महागाईचा झटका; रिझर्व्ह बँकेकडून रेपो दरात वाढ; जाणून घ्या तुमच्या तुमच्या कर्जाचा EMI किती वाढणार


मुंबई : भारतीय रिझर्व्ह बँकेने (आरबीआय) प्रमुख व्याजदर म्हणजेच रेपो रेट ०.५० टक्क्यांनी वाढवण्याचा निर्णय जाहीर केला आहे. त्यामुळे रेपो दर आता ५.४० टक्के इतका वाढला आहे. ८ जून रोजी केलेल्या शेवटच्या पतधोरणेच्या घोषणेमध्ये रिझर्व्ह बँकेने रेपो दरात अर्धा टक्का वाढ केली होती. त्यामुळे रेपो दर ४.९० टक्क्यांवर पोहोचला.

याशिवाय अलीकडेच अमेरिकेच्या मध्यवर्ती बँक फेडरल रिझर्व्हने (यूएस फेड) देखील व्याजदरात वाढ केली आहे. यामुळे आरबीआयही व्याजदर वाढवण्याचा निर्णय घेईल अशी अपेक्षा होती. आता महागाई कमी करण्यासाठी रिझर्व्ह बँकेने रेपो दरात वाढ केली आहे. भारतीय रिझर्व्ह बँकेचे गव्हर्नर शक्तीकांत दास हे चलनविषयक धोरण समितीच्या निर्णयांची माहिती दिली.

वाचा – RBI Monetary Policy:ऐन महागाईत कर्जाचा हप्ता आणखी वाढणार; आरबीआयचे पतधोरण जाहीर

दरम्यान, रेपो दरातील या वाढीचा बोजा बँकाच्या ग्राहकांवर पडणार आहे. यामुळे तुमच्या कर्जाचा हप्ता वाढेल. गृहकर्जासोबतच वाहन कर्ज आणि वैयक्तिक कर्जाचा ईएमआयही वाढेल.

रेपो रेटने कोरोनापूर्वीची पातळी गाठली
रिझर्व्ह बँकेने रेपो दरात केलेल्या या वाढीमुळे ऑगस्ट २०१९ नंतरचा हा उच्चांक ठरला आहे. अशाप्रकारे रेपो दर आता कोरोना महामारीपूर्वीच्या पातळीवर पोहोचला आहे. लक्षात घ्यायचे की आरबीआयने आधीच घोषणा केली होती की ते हळूहळू आपली उदारमतवादी भूमिका मागे घेत आहे.

वाचा – गरब्याभोवतीही GST चा फेर, पारंपरिक पोशाखांवर भरभक्कम जीएसटी, नागरिकांचा संताप

तुमचा ईएमआय कसा वाढणार?
रेपो दरातील या वाढीचा बोजा बँक ग्राहकांवर पडणार आहे. यामुळे तुमच्या कर्जाचा हप्ता वाढेल. गृहकर्जासोबतच वाहन कर्ज आणि वैयक्तिक कर्जाचा हप्ताही वाढणार आहे. जर तुमचे गृहकर्ज ३० लाख रुपये असेल आणि कालावधी २० वर्षांचा असेल, तर तुमचा हप्ता २४,१६८ रुपयांवरून २५,०९२ रुपयांपर्यंत वाढेल. याशिवाय कर्जावरील व्याजदर ७.५ टक्क्यांवरून ८ टक्क्यांपर्यंत वाढला तर ईएमआय कसा वाढेल खाली जाणून घेऊया…

रक्कम कालावधी व्याज दर हप्ता (रुपयात) सुधारित दर हप्ता (रुपयात) वाढ (रुपयात)
३० लाख रुपये २० वर्षे ७.५% २४,१६८ ८% २५,०९३ ९२५
२० लाख रुपये २० वर्षे ७.५% १६,११२ 8% १६,७२९ ६१७
१० लाख रुपये २० वर्षे ७.५% ८,०५६ ८% ८,३६४ ३०८

वाचा – गुंतवणुकदार झाले मालामाल; फक्त २० दिवसात ६१८ रुपयांचे झाले २ लाख!
आरबीआय रेपो दर का वाढवते?
महागाई नियंत्रणात ठेवण्यासाठी भारतीय रिझर्व्ह बँक प्रमुख व्याजदर वाढवते. अशा प्रकारे मध्यवर्ती बँक आर्थिक धोरण कडक करून मागणी नियंत्रित करण्याचे काम करते. आरबीआयने रेपो दरात वाढ केल्यानंतर ग्राहक किंमत निर्देशांकावर आधारित महागाईत किरकोळ घट झाली आहे.

अमेरिकेतील महागाई सध्या ४० वर्षांच्या उच्चांकावर आहे. ही महागाई कमी करण्यासाठी फेडरल रिझर्व्ह सातत्याने व्याजदर वाढवत आहे. विशेष म्हणजे जेव्हा कोरोना विषाणूचा संसर्ग सुरु झाला तेव्हा जगभरातील केंद्रीय बँकांनी चलनविषयक धोरणात शिथिलता आणली होती आणि व्याजदरात लक्षणीय घट केली होती.



Source link

Leave a Reply

Your email address will not be published.

%d bloggers like this: