लार्ज-मिडकॅपमध्ये गुंतवणूक संधी; ‘या’ फंडाने दिलाय बेंचमार्कच्या तुलनेत दमदार परतावा


मुंबई : बहुतांशवेळा जेव्हा गुंतवणुकीचा विचार येतो तेव्हा गुंतवणूकदार बाजार मूल्यांकनानुसार पर्यायाकडे बघतो. मात्र या प्रकियेत एक गोष्ट हरवते ती म्हणजे असा एक पर्याय जो लार्जकॅप आणि मिडकॅप श्रेणीचे मिश्रण असेल. इथ पोर्टफोलिओतील जवळपास ३५ टक्के निधी हा प्रत्येकी लार्जकॅप आणि मिडकॅप कंपन्यांमध्ये गुंतवला जातो. त्याचा परिणाम म्हणजे या योजनेकरिता गुंतवणूक विश्व म्हणजे बाजारात सूचीबद्ध असलेल्या आघाडीच्या २५० कंपन्या ज्यांचे बाजार भांडवल सर्वाधिक आहे. या व्यवस्थेचे वैशिष्ट्ये म्हणजे मिडकॅपमधील गुंतवणुकीमुळे दिर्घकाळात भांडवली वृद्धी आणि लार्जकॅपमधील गुंतवणुकीमुळे अस्थिरतेतही किमान परताव्याची हमी.

प्राप्तिकर विभागाचा नवा नियम; बँंकेत ‘या’ रकमेच्या व्यवहारासाठी पॅन-आधार बंधनकारक
सेबीने गुंतवणूक श्रेणींचा फेर आढावा घेतल्यानंतर ही योजना अस्तित्वात आली आहे. या श्रेणीत आजच्या घडीला अनेक योजना बाजारात आहेत. त्यापैकी सातत्यपूर्ण कामगिरी करणारी आघाडीची योजना म्हणजे आयसीआयसीआय प्रुडेन्शिअल लार्ज अँड मिडकॅप फंड आहे. या फंडाने विविध कालचक्रात सर्वोत्तम कामगिरी करत बेंचमार्क आणि स्पर्धक कंपन्यांच्या योजनांच्या तुलनेत दमदार परतावा दिला आहे. उदा. मागील एक वर्षात या फंडाने १४.९३ टक्के परतावा दिला आहे. याच काळात या योजनेचा बेंचमार्क असलेला निफ्टी लार्जमिडकॅप २५० टीआरआय ने ७.८४ टक्के परतावा दिला. अशाच प्रकारच्या कामगिरीचे प्रतिबिंब दोन आणि तीन वर्ष कालावधीतील कामगिरीतून दिसून येते. ज्यात या फंडाने अनुक्रमे ४१.७२ टक्के आणि १५.२१ टक्के परतावा दिला. (डेटा २४ मे २०२२ पर्यंत)

जर गुंतवणूकदाराने या फंडात १० हजार रुपयांची दरमहा एसआयपी मागील १० वर्ष केली असती तर एकूण गुंतवणूक १२ लाख रुपये झाली असती. आजच्या घडीला यातील एकूण निधी हा २६ लाख १३ हजार ४५० रुपये इतका झाला असता.

