राजकीय न्यूज

प्रधानमंत्री नरेंद्र मोदी यांनी केली गंगापूजनसह महाआरती

प्रधानमंत्री नरेंद्र मोदी यांनी केली गंगापूजनसह महाआरती

नाशिक, दिनांक १२ जानेवारी- दक्षिणेची गंगा म्हणून ओळखल्या जाणाऱ्या गोदावरी नदीची प्रधानमंत्री नरेंद्र मोदी यांनी आज गंगापूजन करून रामतीर्थ येथे दर्शन घेत विधीवत पूजा व आरती केली.भारत विश्वगुरू होऊ दे, असा संकल्प त्यांनी यावेळी केला.

यावेळी गंगा पुरोहित संघाच्या वतीने अध्यक्ष व विश्वस्त यांच्याकडून प्रधानमंत्री नरेंद्र मोदी यांना चांदीचा अमृत कलश, शाल व श्रीफळ देऊन सत्कार करण्यात आला.

पुरोहित संघ अध्यक्ष सतीश शंकर शुक्ल, दिलीप शुक्ल,चंद्रशेखर पंचाक्षरी,प्रतिक शुक्ल, वैभव दिक्षित,चंद्रशेखर गायधनी, शेखर शुक्ल,अतुल गायधनी,अमित पंचभैये, वैभव बेळे,भालचंद्र शौचे,उपेंद्र देव आदीसह पुरोहित संघाचे पदाधिकारी उपस्थित होते.

ऐतिहासिक काळाराम मंदिरातील भगवान श्रीरामाचे प्रधानमंत्री नरेंद्र मोदी यांनी घेतले दर्शन

सीयावर रामचंद्र की जय घोषणांनी काळाराम मंदिर परिसर दुमदुमला

प्रधानमंत्री नरेंद्र मोदी यांनी आज येथील ऐतिहासिक श्री काळाराम मंदिरात जावून भगवान श्रीरामाचे मनोभावे दर्शन घेतले. यावेळी प्रधानमंत्री श्री.मोदी यांच्या हस्ते काळाराम मंदिरात विधीवत पूजा व आरती करण्यात आली.

यावेळी काळाराम मंदिर संस्थानचे मुख्य महंत व विश्वस्त यांच्यातर्फे प्रधानमंत्री नरेंद्र मोदी यांचा भगवान श्रीरामाची चांदीची प्रतिमा,शाल व श्रीफळ देऊन सत्कार करण्यात आला.

काळाराम मंदिराचे मुख्य महंत आचार्य महामंडलेश्वर सुधीरदास महाराज,श्री काळाराम मंदिर संस्थानचे विश्वस्त धनंजय पुजारी,मंगेश पुजारी,नरेश पुजारी,मंदार जानोरकर,एकनाथ कुलकर्णी,पं.प्रणव पुजारी,अद्वय पुजारी तसेच वारकरी आणि संत परिवारातील मान्यवर उपस्थित होते.

याप्रसंगी प्रधानमंत्री नरेंद्र मोदी यांच्या समोर अभंग आणि भावार्थ रामायणातील 8 व्या अध्यायाचे (श्लोकांचे) ज्यामध्ये प्रभू श्रीराम यांचा नाशिकमधील वास्तव्याचा उल्लेख आहे, त्याचे वाचन करण्यात आले. यावेळी मंदिर परिसरात उपस्थित महंत, वारकरी आणि संत कुटुंबातील वंशज यांच्याशी प्रधानमंत्री महोदयांनी संवाद साधला.

स्वामी विवेकानंद यांच्या पुतळ्यास प्रधानमंत्री मोदी यांचे अभिवादन

मंदिर परिसरात असलेल्या स्वामी विवेकानंद यांच्या पुतळ्यास प्रधानमंत्री नरेंद्र मोदी यांनी पुष्पहार अर्पण करून अभिवादन केले.

Leave a Reply

Your email address will not be published. Required fields are marked *