देशद्रोही अन देशभक्त ……. गावठी टोला

देशद्रोही अन देशभक्त …….

देशद्रोही अन देशभक्त कोण समजत नाही
सत्तेच राजकारण आपली चाल कधीच सोडत नाही !!१!!

विरोधी दिसे देशद्रोही हे योग्य नाही
सत्तेला जाब विचारणा सोसत नाही !!२!!

मी म्हणेल तीच पूर्व दिशा ठरत नाही
सत्तेला आरतीशिवाय कांहीच पचत नाही!३!

सत्ता सेवेपेक्षा भ्रष्टाचारात लोळत आहे
सत्याचा इंद्रधनुष्य सत्तेलाच पेलवत नाही!४!

सत्तेसाठी एकमेकांच्या पायांत पाय घालत आहेत
देश पेटवण्यात अन लुटण्यात सारे एकाच वाणाचे आहेत !!५!!

गावठी टोला …..

भ्रष्टाचारात नेते आपले खिसे भरतात
अधिकारी आपला वाटा राखून
कार्यवाही कायदेशीर करतात
तेच नेते सत्ता नियंत्रित करतात
त्यानांच जाणते नेते म्हणतात
सामान्य मात्र वनवास भोगतात “!!

         
          "सुप्रभात"

“स्वतःला सुख सामर्थ्य व समृद्धी यासाठी माणूस जगतो, त्यांतच इतरांना आनंद देण्याचा विचार केला तर जीवन सार्थकी लागते .सुगंधीत होते .”

आनंद कोठडीया ,जेऊर ता. करमाळा
९४०४६९२२००