फ्लेक्सी कॅप फंडांना पसंती ; मागील वर्षात ३५ हजार ८७७ कोटींची गुंतवणूक
या सातत्यपूर्ण कामगिरीमागे मुख्य कारण म्हणजे स्मार्टफोलिओची उत्तम बांधणी होय. ३० एप्रिल २०२२ नुसार पोर्टफोलिओतील ५७ टक्के निधी हा लार्जकॅपमध्ये गुंतवण्यात आला आहे. त्याखालोखाल ३३ टक्के निधी हा मिडकॅप्स, ४ टक्के निधी स्मॉलकॅप्समध्ये गुंतवणूक करण्यात आला आहे. सर्वसाधारणपणे पोर्टफोलिओतील ४० ते ५५ टक्के निधी हा लार्जकॅपमध्ये गुंतवला जातो. ३० ते ४५ टक्के निधी हा मिडकॅप्समध्ये आणि उर्वरित १० ते १५ टक्के निधी हा स्मॉलकॅप्समध्ये गुंतवणूक केला जातो. स्मॉलकॅपमधील गुंतवणूक ही मुख्यत्वे परिस्थितीनुसार अवलंबून असते. जेव्हा मूल्यांकन आकर्षक असते तेव्हा त्यात अधिक गुंतवणूक केली जाते. मिडकॅप्समध्ये सर्वसाधारणपणे ३.५ टक्क्यांपर्यंत गुंतवणूक केली जाते. हे वैयक्तिक गुंतवणूक प्रमाण मर्यादा असून जोखमेच्या दृष्टीने ती स्मॉलकॅपच्या बाबतीत १.५ टक्क्यांपर्यंत ठेवली जाऊ शकते.

एकापेक्षा जास्त बँकांमध्ये खाते आहे; जाणून घ्या यातील फायदे आणि तोटे
या पोर्टफोलिओतील गुंतवणूक ही स्टॉक्स आणि अशा क्षेत्रात केली जाते जे अर्थव्यवस्थेच्या सुधारणेमध्ये जसे की टॉप-डाऊन आणि बॉटम-अप दृष्टीकोनात खऱ्या अर्थाने लाभार्थी असतील. परिणामी पोर्टफोलिओ हा स्थानिक आणि जागतिक पातळीवरील रचनात्मक आणि सायक्लिकल सुधारणेच्या प्रक्रियेवर अवलंबून असतो. याचा परिणाम असा की बँका, टेलिकॉम, सॉफ्टवेअर आणि फायनान्स या क्षेत्रात एकूण ५० टक्के गुंतवणूक होते. यातील काही शेअर हे पोर्टफोलिओची कामगिरी उंचावण्यास फायदेशीर ठरतात. यातील काही नावे म्हणजे भारती एअरटेल, एनटीपीसी, फेडरल बँक आणि आयटीती दिग्गज कंपन्या.

आयसीआयसीआय प्रुडेन्शिअल लार्ज अँड मिडकॅप फंडाचे व्यवस्थापक पराग ठक्कर सांगतात की, कोणताही निर्णय घेण्यापूर्वी ते एक साधी नकारात्मक यादीचे अनुकरण करतात. कमकुवत कॅशफ्लो असणाऱ्या स्टॉकपासून, अस्थिर व्यावसायिक मॉडेल, ताळेबंदातील आव्हाने, व्यवस्थापनाला प्रश्न विचारण्यासारखी परिस्थिती आणि कंपनीसाठी आर्थिकदृष्ट्या डोईजड होत नाहीत ना अशा कंपन्याच्या शेअरपासून ते लांब राहतात. या रणनितीचा मुख्य उद्देश म्हणजे चांगला शेअर वाजवी दरात उपलब्ध व्हावा.

थोडक्यात तुम्ही गुंतवणूकदार आहात आणि तुम्हाला लार्ज आणि मिडकॅप्स स्टॉक्समध्ये पैसे गुंतवायचे आहेत तर आयसीआयसीआय प्रुडेन्शिअल लार्ज अॅंड मिडकॅप फंड एक उत्तम पर्याय ठरु शकतो. इतर इक्विटीमध्ये गुंतवणूक करण्यासाठी एसआयपीच्या माध्यमातून गुंतवणूक करणे हा एक सर्वात चांगला पर्याय ठरु शकतो. एक गुंतवणूकदार म्हणून तुम्हाला इक्विटीमध्ये सर्वाधिक गुंतवणूक करायची असल्यास एक लक्षात घ्या की मार्केटच्या प्रत्येक सायकलमध्ये गुंतवणूक करायला हवी.



Source link

Leave a Reply

Your email address will not be published.

%d bloggers like this: