General news

पत्रकार हा समाजाबरोबरच लोकप्रतिनिधींचा आरसा असतो : आ.समाधान आवताडे

पत्रकारांच्या घरकुलाचा प्रश्न मार्गी लावण्यासाठी प्रयत्न करणार : समाधान आवताडे

पंढरपूर येथे आमदार समाधान आवताडे यांच्यावतीने पत्रकार बांधवांचा सन्मान

पंढरपूर/ज्ञानप्रवाह न्यूज – पत्रकार हा समाजाबरोबरच लोकप्रतिनिधींचा आरसा असतो.समाजात घडणाऱ्या विविध घटना पत्रकार सातत्याने समोर आणतो. याचबरोबर लोकप्रतिनिधींचे विविध प्रश्नांकडे लक्ष वेधून घेण्याचे काम सातत्याने करत असतो.

पत्रकारांना अनेक घटकांशी सामना करावा लागतो.पत्रकारांचे मूलभूत प्रश्न कायम आहेत. पंढरपूर येथील पत्रकारांच्या घरकुलाचा प्रश्न सातत्याने मांडला जात आहे.काही दिवसातच बैठक घेऊन हा प्रश्न सोडवण्याचा प्रयत्न करणार असल्याचा विश्वास पत्रकारांना आमदार समाधान आवताडे यांनी दिला.

आमदार समाधान आवताडे यांच्यावतीने पंढरपूर येथील पत्रकारांचा सन्मान कार्यक्रमाचे आयोजन येथील पत्रकार भवन येथे करण्यात आले होते. यावेळी ते बोलत होते.या कार्यक्रमाच्या अध्यक्षस्थानी ज्येष्ठ पत्रकार विलास उत्पात हे होते.

याप्रसंगी व्यासपीठावर ज्येष्ठ पत्रकार सिद्धार्थ ढवळे,भाजपा जिल्हा उपाध्यक्ष विजयसिंह देशमुख, माजी नगरसेवक सुनिल डोंबे,तुकाराम कुरे,विनोद लटके,समाधान घायाळ, प्रसाद कळसे आदी उपस्थित होते.

पुढे बोलताना आमदार समाधान आवताडे म्हणाले की पंढरपूर-मंगळवेढा मतदार संघाच्या विकासासाठी मोठा निधी उपलब्ध करून दिला आहे.पुढील काळात पंढरपूरच्या विकासासाठी मोठा निधी मिळणार आहे.
यातून दर्जेदार कामे कशी करता येतील याकडे लक्ष घालणार आहे असे आमदार समाधान आवताडे यांनी सांगितले.

यावेळी पत्रकारांनी पंढरपुरातील विविध विकास कामांंबाबत तसेच विठ्ठल मंदिराच्या कारभारावर प्रश्न उपस्थित केला.यावर आमदार समाधान आवताडे यांनी आपण यामध्ये लक्ष घालणार असल्याची ग्वाही दिली.

मंदिर समितीवरती सदस्य म्हणून पत्रकार प्रतिनिधी घ्यावा यासाठी प्रयत्न करणार असल्याचेही यावेळी आवर्जून सांगितले.
सुरुवातीला आमदार समाधान आवताडे यांनी पत्रकार दिनाच्या व मकर संक्रांतीच्या शुभेच्छा दिल्या.

यानंतर पत्रकारांचा सन्मान करून पेन,शाल आणि पंढरपूरचे पत्रकार श्रीकांत साबळे यांनी लिहिलेले संघर्षयात्री हे पुस्तक भेट दिले.

Leave a Reply

Your email address will not be published. Required fields are marked *