मूल लहान असल्याने मोलमजुरीला जाण्यास नकार; पतीच्या मारहाणीनंतर पत्नीचा मृत्यू


सोलापूर : मूल लहान असल्याने उन्हात मोलमजुरीस नकार दिल्यामुळे संतप्त झालेल्या पतीने मूकबधिर पत्नीचा खून केला. हा धक्कादायक प्रकार करमाळा तालुक्यातील कुरणवाडी (वंजारवाडी) येथे घडला आहे. सोनाली सतीश कुराडे असे खून झालेल्या महिलेचे नाव असून तिला दीड वर्षाचा एक मुलगा आहे. या खूनप्रकरणी पतीसह तिच्या दीरावरही करमाळा पोलिसांत गुन्हा दाखल झाला आहे. पती सतीश सुभाष कुराडे व दीर नाथा सुभाष कुराडे अशी गुन्हा दाखल झालेल्या संशयित आरोपींची नावे आहेत. त्यांना अटक करण्यात आली आहे. (wife dies after being beaten by husband for refusing to go to the weges in solapur)

याप्रकरणात मृत महिलेचा भाऊ अशोक शोभाचंद्र लवटे (वय ३२, रा. भानगांव ता. श्रीगोंदा) यांनी फिर्याद दिली आहे. फिर्यादीत लवटे यांनी, माझी लहान बहीण सोनाली ही मूकबधिर होती. ती हातवारे व इशारे करून आम्हाला बोलत असे अशी माहिती दिली आहे.

क्लिक करा आणि वाचा- केतकी चितळेचं समर्थन, सदाभाऊंच्या पुढ्यात राष्ट्रवादीच्या कार्यकर्त्यांचे आंदोलन

अशोक लवटे यांनी माहिती देताना सांगितले की, तीन वर्षांपूर्वी कुरणवाडी येथील सतीश कुराडे याच्यासोबत तिचा विवाह झाला होता. त्यांना दीड वर्षाचा एक मुलगा आहे. तिचा पती सतीश घरगुती कारणावरून तिच्याशी सतत भांडत असे. एक महिन्यापूर्वी फलटण येथे यात्रा असल्याने बहिणीला माहेरी नेले असता बहिणीने घरगुती कारणावरून पती मारहाण करत असल्याचे हातवारे करून सांगितले होते. आठ दिवस सोनाली ही आमच्याकडे राहण्यासाठी होती तेव्हा दीर नाथा हा बहिणीला घेऊन जाण्याकरता आला. त्यावेळी घरातील आई- वडिलांनी सोनालीला व्यवस्थित संभाळा असे सांगितले.

क्लिक करा आणि वाचा- शरद पवारांबद्दल खालच्या पातळीवर वक्तव्य करणाऱ्याविरोधात राष्ट्रवादी विद्यार्थी काँग्रेस आक्रमक

तो पुढे म्हणाला की, त्यानंतर १० तारखेला ११ वाजण्याच्या सुमारास नाथा यांनी मला फोन करून सोनाली व सतीश यांचे भांडण झाले असून तुम्ही सोनालीला घेऊन जा असे सांगितले. दुपारी १ वाजताच्या सुमारास कुरणवाडी येथून बहिणीला व तिचा लहान मुलगा स्वराज्यला घेऊन जाण्याकरता आलो. तेव्हा बहीण सोनालीने सतीश हा मोलमजुरीला जा म्हणून त्रास देत असल्याचे त्याने सांगितले.

क्लिक करा आणि वाचा- आंदोलनानंतर लालपरीची चाकं सुसाट धावली, दीड महिन्यात तिजोरीत ५२१ कोटी

त्यानंतर ऊन जास्त असल्याने अन बाळ लहान असल्याने बहीण सोनाली कामाला जाण्याकरता नकार देत असल्याने त्यांच्यामध्ये भांडण झाले होते. त्यांनी हाताने मारहाण करून शिवीगाळ केली. पाठीवर मारल्याचे काळे वणही तिने दाखवले. तिला मुका मार लागला होता. कोठेही जखम नव्हती. बहिणीला गावी घेऊन गेल्यावर दोन दिवस ती व्यवस्थित होती. मात्र १४ तारखेला सकाळी ७ वाजताच्या सुमारास त्रास होऊ लागल्याने तिला श्रीगोंदा येथे उपचाराकरिता दाखल करण्याक आले. तेव्हा तेथील डॉक्टरांनी तिला उपचारापूर्वीच मृत घोषित केले. त्यामुळं एका निष्पाप जीवाचा बळी गेला. अधिक तपास करमाळा पोलीस करत आहेत.



Source link

Leave a Reply

Your email address will not be published.

%d bloggers like this: