राज्यातील सर्व निवडणुका स्व बळावरच लढणार – काँग्रेस प्रदेशाध्यक्ष नाना पटोले

राज्यातील सर्व निवडणुका स्वबळावरच लढणार – काँग्रेस प्रदेशाध्यक्ष नाना पटोले All elections in the state will be fought on their own – Congress State President Nana Patole
नवी दिल्ली : महाराष्ट्र काँग्रेस प्रदेशाध्यक्ष नाना पटोले यांनी दिल्लीत जाऊन राहुल गांधी (Rahul Gandhi) यांची भेट घेतली.त्यानंतर महाराष्ट्र राज्यातील सर्व महापालिका आणि स्थानिक स्वराज्य संस्थांच्या निवडणुका स्वबळावरच लढण्याची घोषणा काँग्रेस प्रदेशाध्यक्ष नाना पटोले (Nana Patole) यांनी केली आहे. स्वबळावर निवडणूक लढण्यासाठी काँग्रेस नेते राहुल गांधी यांनी हिरवा कंदील दाखवल्याची माहिती नाना पटोले यांनी दिली आहे . राज्यात काँग्रेसला पूर्व वैभव मिळवून देण्यासाठी भरपूर वाव आहे. त्यामुळे सखोल चर्चेनंतर निवडणुका स्वबळावर लढण्याचं निश्चित कऱण्यात आल्याचं नाना पटोले म्हणाले. 

 काँग्रेस नेते राहुल गांधी यांची दिल्लीत महाराष्ट्र कॉंग्रेस प्रभारी एच के पाटील,काँग्रेस प्रदेशाध्यक्ष नाना पटोले यांनी भेट घेऊन पुढील काळात पक्ष मजबुतीसाठी काय उपाययोजना कराव्यात याची चर्चा केली. महाराष्ट्रात काँग्रेस हा सर्वात मोठा पक्ष म्हणून पुढे येण्यासाठी काम करण्याचे आदेश काँग्रेस नेते राहुल गांधी यांच्याकडून मिळाल्याचे नाना पटोले म्हणाले. विधानसभा आणि लोकसभा निवडणूक तीन वर्षांवर आहेत याबाबतचा निर्णय हाय कमांड घेईल, पण आता स्थानिक स्वराज्य संस्था आणि सर्व महापालिका निवडणुका स्व बळावर लढणार असे या भेटीनंतर नाना पटोले यांनी सांगितले . 
राहुल गांधी महाराष्ट्राचा दौरा करणार

काँग्रेस नेते राहुल गांधी महाराष्ट्राचा दौरा करणार असून नागपूर, मुंबई आणि औरंगाबादमध्ये रॅली करणार असल्याचे एच के पाटील यांनी सांगितले .

  पुढे बोलताना विधानसभा अध्यक्ष हा काँग्रेस पक्षाचाच असेल मात्र मंत्रिमंडळ विस्ताराबाबतची कोणतीही चर्चा राहुल गांधी यांच्याबरोबर या बैठकीत झाली नसल्याचं नाना पटोले यांनी सांगितलं.

Live Sachcha Dost TV

Leave a Reply

Your email address will not be published. Required fields are marked *

%d bloggers like this: