही देशांनी लष्करी पातळीवरील चर्चेच्या १४ फेऱ्या केल्या आहेत.

पंतप्रधानांकडून लष्कराचे कौतुक

‘भारतीय लष्कर त्यांचे शौर्य आणि व्यावसायिकतेसाठी ओळखले जाते; तसेच राष्ट्रीय सुरक्षेतील त्यांच्या अतुलनीय योगदानाचे शब्दात वर्णन करता येणार नाही,’ अशा शब्दांत पंतप्रधान नरेंद्र मोदी यांनी शनिवारी लष्कर दिनाच्या निमित्ताने भारतीय लष्कराचे कौतुक केले. पंतप्रधान म्हणाले, ‘भारतीय लष्कराचे जवान दुर्गम भागात सेवा देतात आणि राष्ट्रीय आपत्तींसह संकटाच्या वेळी नागरिकांना मदत करण्यात आघाडीवर असतात. परदेशात शांतता मोहिमेदरम्यान लष्कराच्या अतुलनीय योगदानाचा भारताला अभिमान आहे.’

Covid19: करोनापासून बचावासाठी कोणता मास्क सर्वोत्तम? तज्ज्ञांचा नागरिकांना सल्ला…
VIDEO: डोनाल्ड ट्रम्प यांच्यावर ड्रोन हल्ला; इराणच्या सर्वोच्च नेत्याकडून ‘तो’ व्हिडिओ जारी



Source link

Leave a Reply

Your email address will not be published.

%d bloggers like this: