रोहित शर्माच्या फिटनेसबाबत आली मोठी अपडेट; मैदानावर कधी परतणार जाणून घ्या


बंगळुरू : भारताचा मर्यादित षटकांचा नवनिर्वाचित कर्णधार रोहित शर्मा डाव्या हाताच्या (हॅमस्ट्रिंग) दुखापतीतून बरा होत आहे. यासाठी तो बंगळुरू येथील नॅशनल क्रिकेट अकादमीमध्ये उपचार घेत आहे. पुढील महिन्यात वेस्ट इंडिजविरुद्ध होणाऱ्या सहा सामन्यांच्या मर्यादित षटकांच्या मालिकेदरम्यान तो मैदानावर परतण्याची शक्यता वर्तविण्यात आली आहे.

दक्षिण आफ्रिकेच्या दौऱ्यापूर्वी रोहितला कसोटी संघाचा उपकर्णधार बनवण्यात आले होते, पण संघ दक्षिण आफ्रिकेला रवाना होण्यापूर्वी सराव सत्रादरम्यान दुखापतग्रस्त झाला. त्याच्या डाव्या हाताच्या अंगठ्यामध्ये हॅमस्ट्रिंगचा (मांसपेशी ताणल्या जाणे) त्रास होऊ लागल्याने त्याला बाहेर पडावे लागले. पूर्णपणे तंदुरुस्त न झाल्याने तो दक्षिण आफ्रिकेत खेळल्या जाणाऱ्या एकदिवसीय मालिकेतूनही बाहेर पडला आहे.

बीसीसीआयच्या एका सूत्राने नाव न सांगण्याच्या अटीवर सांगितले की, “राष्ट्रीय क्रिकेट अकादमीमध्ये रोहितच्या पुनर्वसनाचे प्रयत्न सुरू आहेत. वेस्ट इंडिजविरुद्धच्या मालिकेसाठी तो तयार असेल, अशी अपेक्षा आहे. अहमदाबादमध्ये ६ फेब्रुवारीला पहिला एकदिवसीय सामना खेळला जाणार आहे. त्याला अजून तीन आठवडे बाकी आहेत.”

वेस्ट इंडिजविरुद्धच्या मालिकेत तीन एकदिवसीय आणि तितकेच टी-२० सामने खेळले जाणार आहेत. ६ ते १२ फेब्रुवारी दरम्यान एकदिवसीय सामने, तर १५ ते २० फेब्रुवारी दरम्यान टी-२० आंतरराष्ट्रीय सामने खेळले जाणार आहेत. बीसीसीआयच्या सध्याच्या धोरणानुसार, प्रत्येक खेळाडूला संघात परत येण्यापूर्वी एनसीए (नॅशनल क्रिकेट अकादमी) येथे अनिवार्य फिटनेस चाचणी द्यावी लागते आणि ‘फिट टू प्ले’ प्रमाणपत्र मिळवावे लागते.

रोहितसमोर बीसीसीआयने कोणती अट ठेवली, पाहा…
रोहित हा सध्याच्या घडीला चांगल्या फॉर्मात आहे. त्याचबरोबर त्याच्याकडे आंतरराष्ट्रीय क्रिकेटचा सर्वात जास्त अनुभवही आहे. पण कसोटी कर्णधारपद देण्यापूर्वी बीसीसीआयने रोहितपुढे एक अट ठेवल्याचे आता समोर आले आहे. रोहितकडे आता भारताच्या ट्वेन्टी-२० आणि वनडे संघाचे कर्णधारपद सोपवण्यात आले आहे. त्यामुळे आता कसोटी कर्णधार देताना बीसीसीआयने रोहितपुढे फिटनेसची अट ठेवली असल्याचे वृत्त ‘इनसाइड स्पोर्ट्स’ने दिले आहे. कारण सध्याच्या घडीला रोहित शर्मा हा संघाबाहेर आहे. दक्षिण आफ्रिकेच्या दौऱ्यावर जाण्यापूर्वी सराव करताना रोहितला दुखापत झाली होती आणि त्यामुळेच तो या दौऱ्यावर जाऊ शकला नाही. रोहित फिट नसल्यामुळेच तो दक्षिण आफ्रिकेतील वनडे मालिकेतही खेळणार नाही. त्यामुळे सध्याच्या घडीला फिटनेस ही रोहितपुढची सर्वात मोठी समस्या आहे. कारण तिन्ही संघांचे कर्णधारपद सांभाळायचे असेल तर रोहितचा वर्कलोड नक्कीच वाढणार आहे. कारण कोणत्याही संघाचे कर्णधारपद सांभाळणे ही सोपी गोष्ट नसते. त्यामुळे फिटनेस सांभाळून भारताच्या तिन्ही संघांचे कर्णधारपद रोहितला भूषवता येणार आहे का, हे बीसीसीआय त्याच्याकडून जाणून घेणार आहे.



Source link

Leave a Reply

Your email address will not be published.

%d bloggers like this: