मजूर १०० रुपये काढायला गेला; जनधन बँक खात्यातील बॅलन्स पाहून उडालाच

कन्नौज: उत्तर प्रदेशच्या कन्नौजमधील एक मजूर १०० रुपये काढण्यासाठी बँकेत गेला. त्यानं बँक खात्यातून १०० रुपये काढले. त्यानंतर त्याला बँकेकडून एसएमएस आला. त्यात बँक खात्यात शिल्लक असलेल्या रकमेचा आकडा होता. बँक खात्यातील शिल्लक पाहून मजुरासह त्याच्या कुटुंबाला धक्काच बसला.

कन्नौरच्या कमलापूर गावातील ४५ वर्षांचे बिहारी लाल यांचं बँक ऑफ इंडियामध्ये जन धन खातं आहे. या खात्यातून १०० रुपये काढण्यासाठी ते बँकेत गेले होते. पैसे काढल्यानंतर त्यांना बँकेकडून मेसेज आला. त्यात त्यांच्या बँक खात्यात असलेली रक्कम नमूद करण्यात आली होती. आपल्या बँक खात्यात २,७०० कोटी रुपयांहून अधिक रक्कम असल्याचं पाहून बिहारी लाल यांना धक्काच बसला.
या अँगलनं काढ! फोटोच्या नादात तरुण उंचावरून कोसळला; दगडांवर आदळत धबधब्यात पडला
बिहारी लाल यांनी बँकेतील कर्मचाऱ्यांना याबद्दल माहिती दिली. बँक खात्यातील शिल्लक रकमेचा आकडा पाहून कर्मचारी उडालेच. लाल यांच्या खात्यात २७,०७,८५,१३,९८५ रुपये जमा झाल्याचं ब्रँच ऑपरेटरनं सांगितलं. लाल राजस्थानात वीट भट्टीवर मजूर म्हणून काम करतात. त्यांचं दररोजचं उत्पन्न ६०० ते ८०० रुपयांच्या आसपास आहे. पावसामुळे वीट भट्टी बंद असल्यानं लाल सध्या उत्तर प्रदेशातील त्यांच्या घरी आले आहेत.

बँक मित्रानं माझ्या खात्यात असलेली शिल्लक रक्कम तपासली आणि मला आकडा सांगितला. तो ऐकून मला धक्काच बसला. मी त्याला तीन-तीनदा बँक बॅलन्स चेक करायला लावलं. त्यानंतरही माझा विश्वास बसेना. त्यामुळे बँक मित्रानं बँक स्टेटमेंट काढून मला दाखवलं, असं लाल यांनी सांगितलं.
प्रसाद बनवताना हाहा:कार, स्वयंपाकी उकळत्या लाप्शीत पडला; घटना सीसीटीव्हीत कैद
खात्यात कोट्यवधी रुपये जमा झाल्याचा लाल यांचा आनंद अल्पकाळच टिकला. लाल यांनी त्यांच्या घराजवळील जन सेवा केंद्रात शिल्लक रक्कम तपासून पाहिली. तेव्हा ती १२६ रुपये होती. लाल यांचं खातं तपासून पाहण्यात आलं. त्यात १२६ रुपयेच होते. कदाचित तांत्रिक चुकीमुळे हा प्रकार घडला असावा, असं जिल्हा व्यवस्थापक अभिषेक सिन्हा म्हणाले.