भारत आणि वेस्ट इंडिजचे सामने अमेरिकेत का खेळवणार, जाणून घ्या यामागचं खरं कारण…


नवी दिल्ली : भारत आणि वेस्ट इंडिज यांच्यातील चौथा व पाचवा ट्वेन्टी-२० सामना अमेरिकेत खेळवण्यात येणार असल्याचे आता स्पष्ट झाले आहे. पण सामने भारत आणि वेस्ट इंडिजचे, पण ते अमेरिकेत का खेळवायचे, हा प्रश्न तुम्हालाही पडला असेल. या गोष्टीचे सर्वात मोठे कारण आता समोर आले आहे.

वाचा-भारताच्या चाहत्यांसाठी गूड न्यूज, रोहित शर्मा आणि राहुल द्रविड यांची मोठी चिंता अखेर मिटली

भारतीय संघ वेस्ट इंडिजच्या दौऱ्यावर गेला आहे. त्यामुळे या दौऱ्याचे यजमान हे वेस्ट इंडिज आहेत. भारतीय संघत वेस्ट इंडिजमध्ये तीन वनडे सामन्यांची मालिका खेळला आहे. त्यानंतर पाच ट्वेन्टी-२० सामन्यांच्या मालिकेला सुरुवात झाली. पण या मालिकेतील तीन ट्वेन्टी-२० सामने हे वेस्ट इंडिजमध्ये खेळवण्यात आले. त्यानंतर आता उर्वरीत दोन ट्वेन्टी-२० सामन्यांसाठी दोन्ही संघांनी अमेरिका गाठले आहे. आता ६ आणि ७ ऑगस्ट या कालावधीत भारत आणि वेस्ट इंडिज यांच्यातील दोन ट्वेन्टी-२० सामने फ्लोरिडामध्ये खेळवण्यात येणार आहेत.

अमेरिकेत ट्वेन्टी-२० क्रिकेटचे सामने का आयोजित केले, जाणून घ्या…
अमेरिकेचा संघ कोणत्याही वर्ल्डकपमध्ये आतापर्यंत आपल्याला दिसलेला नाही. सध्याच्या घडीला अमेरिकेत क्रिकेटचा संघ बांधला जात आहे. त्यामुळे अमेरिकेत जेवढा क्रिकेटचा प्रसार आणि प्रचार होईल, तेवढे खेळासाठी उपयुक्त ठरणार आहे. अमेरिकेत क्रिकेट हा खेळ वाढावा. तेथील लोकांना या खेळात जास्त रस निर्माण व्हावा, हा यामागील खरा हेतू आहे. जगभरात भारतीय चाहत्यांची कमतरता नाही. अमेरिकेतही भारताचे मोठ्या प्रमाणात चाहते आहेत. त्यामुळे जर भारताचा सामना अमेरिकेत खेळवला गेला तर त्याला जास्त प्रसिद्धी मिळेल आणि या खेळाकडे जास्त लोकं वळू शकतील. त्यामुळेच वेस्ट इंडिजच्या क्रिकेट मंडळाने हे दोन सामने अमेरिकेत खेळवण्याचा निर्णय घेतला आहे. त्यानुसार आता या मालिकेतील दोन्ही सामने अमेरिकेत खेळवण्यात येणार आहेत.

वाचा-भारतीय क्रिकेट संघ उपांत्य फेरीत दाखल, पाकिस्ताननंतर टीम इंडियाचा अजून एक दणदणीत

टीम इंडियातील काही सदस्यांना यावेळी अमेरिकेचा व्हिसा मिळाला नव्हता. या दोन सामन्यांसाठी रोहित आणि द्रविड यांना अमेरिकेचा व्हिसा मिळाला नव्हता. बाकीच्या भारतीय खेळाडूंना मात्र व्हिसा देण्यात आला होता. त्यामुळे रोहित आणि द्रविड यांची चिंता वाढेलली होती. त्यामुळे रोहित आणि द्रविड काल संघातील अन्य खेळाडूंना सोडून गयाना येथे अमेरिकेचा व्हिसा मिळवण्यासाठी गेले होते. जर व्हिसा मिळाला नाही तर भारतीय खेळाडू अमेरिकेत जाणार तर रोहित आणि द्रविड वेस्ट इंडिजमध्येच राहणार, असे चित्र निर्माण होऊ शकले असते. पण गयाना येथे गेल्यावर रोहित आणि द्रविड यांना काही कागदपत्रांची पूर्तता करावी लागली. त्यासाठी बीसीसीआयने त्यांची मोठी मदत केली. रोहित आणि द्रविड यांनी सर्व कारगपत्र दिल्यावर अखेर त्यांना अमेरिकेचा व्हिसा देण्यात आला आहे. त्यामुळे आता भारतीय संघाची मोठी चिंता मिटलेली आहे.



Source link

Leave a Reply

Your email address will not be published.

%d bloggers like this: