मुंबै बँकेतही सत्तांतर होणार, प्रवीण दरेकरांचा अध्यक्ष होण्याचा मार्ग मोकळा


मुंबई: राज्यात महाविकास आघाडीला मोठा धक्का देत शिंदे गटाने भाजपसोबत सत्ता स्थापन केली. मात्र, महाविकास आघाडीला अद्यापही धक्के मिळतच आहेत. आता मुंबै बँकेतही सत्तांतर होणार आहे. त्यामुळे भाजप आमदार प्रवीण यांचा पुन्हा मुंबै बँकेचे अध्यक्ष होण्याचा मार्ग मोकळा झाला आहे. उद्या मुंबै बँकेच्या संचालक मंडळाच्या बैठकीत अध्यक्ष आणि उपाध्यक्ष निवडणुकीचा कार्यक्रम जाहीर करण्यात येणार आहे.

मुंबै बँकेचे संचालक सिद्धार्थ कांबळे यांनी गेल्या आठवड्यात आपल्या अध्यक्षपदाचा पदाचा राजीनामा दिला. तर विठ्ठल भोसले यांनी उपाध्यक्ष पदाचा राजीनामा दिला आहे. यामुळे आता प्रवीण दरेकर हे अवघ्या सहा महिन्यांमध्ये मुंबै बँकेच्या अध्यक्ष पदावर पुन्हा विराजमान होण्याची चिन्हे आहेत.

हेही वाचा-संजय राऊतांची ती ‘डायरी’ अडचणी वाढवणार, कुणाला पैसे दिले याचा कोडवर्डमध्ये उल्लेख, ईडीचा दावा

मुंबै बँकेत एकूण २१ संचालक आहेत. दरेकर हे मजूर म्हणून अपात्र ठरल्यानंतर आता संचालकांची संख्या २० झाली आहे. त्यामुळे अध्यक्षपदासाठी ११ मतं मिळवणारा उमेदवार विजयी ठरणार आहे. शिवसेना, राष्ट्रवादी आणि काँग्रेसचे मिळून १० संचालक आहेत.

गेल्या निवडणुकीत प्रवीण दरेकरांना शिवसेने धक्का देत महाविकास आघाडीच्या सिद्धार्थ कांबळे यांना या पदावर बसवलं होतं. त्यानंतर प्रवीण दरेकरांवर मजूर प्रवर्गातून निवडून आल्याचा आरोप करत त्यांच्यावर गुन्हाही दाखल करण्यात आला होता.

हेही वाचा-ED म्हणाली – आम्ही त्यांना AC खोलीत ठेवलं, राऊत म्हणाले – ‘मी फक्त पंखाच पाहिला’

मुंबै बँक प्रकरण काय?

प्रत्यक्षात मजूर नसतानाही बनावट कागदपत्रांच्या आधारे मजूर असल्याचं दाखवून आणि १९९९ पासून २०२१ पर्यंत मुंबै बँकेच्या संचालक मंडळावर मजूर प्रवर्गातून निवडून येऊन नागरिकांबरोबरच सरकारचीही फसवणूक केली, अशा आरोपाखाली प्रवीण दरेकर यांच्यावर गुन्हा दाखल करण्यात आला होता. मजूर नसतानाही निवडणूक लढवून प्रवीण दरेकर यांनी बँकेच्या ठेवीदारांची आणि सरकारची फसवणूक केल्याचा आरोप करत आम आदमी पक्षाचे धनंजय शिंदे यांनी त्यांच्याविरोधात तक्रार नोंदवली होती.

सर्वात आधी कोर्टात कोण गेलं? एकनाथ शिंदेंचा एक निर्णय उद्धव ठाकरेंच्या पथ्यावर?



Source link

Leave a Reply

Your email address will not be published.

%d bloggers like this: