भारतीय महिला क्रिकेट टीम सेमी फायनलमध्ये, पदकासाठी कोणत्या तगड्या संघांशी झुंज?


बर्मिंगहम : तब्बल २४ वर्षांनी राष्ट्रकुल स्पर्धेमध्ये क्रिकेटचे (Commonwealth Games 2022) पुनरागमन झाले आहे. भारतीय महिला क्रिकेट संघाने बुधवारी रात्री बार्बाडोस येथे १०० धावांनी दणदणीत विजय मिळवत राष्ट्रकुल स्पर्धा २०२२ च्या उपांत्य फेरीत आपले स्थान निश्चित केले. भारताच्या या विजयामुळे उपांत्य फेरीतील इतर संघांची नावे समोर आली आहेत. अ गटातून भारत आणि ऑस्ट्रेलिया पदकासाठी दावेदार आहेत तर ब गटातून यजमान संघ इंग्लंड आणि न्यूझीलंडने बाद फेरीत प्रवेश केला आहे. आता या चार संघांमध्ये पदकासाठी खरा चुरशीचा सामना आपल्याला पहायला मिळणार आहे.

६ ऑगस्ट रोजी बर्मिंगहमच्या एजबेस्टन मैदानावर या दोन्ही उपांत्य फेरीचे सामने खेळवले जातील. भारतीय प्रमाणवेळेनुसार पहिला सामना दुपारी ३:३० वाजता सुरू होईल, तर दुसरा सामना १०:३० वाजता सुरू होईल. आज ४ ऑगस्ट रोजी ब गटातील शेवटचे दोन सामने खेळवले जाणार असून त्यानंतर कोणते संघ एकमेकांविरुद्ध उभे ठाकणार हे निश्चित होईल. भारतीय संघ दुसर्‍या स्थानावर असल्यामुळे ब गटातील अव्वल संघाशी भारताचा सामना होईल. तर ऑस्ट्रेलिया संघाचा सामना गटातील दुसर्‍या स्थानावर असलेल्या संघाशी होईल.

हेही वाचा : भारतीय क्रिकेट संघ उपांत्य फेरीत दाखल, पाकिस्ताननंतर टीम इंडियाचा अजून एक दणदणीत विजय

६ ऑगस्टला उपांत्य फेरी झाल्यानंतर ७ ऑगस्टला होणार्‍या अंतिम फेरीत दोन संघांचा समावेश होईल, तर दुसरीकडे पराभूत झालेल्या दोन संघांना कांस्य पदक मिळवण्यासाठी आणखी एक संधी मिळेल. कांस्य पदकासाठी खेळवला जाणारा सामना रविवारी दुपारी २:३० वाजता सुरू होईल. तर सुवर्ण पदकासाठीचा सामना रात्री ९:३० वाजता सुरू होईल.

६ ऑगस्ट

पहिली उपांत्य फेरी – दुपारी ३:३० वाजता
दुसरी उपांत्य फेरी – रात्री १०:३० वाजता

हेही वाचा : भारताच्या तेजस्वीन शंकरने रचला इतिहास, उंच उंडीमध्ये भन्नाट कामगिरीसह कांस्यपदक पटकावले

७ ऑगस्ट

कांस्य पदकासाठी सामना – दुपारी २:३० वाजता
सुवर्ण पदकासाठी सामना – रात्री ९:३० वाजता

हेही वाचा : तब्बल ३९० किलो वजन उचलत गुरमीत सिंगने पटकावले कांस्य, भारताची दमदार पदक कमाई



Source link

Leave a Reply

Your email address will not be published.

%d bloggers like this: