दाऊद टोळीला अर्थपुरवठा करणारा अटकेत; ड्रग्जविक्रीतील पैसा पोहोचवत होता विदेशात


मुंबईतील अंधेरी परिसरातून परवेझ मेमन (४७) याला दहशतवादविरोधी पथकाने (एटीएस) बुधवारी अटक केली. ड्रग्जविक्री तसेच इतर बेकायदा व्यवसाय करून त्यातून मिळणारा पैसा दाऊद टोळीच्या हस्तकांना पुरवित असल्याचा त्याच्यावर आरोप आहे.

 

म. टा. खास प्रतिनिधी, मुंबईः मुंबईतील अंधेरी परिसरातून परवेझ मेमन (४७) याला दहशतवादविरोधी पथकाने (एटीएस) बुधवारी अटक केली. ड्रग्जविक्री तसेच इतर बेकायदा व्यवसाय करून त्यातून मिळणारा पैसा दाऊद टोळीच्या हस्तकांना पुरवित असल्याचा त्याच्यावर आरोप आहे.

परदेशात वास्तव्यास असलेल्या दाऊद टोळीचा हस्तक अनिस अहमद आणि त्याचे साथीदार बेकायदा कृत्यांमधून मिळालेला पैसा भारतामध्ये दहशतवादी कृत्यासाठी वापरतात. भारतामधील काही हस्तक त्यांना परदेशात पैसा पाठवत असल्याची माहिती ‘एटीएस’च्या अधिकाऱ्यांना मिळाली होती. या माहितीच्या आधारे अधिक तपास केला असता वर्सोवा परिसरात राहणाऱ्या परवेझ मेमन या तरुणाच्या हालचाली संशयास्पद दिसून आल्या.

पोलिसांनी त्याला ताब्यात घेऊन कसून चौकशी केली असता तो अमली पदार्थविक्रीचा धंदा करीत असल्याचे समोर आले. या धंद्यातून मिळणारा पैसा तो दाऊद टोळीला पुरवत असल्याचेही स्पष्ट झाले. त्याच्यावर खंडणीसारखे काही गुन्हे दाखल असून त्यामध्ये तो फरार होता. परवेझ दुबईला स्थायिक झाला होता, त्यानंतर काही वर्षाने मुंबईत आला.

जवळच्या शहरातील बातम्या

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

Web Title : Marathi News from Maharashtra Times, TIL Network



Source link

Leave a Reply

Your email address will not be published.

%d bloggers like this: