IPL 2022 Final: IPLला नवा चॅम्पियन मिळणार की राजस्थान पूर्ण करेल शेन वॉर्नचे स्वप्न


अहमदाबाद: आयपीएलचे विजेतेपद मिळवण्यासाठी गुजरात टायटन्स आणि राजस्थान रॉयल्स यांच्यात उद्या (२९ मे) लढत होणार आहे. १५ वर्षापूर्वी आयपीएलच्या पहिल्या हंगामाचे विजेतेपद मिळवणाऱ्या राजस्थान रॉयल्सला पुन्हा एकदा इतिहास घडवण्याची संधी आहे. दुसऱ्या बाजूला दिग्गजांचा पराभव करत प्रथमच लीगमध्ये खेळणाऱ्या गुजरात टायटन्सला नवा इतिहास घडवण्याची संधी आहे. दोन महिन्यांपूर्वी आयपीएलचा १५वा हंगाम सुरू झाला तेव्हा कोणी विचार देखील केला नसेल की अंतिम सामन्यात नाणेफेकीसाठी संजू सॅमसन आणि हार्दिक पंड्या हे दोन खेळाडू मैदानावर उतरतील.

गेल्या काही महिन्यात करिअरमधील चढ-उतार पाहिलेल्या हार्दिक पंड्या आणि आशीष नेहरा यांनी दोन महिन्यात गुजरात संघाला अव्वल स्थानी पोहोचवले. आयपीएलच्या मेगा लिलावानंतर गुजरात संघावर मॅच खेळण्याआधीच पराभव झालेला संघ अशी टीका करण्यात आली होती. पण या संघाने मैदानावरील कामगिरीने सर्वांना चोख उत्तर दिले.

वाचा- जोस बटलर माझा दुसरा नवरा; क्रिकेटपटूच्या पत्नीच्या वक्तव्याने…

वन मॅच वंडर असे म्हटले जाणाऱ्या राहुल तेवतिया आणि सासत्याने चांगली कामगिरी करणारा डेव्हिड मिलर सारख्या खेळाडूंचा हा संघ कागदावर मजबूत वाटत नव्हता. पण क्रिकेट सारख्या अनिश्चिततेच्या खेळात या खेळाडूंनी कमाल करून दाखवली. फॉर्ममध्ये परतलेल्या हार्दिकने कर्णधारपदाचा दबाव न घेता फलंदाजी केली. दुसऱ्या बाजूला पाच वर्ष लय मिळवण्यासाठी धडपडणाऱ्या मिलरने सर्वांना धक्का दिला. तेवतियाने देखील दाखवून दिले की शाहजाहमध्ये मारलेले पाच षटकार हे मटका नव्हते.

राशिद खानने त्याच्या भात्यात नवे डावपेच ठेवले आहेत. तर ऋद्धिमान साहाने अजून एक हंगाम खेळण्याचे निश्चित केलय. गुजरात कधीच क्रिकेटसाठी प्रसिद्ध नव्हे. येथील पार्थिव पटेल आणि जसप्रीत बुमराह सारखे खेळाडू भारतीय संघात खेळले पण आता चेन्नई सुपर किंग्ज प्रमाणे गुजरातमधील क्रिकेटची क्रेझ झाली आहे. अंतिम सामन्यात घरच्या मैदानावर खेळण्याचा फायदा गुजरातला होऊ शकतो.

वाचा- टी-२०मध्ये झाले वादळी शतक; तुम्ही बटलरची फलंदाजी विसरून जाल

प्रतिस्पर्धी असलेला राजस्थानचा संघ कमी नाही. आयपीएलचे पहिले विजेतेपद त्यांनी वॉर्नच्या नेतृत्वाखाली मिळवले होते. त्यानंतर ते प्रथमच अंतिम फेरीत पोहोचले आहेत. संजू आणि हार्दिक पंड्या यांच्या क्षमता सारखीच आहे. संजू अशा काही खेळाडूंपैकी आहे ज्याने भारतासाठी अद्याप एकही टी-२० मॅच खेळली नाही. पण त्याची लोकप्रियता अधिक आहे. आता कर्णधारपद आणि मिळालेल्या यशामुळे त्याचा आत्मविश्वास वाढलाय.

संजूकडे आर अश्विन, युजवेंद्र चहल, जोस बटलर, ट्रेंट बोल्ड सारखे दिग्गज तर यशस्वी जयसवाल आणि प्रसिद्ध कृष्णा सारखे युवा खेळाडू आहेत. संजूने या सर्वांना सोबत घेत संघाला इथपर्यंत आणले आहे. उद्या होणाऱ्या फायनल सामन्यात नवे हिरो देखील होतील आणि अनेक विक्रम देखील तयार होतील.

वाचा- आई आजारी आहे, पण…; राजस्थानच्या या पट्ठ्याने हिंमत हारली नाही, रॉयल चॅलेंजर्सचं कंबरडं मोडलं

हेड टू हेड

एकूण लढती- ०२
गुजरात- ०२
राजस्थान- ००

सामन्याची वेळ- रात्री ८ वाजता

संघ-
गुजरात टायटन्स- हार्दिक पंड्या (कर्णधार), अभिनव मनोहर, डेव्हिड मिलर, गुरकीरत सिंह, बी साई सुदर्शन, शुभमन गिल, राहुल तेवतिया, विजय शंकर, मॅथ्यू वेड, रहमानुल्ला गुरबाज, वृद्धिमान साहा, अल्जारी जोसेफ, दर्शन नालकांडे, लॉकी फर्ग्युसन, मोहम्मद शमी, नूर अहमद, प्रदीप सांगवान,राशिद खान, रविश्रीनिवासन साई किशोर, वरुण आरोन, यश दयाल

राजस्थान रॉयल्स-संजू सॅमसन (कर्णधार), जोस बटलर, यशस्वी जयसवाल, आर अश्विन, ट्रेंट बोल्ट, शिमरोन हेटमायर, देवदत्त पडिक्कल, प्रसिद्ध कृष्णा, युजवेंद्र चहल, रियान पराग, केसी करियप्पा, नवदीप सैनी, ओबेद मकॉय, अनुनय सिंह, कुलदीप सेन, करुण नायर, ध्रुव जुरेल, तेजस बरोक, कुलदीप यादव, शुभम गढवाल, जेम्स नीशाम, नाथन कुल्टर-नाइल, रेसी वान डेर डुसेन, डेरिल मिशेल, कॉर्बिन बॉश



Source link

Leave a Reply

Your email address will not be published.

%d bloggers like this: