चांदीत गुंतवणूक करताय; आयसीआयसीआय प्रु.चा सिल्व्हर ईटीएफ खुला, ही आहेत वैशिष्ट्ये


हायलाइट्स:

  • आयसीआयसीआय प्रुडेन्शिअलने सिव्हर ईटीएफ फंड ऑफ फंडची घोषणा केली.
  • ही ईटीएफ योजना १३ जानेवारीपासून खाली झाली
  • २७ जानेवारी २०२२ रोजी बंद होईल.
  • या फंडात अवघ्या १०० रुपयांपासून गुंतवणूक करता येणार आहे.

मुंबई : देशातील दुसरी मोठी म्युच्युअल फंड कंपनी असलेल्या आयसीआयसीआय प्रुडेन्शिअलने सिव्हर ईटीएफ फंड ऑफ फंडची घोषणा केली आहे. ही ईटीएफ योजना १३ जानेवारीपासून खाली झाली असून २७ जानेवारी २०२२ रोजी बंद होईल. या फंडात अवघ्या १०० रुपयांपासून गुंतवणूक करता येणार आहे.

गाठला सार्वकालीन उच्चांकी स्तर; विलक्षण मूल्य तेजीचा विधी स्पेशॅलिटी फूड
आयसीआयसीआय प्रुडेन्शिअलने सिव्हर ईटीएफ फंड ऑफ फंड हा आयसीआयसीआय प्रुडेन्शिअलने सिव्हर ईटीएफच्या युनिटमध्ये गुंतवणूक करेल. डिमॅट खाते नसले तरी यात गुंतवणूक करणे शक्य आहे. केवळ १०० रुपयांपासून चांदीमध्ये गुंतवणूक करण्याची संधी गुंतवणूकदारांना उपलब्ध झाली आहे.

सोने-चांदी महागले ; जाणून घ्या आजचा सराफा बाजारातील सोने-चांदीचा दर
अलीकडच्या काळात सोन्याप्रमाणे चांदीमध्ये चांगली वाढ झाल्याचे दिसून आले आहे. महागाई आणि आर्थिक अनिश्चित काळात चांदीने चांगली कामगिरी केल्याचे दिसून आले आहे. आयसीआयसीआय प्रुडेन्शिअलने सिव्हर ईटीएफ फंड ऑफ फंड ही एक संमिश्र गुंतवणूक योजना आहे. यात चांदी आणि एक्सचेंज ट्रेडेड कमॉडिटी डेरीवेटीव्ह सिल्व्हरमध्ये गुंतवणूक केली जाईल. त्याशिवाय सराफा बाजारातील चांदीच्या किमतीचा आढावा घेईल.

असंघटित घटकांना जलद व सुरक्षित पेमेंट व्यवस्था; डिजिटल पेमेंट आॅफलाइन
आकडेवारीवरून असे दिसून येते की तीन प्रमुख संकटात चांदीने चांगली कामगिरी केल्याचे दिसून आले आहे. २००८ मधील जागतिक महामंदी, केंद्रीय बँकांची व्याजदरवाढ आणि करोना -१९ या काळात चांदी एक भरवशाची मालमत्ता म्हणून उदयास आली आहे. याच काळात चांदीने विक्रमी पातळी गाठली. यावरून चांदी महागाईपासून बचाव करण्यास फायदेशीर ठरत असल्याचे दिसून आले आहे.

करोना काळात साधली संधी; जगभरातील टॉप-१० अब्जाधीशांची संपत्ती झाली दुप्पट
भारतीय सोने आणि चांदीमध्ये पारंपारिक पद्धतीने गुंतवणूक करत आले आहेत. या फंड आॅफ फंडमध्ये प्रत्यक्ष चांदीच्या धातूमध्ये गुंतवणूक केली जाते. मात्र चांदी स्वत:जवळ बाळगणे शक्य नाही. त्यामुळे सिव्हर ईटीएफ फंड आॅफ फंड एक चांगला पर्याय असल्याचे कंपनीचे प्राॅडक्ट हेड चिंतन हरिया यांनी सांगितले. या योजनेत चांदीची शुद्धता आणि लिक्विडीटीबाबत वेगळ्या पद्धतीने बघितली जाते. एसआयपीच्या माध्यमातून या योजनेत गुंतवणूक करता येऊ शकते, असे त्यांनी सांगितले.

तीन वर्षात एक लाखावर जाईल चांदी
जगभरात महागाई वाढत आहे. विश्लेषकांच्या मते महागाईपासून बचाव करण्यासाठी चांदी एक चांगला पर्याय म्हणून उदयास येऊ शकतो. सध्या चांदीचा भाव ६१००० रुपये आहे. या वर्षाअखेर तो ८० हजारांपर्यंत जाण्याची शक्यता आहे. २०२२ आणि पुढील काही वर्षात चांदीमध्ये तेजी राहील, असा अंदाज जाणकारांनी वर्तवला आहे. पुढील तीन वर्षात चांदी एक लाख रुपयांपर्यंत वाढेल, असा अंदाज आहे. ज्यामुळे या वर्षात ३३ टक्के फायदा होऊ शकतो. औद्योगिक क्षेत्रातील मागणीबरोबरच गिफ्ट आणि किरकोळ व्यापारात चांदीचा मोठा खप आहे.



Source link

Leave a Reply

Your email address will not be published.

%d bloggers like this: