Asia Cup 2022: आशिया कपसाठी भारतीय संघाची घोषणा या तारखेला होणार; पाहा कोणाला मिळणार संधी


नवी दिल्ली:आशिया कप (Asia Cup 2022) क्रिकेट स्पर्धा २७ ऑगस्ट आणि ११ सप्टेंबर या दरम्यान होणार आहे. या वर्षी ही स्पर्धे युएईमध्ये आयोजित होणार असून चाहत्यांची या स्पर्धेवर खास नजर असणार आहे, कारण भारत आणि पाकिस्तान या कट्टर प्रतिस्पर्धी संघ एकमेकांविरुद्ध लढणार आहेत. या स्पर्धेसाठी पाकिस्तान क्रिकेट बोर्डाने संघाची घोषणा केली आहे. आता भारतीय क्रिकेट संघाच्या घोषणेची सर्वजण वाट पाहत आहेत.

सूत्रांनी दिलेल्या माहितीनुसार आशिया कप २०२२ साठी भारतीय संघाची घोषणा ८ ऑगस्ट रोजी (सोमवार) होऊ शकते. भारतीय चाहत्यांना आशिया कपमध्ये कोणते खेळाडू असतील याची उत्सुकता आहे. राष्ट्रीय निवड समिती कोणत्या खेळाडूंना स्थान देते हे पाहावे लागले. या वर्षी ऑस्ट्रेलियात टी-२० वर्ल्डकप होणार असल्याने आशिया कप देखील टी-२० फॉर्मेटमध्ये होणार आहे.

वाचा- महिला खेळाडूने पती सोबत तयार केला सेक्स टेप; सोशल मीडियावर खळबळ उडवली

राहुल कमबॅक करणार

हॅमस्ट्रिंगच्या दुखापतीमुळे संघाबाहेर असलेला केएल राहुल आता सज्ज आहे. त्यामुळे त्याचा संघात समावेश होऊ शकले. कर्णधार रोहित शर्मा सोबत तो सलामीला येऊ शकतो. झिम्बाब्वेविरुद्ध होणाऱ्या वनडे मालिकेत राहुल संघात दिसेल असे वाटत होते. पण करोनामुळे आणि त्यानंतर झालेल्या हर्निया सर्जरीमुळे तो अद्याप फिट झालेला नाही. विराट कोहली देखील आशिया कपसाठी संघात दाखल होईल.

वाचा- टॉपलेस होऊन महिला Live सामन्यात मैदानात घुसली; फोटो, व्हिडिओची जगभरात चर्चा

श्रेयसचा पत्ता कट होणार?

मधळ्या फळीमध्ये श्रेयस अय्यरचा पत्ता कट होऊ शकतो. त्याच्या जागी दीपक हुड्डाला जागा मिळू शकते. अय्यर सध्या फार चांगल्या फॉर्ममध्ये नाही. बाउंसर चेंडू खेळण्यात त्याला अपयश येत आहे. दिनेश कार्तिकने मधळ्या फळीतील जागा पक्की केली आहे. त्याच बरोबर सूर्यकुमार यादव, ऋषभ पंत आणि हार्दिक पंड्या यांचे स्थान निश्चित मानले जाते.

चहरला लॉटरी लागले

हर्षल पटेलला दुखापत झाली आहे त्यामुळे त्याचा संघात समावेश होणे अवघड वाटते. अशा परिस्थितीत दीपक चहरला संधी मिळू शकते. तो झिम्बाब्वेविरुद्धच्या वनडे मालिकेत तो संघात आहे. या शिवाय संघात जसप्रीत बुमराह, भुवनेश्वर कुमार, अर्शदीप सिंह यांचा समावेश होऊ शकतो. फिरकीमध्ये रविंद्र जडेजा, आर अश्विन यांना देखील संघात स्थान मिळू शकते.

वाचा- जाणून घ्या कोण आहे गेरार्ड पिक; शकीराने महिलेसोबत रंगेहात पकडले आणि…

आशिया कपसाठी संभाव्य भारतीय संघ

रोहित शर्मा (कर्णधार), केएल राहुल, विराट कोहली, ऋषभ पंत, सूर्यकुमार यादव, हार्दिक पंड्या, दिनेश कार्तिक, दीपक हुड्डा, रविंद्र जडेजा, आर अश्विन, युजवेंद्र चहल, जसप्रीत बुमराह, भुवनेश्वर कुमार, अर्शदीप सिंह, दीपक चहर



Source link

Leave a Reply

Your email address will not be published.

%d bloggers like this: