Pakistan: ‘माझी शिफ्ट संपली’ सांगत पायलटचा अर्ध्या प्रवासातच विमान उड्डाणास नकार!


हायलाइट्स:

  • पाकिस्तान इंटरनॅशनल एअरलाइनचं विमान
  • सौदी अरेबियाची राजधानी रियाध इथून उड्डाण इस्लामाबादसाठी उड्डाण
  • ‘विमान उड्डाणापूर्वी पायलटलाही आराम आवश्यक’

इस्लामाबाद, पाकिस्तान :

रविवारी पाकिस्तानात एक अजब घटना उघडकीस आलीय. अर्ध्या प्रवासातच एका पाकिस्तानी पायलटनं ‘माझी शिफ्ट संपली’ सांगत विमान उड्डाणास थेट नकार दिला. यामुळे प्रवाशांचाही रागाचा पारा चांगलाच चढल्याचं पाहायला मिळालं.

पाकिस्तानच्या एका पायलटनं सौदी अरबची राजधानी रियादहून एक विमान इस्लामाबादला आणण्यासाठी स्पष्टपणे नकार दिला… तेही अर्ध्या प्रवासातच… आपल्या ड्युटीची वेळ संपली असून यापुढे आपण विमान उड्डाण हाताळणार नाही, असं पायलटचं म्हणणं होतं.

पाकिस्तान इंटरनॅशनल एअरलाइन्स (पीआयए) च्या पायलटनं प्रवासाच्या मध्यातच विमान टेक ऑफ करण्यास नकार दिला. यामुळे विमानातील प्रवासी संतप्त झाले आणि त्यांनीही विमानातून उतरणार नसल्याचं सांगत पायलटचा निषेध केला.

पाकिस्तानचं वृत्तपत्र ‘द एक्सप्रेस ट्रिब्यून’नं दिलेल्या माहितीनुसार, पीके-९७५४ या विमानानं सौदी अरेबियाची राजधानी रियाध इथून उड्डाण घेतलं होतं. परंतु खराब हवामानामुळे हे विमान सौदीचं एक शहर असलेल्या दम्मम विमानतळावर उतरवण्यात आलं. यानंतर विमानाच्या कॅप्टननं आपले ड्युटीचे तास संपल्याचं सांगत विमान इस्लामाबादला नेण्यास नकार दिला.

Drone Attack: ड्रोनच्या सहाय्यानं अबुधाबी आंतरराष्ट्रीय विमानतळावर दहशतवादी हल्ला
VIDEO: टोंगाच्या समुद्रात भयंकर ज्वालामुखीचा उद्रेक… त्सुनामीचा धोका टळला
कॅप्टनच्या या भूमिकेमुळे चिडलेल्या प्रवाशांनी आपला विरोध व्यक्त करत विमानातून खाली उतरण्यास नकार दिला. परिस्थिती नियंत्रणात आणण्यासाठी विमानतळ सुरक्षा दलाला पाचारण करावं लागलं.

पीआयएच्या प्रवक्त्यांच्या म्हणण्यानुसार, विमानानं आपल्या पुढील प्रवासासाठी उड्डाण घेण्यापूर्वी पायलटलाही आराम करणं आवश्यक आहे. त्याच पद्धतीनं व्यवस्था करण्यात आली होती.

उल्लेखनीय म्हणजे, आतापर्यंत पाकिस्तान इंटरनॅशनल एअरलाइन्सकडून सौदी अरबसाठी थेट विमानसेवा उपलब्ध नव्हती. गेल्या नोव्हेंबर महिन्यात सौदी अरबसाठी आपल्या विमानसेवेचा विस्तार करत असल्याची घोषणा पीआयएकडून करण्यात आली होती. इस्लामाबाद, कराची, लाहोर, मुल्तान आणि पेशावरसहीत पाकिस्तानातील विविध शहरांतून ही सेवा सुरू करण्यात आली होती.

Chinas Population: चिनी लोकसंख्येच्या इतिहासाला धक्का; वर्षभरात पाच लाखांहून कमी वाढ
India Pakistan: पाकिस्तानला झोंबले भारताचे ‘गहू’; ‘पब्लिसिटी स्टंट’ असल्याची टीका



Source link

Leave a Reply

Your email address will not be published.

%d bloggers like this: