RR vs RCB Qualifier 2 Live Scorecard : बटलरच्या शतकाच्या जोरावर राजस्थान अंतिम फेरीत


अहमदाबाद : आरसीबी आणि राजस्थान यांच्यामध्ये आज क्वालिफायर-२चा सामना होणार आहे. हा सामना जो जिंकेल त्यांना अंतिम फेरीत पोहोचता येणार आहे.
बटलरच्या तुफानी फटकेबाजीमुळे राजस्थान अंतिम फेरीत, आरसीबीचा खेळ खल्लास
जोस बटलरने क्वालिफायर-२ सामन्यात धडाकेबाज फटकेबाजी केली आणि राजस्थान रॉयल्सला अंतिम फेरीत पोहोचवले. बटलरने यावेळी शतकी खेळी साकारली आणि संघाला सात विकेट्स राखून विजय मिळवून दिला. आरसीबीने राजस्थानपुढे १५८ धावांचे आव्हान ठेवले होते, बटलरच्या धमाकेदार फलंदाजीमुळे राजस्थानने यावेळी आरसीबीवर दमदार विजय साकारला.

जोस बटलरचे धडाकबाज शतक
जोस बटलरने धडाकेबाज फटकेबाजी करत शतक पूर्ण केले. बटलरचे हे या हंगामाती चौथे शतक ठरले. त्याचबरोबर बटलरने या सामन्यात ८ हजार धावाही पूर्ण केल्या.

देवदत्त पडीक्कल आऊट, राजस्थानला तिसरा धक्का
राजस्थानचा विजय दृष्टीपथात आला असताना देवदत्त पडीक्कल ९ धावांवर बाद झाला आणि त्यांना तिसरा धक्का बसला.

संजू सॅमसन आऊट, राजस्थानला दुसरा धक्का
राजस्थानचा कर्णधार संजू सॅमसन हा दमदार फलंदाजी करत होता. पण तो २३ धावांवर बाद झाला आणि त्यांना दुसरा धक्का बसला.

यशस्वी जैस्वाल आऊट, राजस्थानला पहिला धक्का
राजस्थानच्या संघाला यशस्वी जैस्वालच्या रुपात पहिला धक्का बसला, त्याला २१ धावा करता आल्या.

आरसीबीने राजस्थानपुढे किती धावांचे आव्हान ठेवले पाहा…
आरसीबीच्या संघाला अखेरच्या षटकांमध्ये जोरदार धक्के बसले आणि त्यांची धावगती मंदावली. पण रजत पाटीदारच्या ५८ धावांच्या खेळीच्या जोरावर आरसीबीला राजस्थानपुढे १५८ धावांचे आव्हान ठेवता आले.

पाच धावांत आरसीबीला तीन धक्के
आरसीबीच्या संघाला यावेळी फक्त पाच धावांमध्ये तीन धक्के बसले. या पाच धावांमध्ये महिपाल लोरमोर, दिनेश कार्तिक आणि वानिंडू हसरंगा बाद झाले.

अर्धशतकवीर रजत पाटीदार आऊट, आरसीबीला मोठा धक्का
आरसीबीसाठी अर्धशतक झळकावणारा रजत पाटीदार यावेळी आऊट झाला आणि आरसीबीला मोठा धक्का बसला. रजतने यावेळी ४२ चेंडूंत चार चौकार आणि तीन षटकारांच्या जोरावर ५८ धावांची खेळी साकारली.

रजत पाटीदारने षटकारासह अर्धशतक झळकावले.
गेल्या सामन्यात शतक झळकावणाऱ्या रजत पाटीदारने या लढतीमध्येही अर्धशतक झळकावले. खास गोष्ट म्हणजे रजतने यावेळी षटकारासह आपले अर्धशतक पूर्ण केले.

आरसीबीला तिसरा धक्का, ग्लेन मॅक्सवेल आऊट
धडाकेबाज फटकेबाज करणारा ग्लेन मॅक्सवेल यावेळी २४ धावांवर बाद झाला आणि आरसीबीला तिसरा धक्का बसला.

आरसीबीला दुसरा धक्का, फॅफ ड्यु प्लेसिस आऊट
कर्णधार फॅफ ड्यु प्लेसिसच्या रुपात आरसीबीच्या संघाला मोठा धक्का बसला. फॅफ चांगलाच स्थिरस्थावर झाला होता, पण या सामन्यात त्याला २५ धावाच करता आल्या.

रजत पाटीदारला १३ धावांवर जीवदान
गेल्या सामन्यात शतक झळकावणाऱ्यारजत पाटीदारला आजच्या सामन्याक १३ धावांवर जीवदान मिळाले. राजस्थानच्या रायन परागने यावेळी त्याची कॅच सोडली.

विराट कोहली आऊट, आरसीबीला पहिला धक्का
दुसऱ्याच षटकात आरसीबीच्या संघाला विराट कोहलीच्या रुपात मोठा धक्का बसला. कोहलीला यावेळी फक्त सात धावा करता आल्या.

क्वालिफायर-२च्या सामन्यात राजस्थानने टॉस जिंकला.
आरसीबीविरुद्धच्या सामन्यात राजस्थानने टॉस जिंकला. संजू सॅमसनने यावेळी प्रथम गोलंदाजी करण्याचा निर्णय घेतला.



Source link

Leave a Reply

Your email address will not be published.

%d bloggers like this: