राजकीय न्यूज

मराठा समाजासाठी मी सुचवलेला तोडगा स्वीकारून शासनाने त्वरित निर्णय घ्यावा – केंद्रीय राज्यमंत्री रामदास आठवले

मराठा समाजातील गरिबांना आरक्षण देण्यासाठी मी सुचवलेला तोडगा स्वीकारून शासनाने त्वरित निर्णय घ्यावा – केंद्रीय राज्यमंत्री रामदास आठवले

मुंबई / ज्ञानप्रवाह न्यूज,दि.20 – मराठा समाजातील गरिबांना आरक्षण देण्याचा निर्णय शासनाने त्वरित घ्यावा.मराठा नेते मनोज जरांगे यांचे गरिब मराठ्यांना आरक्षण देण्याचे मागणीचे आंदोलन तीव्र होत आहे. या प्रश्नावर मी सुचवलेला तोडगा शासनाने स्विकारावा.तामिळनाडु प्रमाणे महाराष्ट्रात आबीसीचे दोन प्रवर्ग तयार करावेत अशी मागणी आज रिपब्लिकन पक्षाचे राष्ट्रिय अध्यक्ष केंद्रीय सामाजिक न्याय राज्यमंत्री रामदास आठवले यांनी केली.

ओबीसी चे आता आहे त्या 27 टक्के आरक्षणाला धक्का न लावता मराठा समाजाच्या आरक्षणासाठी वेगळा स्वतंत्र ओबीसीचा प्रवर्ग निर्माण करावा.तामिळनाडू मध्ये जसे ओबीसी चे दोन प्रवर्ग आहेत तसेच महाराष्ट्रात ओबीसी चे दोन प्रवर्ग तयार करावे त्यामुळे एस.सी;एस टी;ओबीसी यांच्या आरक्षणाला धक्का न लावता मराठा समाजातील गरिबांना ओबीसी म्हणुन आरक्षण मिळेल.मराठा समाजातील ज्यांचे उत्पन्न 8 लाखापेक्षा कमी आहे अशाच गरिबांना आरक्षण द्यावे अशी मागणी आहे. ओबीसीनासुद्धा क्रिमिलेयरची अट आहे. ज्यांचे वार्षीक उत्पन्न 8 लाखाच्या आत आहे अशा ओबीसींनाच आरक्षणाचा लाभ मिळतो,सर्व ओबीसी समाजाला आरक्षण मिळत नाही.त्याप्रमाणे मराठा समाजातील ज्यांचे वार्षिक उत्पन्न 8 लाखाच्या आत आहे अशाच गरीब मराठा समाजाला आरक्षण द्यावे अशी मागणी मागणी रिपब्लिकन पक्षाचे राष्ट्रीय अध्यक्ष केंद्रीय सामाजिक न्याय राज्यमंत्री रामदास आठवले यांनी केली.

Leave a Reply

Your email address will not be published. Required fields are marked *