नेपाळमध्ये २२ प्रवाशांसह विमान बेपत्ता; ४ भारतीयांचा समावेश, युद्धपातळीवर शोध सुरू


काठमांडूः २२ प्रवाशांना घेऊन निघालेल्या विमानाचा संपर्क तुटल्याची माहिती समोर आली आहे. रविवारी सकाळी ग्राउंड सपोर्टसोबत विमानाचा संपर्क तुटल्याची माहिती विमानतळावरील अधिकाऱ्यांनी दिली आहे. तारा एअर ९ NAET विमानाने जॉमसमसाठी सकाळी ९.५५ वाजता उड्डाण केले होते. या विमानाचे वैमानिक कॅप्टन प्रभाकर घिमेरे हे आहेत. दरम्यान, विमान कोसळण्याची भिती व्यक्त केली जात आहे. नेपाळ प्रशासनाकडून हेलिकॉप्टरने विमानाचा शोध सुरू आहे. (Nepal plane missing with 22 people on board)

या विमानात ४ भारतीय प्रवासी होते. क्रूसह एकूण २२ प्रवासी या विमानात होते. या विमानाला शेवटचं मुस्तांग जिल्ह्यात पाहण्यात आलं. त्यानंतर या विमानाचे माउंट धौलागिरी येथे वळण घेतले. त्यानंतर या विमानाचा संपर्क तुटला. मुख्य जिल्हाधिकारी नेत्र प्रसाद शर्मा यांनी ही माहिती दिली आहे.

वाचाः मोठी बातमी! शाहू महाराजांनी बाजू सावरल्यानंतर राऊतांनी घेतली भेट, मुख्यमंत्र्यासोबतही फोनवर चर्चा!

संपर्क तुटल्यानंतर विमान कोसळण्याची शक्यता व्यक्त केली जात आहे. प्रशासनाने तातडीने शोध मोहिम सुरु केली आहे. गृह मंत्रालयाने विमानाच्या शोधासाठी दोन खासगी हेलिकॉप्टर तैनात केले आहेत. पोखरा ते मुस्तांगदरम्यान हे दोन हेलिकॉप्टर विमानाचा शोध घेत आहेत. त्याचबरोबर नेपाळी सेना MI-17 हेलिकॉप्टरचाही दुर्घटनाग्रस्त स्थळी पाठवण्यात आलं आहे.

वाचाः आर्यनला क्लीन चिट मिळाल्यानंतर आता उघडणार रियाची फाइल? वकिलांची मागणी

काठमांडू पोस्टने दिलेल्या वृत्तानुसार, जोमसॉम एअर ट्रफिक कंट्रोलरने घासा परिसरात एक जोरात आवाज ऐकल्याचं सांगितलं जातंय. दरम्यान, एअर ट्रॅफिक कंट्रोलरच्या म्हणण्यानुसार, जिथून विमानाचा सिग्नल गायब झाला आहे त्याच क्षेत्रात शोध घेण्यात येत आहे.

वाचाः
स्क्रिप्ट दिल्याचं सांगून छत्रपती घराण्याचा अपमान करू नका; राऊतांचा पलटवार



Source link

Leave a Reply

Your email address will not be published.

%d bloggers like this: