कसोटी संघाच्या कर्णधारपदासाठी या खेळाडूने केला दावा; म्हणाला, संधी द्या, मी तयार आहे


पार्ल: विराट कोहलीने कसोटी संघाचे कर्णधारपद सोडल्यानंतर आता आजी-माजी खेळाडू आणि क्रिकेट चाहत्यांच्या मनात एकच प्रश्न आहे तो म्हणजे पुढील कर्णधार कोण असेल? विराटने टी-२०चे कर्णधारपद सोडल्यानंतर ते रोहितकडे देण्यात आले होते. त्यानंतर वनडेचे कर्णधारपद देखील त्याच्याकडे सोपवण्यात आले. आता कसोटीचे कर्णधारपद कोणाला देणार याबाबत चर्चा सुरू झाली आहे. या पदाच्या शर्यतीत रोहित शर्मा, ऋषभ पंत आणि केएल राहुल हे तीन खेळाडू सध्या शर्यातीत असल्याचे समजते. पण या शिवाय भारतीय संघातील एका खेळाडूने कसोटी संघाचे कर्णधारपदवर दावा ठोकलाय.

वाचा- राजीनाम्यानंतर BCCIची मोठी ऑफर विराटने नाकारली; म्हणाला, काही फरक पडत नाही

जलद गोलंदाज जसप्रीत बुमराह याने अचानाक कसोटी संघाच्या कर्णधारपदावर दावा केलाय. द.आफ्रिकेविरुद्ध होणाऱ्या आगामी वनडे मालिकेसाठी त्याची उपकर्णधार म्हणून निवड झाली आहे. द.आफ्रिकेविरुद्ध होणाऱ्या वनडे मालिकेच्या आधी एका पत्रकार परिषदेत बोलताना बुमराह म्हणाला की, मी कोणत्याही प्रकारचे आव्हान स्विकारण्यास तयार आहे. जर कसोटी संघाचे कर्णधारपद दिले गेले तर माझ्यासाठी तो मोठा सम्मान असेल.

वाचा- विराटने अहंकार सोडावा, एक फलंदाज म्हणून त्याला…; विश्वचषक विजेत्या कर्णधाराचे खळबळजनक वक्तव्य

द.आफ्रिकेविरुद्ध होणाऱ्या वनडे मालिकेसाठीचा कर्णधार केएल राहुल याला मदत करण्याचे काम माझे असेल. मोठ्या निर्णयांमध्ये माझा सल्ला नक्की देईन असे तो म्हणाला. वनडे मालिका सुरू होण्याआधी भारतीय संघाला एक मोठा दिलासा देणारी बातमी समोर आली आहे. कसोटी मालिकेदरम्यान दुखापत झालेला जलद गोलंदाज मोहम्मद सिराज आता पूर्णपणे फिट झालाय आणि तो पहिल्या सामन्यासाठी उपलब्ध असेल. दुसऱ्या कसोटी सामन्यात सिराजला दुखापत जाली होती आणि त्यामुळे तो तिसरी कसोटी खेळू शकला नाही. त्याच बरोबर वनडे मालिका खेळले की नाही याबद्दल शंका होती.

वाचा- BCCIमधील ‘शाहजाद्यां’मुळे विराटचा राजीनामा

विराट कोहलीने कसोटी संघाचे कर्णधारपद सोडण्यावर बुमराह म्हणाला की, हा त्याचा वैयक्तीक निर्णय आहे आणि मी त्याचा सम्मान करतो. मी विराटच्या नेतृत्वाखाली पहिली कसोटी खेळली होती. विराटने त्याचा निर्णय टीम मिटिंगमध्ये सांगितला होता. त्यानंतर हा निर्णय सार्वजनिक केला.

वाचा- २४ वर्षीय खेळाडू होणार भारताच्या कसोटी संघाचा कर्णधार

कर्णधार बदलल्याने भारतीय संघावार काय फरक पडले या प्रश्नावर बुमराह म्हणाला, टीम इंडियावर याचा फार खास फरक पडणार नाही. संघातील प्रत्येक खेळाडू या बदलाकडे कशा पद्धतीने पाहतो हे महत्त्वाचे आहे. प्रत्येक खेळाडू अधिक योगदान देईल, याचा विचार करतोय. एक संघ म्हणून आम्ही सकारात्मक आहोत आणि स्वत:चे योगदाना देण्यास आतुर आहोत.



Source link

Leave a Reply

Your email address will not be published.

%d bloggers like this: