बंगळुरुहून निघाला, बीएमडब्ल्यू कार कावेरी नदीत सोडली, कारण ऐकून पोलीस चक्रावले


बंगळुरु : कर्नाटकातील मांड्यामधील श्रीरंगपट्टणमध्ये कावेरी नदीत बीएमडब्ल्यू एक्स ६ ही आढळून आल्यानं पोलिसांचं टेन्शन वाढलं होतं. पोलिसांना ती गाडी चुकून नदीत पडली असावी असं वाटलं होतं. त्यामुळं पोलिसांनी तातडीनं ती गाडी नदीतून बाहेर काढली. पोलिसांनी या प्रकरणाची अधिक चौकशी केल्यानंतर धक्का बसला. बंगळुरुच्या एका व्यक्तीनं आईच्या निधनाचा धक्का न सहन झाल्यानं गाडी स्वत : हून नदीत सोडली होती, अशी माहिती समोर आली.
IPL 2022 Final: IPLला नवा चॅम्पियन मिळणार की राजस्थान पूर्ण करेल शेन वॉर्नचे स्वप्न

कावेरी नदीत महागडी बीएमडब्ल्यू गाडी आढळल्यानं स्थानिकांना त्यामध्ये एखादी व्यक्ती अडकली असा संशय आला. स्थानिक मच्छीमार आणि नागरिकांनी कावेरी नदीत अर्धवट बुडालेली गाडी पाहून पोलिसांना संपर्क केला. पोलिसांनी प्रशिक्षित जलतरणपटूंना बोलावलं, त्यांनी पाहणी केली असता त्या गाडीत कोणीही नसल्याचं समोर आलं. त्यानंतर पोलिसांनी ती गाडी नदीच्या पाण्यातून बाहेर काढली.
३६ दिवस पाखळले… शेवटी आले येथेच, राणा दाम्पत्याच्या स्वागताला सेनेचं खोचक पोस्टर

पोलिसांनी परिवहन विभागाच्या अधिकाऱ्यांशी संपर्क करुन गाडी कुणाची मालकीची आहे याचा शोध घेतला. बीएमडब्ल्यू कारचा मालक हा बंगळुरुच्या महालक्ष्मी ले आऊटमधील रहिवासी असल्याचं समोर आलं. पोलीस त्याला श्रीरंगपट्टणला घेऊन गेले. पोलिसांना तो सांगत असलेल्या गोष्टींवर विश्वास ठेवणं अवघड जात होतं. पोलिसांनी त्यानंतर त्यांच्या कुटुंबीयांशी संपर्क केला. कुटुंबीयांनी त्या व्यक्तीच्या आईचं निधन झाल्यानं त्याला धक्का बसल्याची माहिती दिली. आईच्या निधनामुळं बसलेल्या धक्क्यातून बाहेर पडता येत नसल्यानं निराश होऊन त्यानं त्याची गाडी कावेरी नदीत सोडून दिली, अशी माहिती समोर आली. कुटुंबीयांच्या माहितीनंतर पोलिसांनी त्या व्यक्तीला सोडून दिलं आहे. पोलिसांच्या परवानगीनंतर कुटुंबीय कार घेऊन गेले. पोलिसांनी या प्रकरणी गुन्हा नोंदवलेला नाही.
शेतकऱ्यांनी एवढं समृद्ध केलंय की अख्ख्या जगाचा चहा कडू करण्याची ताकद एकट्या भारतात आहे



Source link

Leave a Reply

Your email address will not be published.

%d bloggers like this: