९० दिवसानंतर तुम्हाला मिळणार आनंदाची बातमी; पेट्रोल-डिझेलच्या किमती ५ रुपयांनी घसरणार, जाणून घ्या कारण


मुंबई : देशातील पेट्रोल-डिझेलचे दर लवकरच कमी होऊ शकतात. हा दावा आम्ही करत नसून आंतरराष्ट्रीय स्तरावर कच्च्या तेलाच्या किमतीत झालेली घसरण याकडे लक्ष वेधत आहे. कच्च्या तेलाचा दर सहा महिन्यांच्या नीचांकी पातळीवर गेला. अशा स्थितीत इंधन दरात दिलासा मिळण्याची अपेक्षा वाढली आहे.

मे महिन्यात केंद्र सरकारकडून इंधनावरील करात कपात करण्यात आली होती, तेव्हापासून आतापर्यंत पेट्रोल-डिझेलच्या किमतीत दरवाढ झालेली नाही. याशिवाय महाराष्ट्रात शिंदे-फडणवीस सरकारने सत्तेत येतात इंधनाच्या व्हॅटमध्ये तब्बल पाच रुपयांपर्यंत कर कपात जाहीर केली होती.

व्यवसाय सुरु कराचाय पण पैसे नाही, काळजी करू नका; ‘या’ सरकारी योजनेतून मिळेल स्वस्त कर्ज

क्रूडचे भाव काय?
बुधवारी कच्च्या तेलाच्या किमती जवळपास ४ टक्क्यांनी घसरून सहा महिन्यांच्या नीचांकी पातळीवर घसरल्या. जर आपण अमेरिकेच्या आकडेवारीवर नजर टाकली तर याचे मुख्य कारण म्हणजे गेल्या आठवड्यात कच्च्या तेल आणि गॅसोलीनच्या साठ्यात झालेली अनपेक्षित वाढ आहे. ब्रेंट क्रूड LCOc1 फ्युचर्स ३.७६ डॉलर किंवा ३.७ टक्क्यांनी घसरून ९६.७८ डॉलर प्रति बॅरल झाले. २१ फेब्रुवारीनंतरची ही नीचांकी पातळी आहे.

तुमच्या मालकीची एकापेक्षा जास्त घरं आहेत? मग हे वाचाच, तुम्हीही येऊ शकता IT च्या रडारवर

कच्च्या तेलावर असा परिणाम होतो
भारत हा कच्च्या तेलाचा प्रमुख आयातदार आहे आणि आपल्या गरजेपैकी ८५ टक्क्यांहून अधिक तेलाची खरेदी बाहेरून करतो. आयात केलेल्या कच्च्या तेलाची किंमत भारताला डॉलरमध्ये मोजावी लागते. अशा परिस्थितीत कच्च्या तेलाच्या किमतीत झालेली वाढ आणि डॉलरच्या मजबूतीमुळे देशांतर्गत पातळीवर पेट्रोल आणि डिझेलच्या किमती वाढू लागल्या आहेत. तसेच तज्ज्ञांच्या अंदाजानुसार आंतरराष्ट्रीय स्तरावर कच्च्या तेलाच्या किमतीत एक डॉलरने वाढ झाल्यास देशात पेट्रोल आणि डिझेलच्या किमतीत ५० ते ६० पैशांनी वाढ होते.

ऊस उत्पादकांसाठी महत्त्वाची बातमी; पाच कोटी शेतकऱ्यांना होणार फायदा

पेट्रोल-डिझेल किती स्वस्त होईल?
गेल्या तीन महिन्यांत एमसीएक्सवर कच्च्या तेलाच्या किंमती तब्बल १८ टक्क्यांनी कमी झाली आहे. मार्च २०२२ मध्ये ते १३९ डॉलर प्रति बॅरलच्या उच्चांकावर पोहोचले. अशा परिस्थितीत आता किंमतीतील मोठी सुधारणा ‘त्या’ अर्थव्यवस्थांसाठी चांगली आहे, जे भारतासारख्या कच्च्या तेलाची आयात करत आहेत. त्यामुळे जर सर्व काही सुरळीत राहिल्यास लवकरच भारतात पेट्रोल आणि डिझेलच्या किमती ३ ते ५ रुपयांनी कमी होण्याची शक्यता व्यक्त करण्यात येत आहे.



Source link

Leave a Reply

Your email address will not be published.

%d bloggers like this: