विजय शिवतारेंच्या गटानं मैदान मारलं, पुरंदर तालुक्यातील ग्रामपंचायत निकालात शिंदे गटाची बाजी


पुणे ( पुरंदर) : शिवसेनेतून बाहेर पडल्यानंतर शिंदे गट राजकारणात सक्रिय झाल्याचे पहायला मिळत आहे. राज्यात सत्तांतर झाल्यानंतर पुरंदर तालुक्यात पहिल्यांदाच पार पडलेल्या ग्रामपंचायत निवडणुकीत पुरंदर तालुक्यात सिंगापूर व बहिरवाडी या दोन ग्रामपंचायतीच्या निवडणुका पार पडल्या. या दोन्ही ग्रामपंचायतीत एकनाथ शिंदे गटाने मुसंडी मारली आहे. माजी राज्यमंत्री विजय शिवतारे यांच्या नेतृत्वाखाली शिंदे गटाने दोन्ही ग्रामपंचायतीमध्ये बाजी मारली आहे. विजय शिवतारे यांनी शिवसेना खासदार संजय राऊत यांच्यावर टीका करत मुख्यमंत्री एकनाथ शिंदे यांच्या गटात जाण्याचा निर्णय जाहीर केला होता. एकनाथ शिंदे यांच्या गटात गेलेल्या माजी मंत्री विजय शिवतारे यांच्या पाठिशी असल्याचा कौल दोन गावातील मतदारांनी दिलेला आहे.

सिंगापूर ग्रामपंचायतीत शिंदे गटाने सातपैकी पाच जागा मिळवून निर्विवाद वर्चस्व मिळवले. काँग्रेस राष्ट्रवादी दोघेही एक होऊन त्यांना अवघ्या दोन जागा मिळाल्या. बहिरवाडी ग्रामपंचायतीच्या सात पैकी चार जागा मिळवून सेनेने पुन्हा वर्चस्व प्रस्थापित केले आहे. याबाबत नवनिर्वाचित ग्रामपंचायत सदस्य आणि शाखाप्रमुख विक्रांत पवार म्हणाले, स्वर्गीय शंकरराव उरसळ यांच्या आशीर्वादाने आम्हाला ग्रामपंचायत मध्ये एवढे घवघवीत यश मिळाले आहे. मुख्यमंत्री एकनाथ शिंदे, माजी राज्यमंत्री विजय शिवतारे यांच्या नेतृत्वाखाली गावच्या विकासासाठी आम्ही प्रयत्न करणार आहोत.

राज्यात पुन्हा ५ दिवस मुसळधार पाऊस होणार; पाहा, कधी, कुठे कोसळणार अतिमुळधार पाऊस!

मुख्यमंत्री एकनाथ शिंदे यांच्या सासवड येथील सभेनंतर जनतेने दिलेली ही पहिली सकारात्मक प्रतिक्रिया आहे. आमदार नसलो तरी आगामी काळात पुरंदर हवेलीच्या विकासासाठी महत्त्वाचे प्रकल्प राबविण्यासाठी मी प्रयत्न करत राहणार असल्याचे माजी राज्यमंत्री विजय शिवतारे यांनी सांगितले.

विजयी उमेदवार :
ग्रामपंचायत – सिंगापूर
१) विक्रांत पवार
२) सौरभ लवांडे
३) अर्चना लवांडे
४) विशाल लवांडे
५) संगीता वारे
६) चांगुणाबाई वाघमारे
७) मीना उरसळ

ग्लोबल टीचर रणजितसिंह डिसलेंचा राजीनामा नामंजूर, कारवाई संदर्भात मोठी माहिती समोर

ग्रामपंचायत – बहिरवाडी
१) शरद पढेर
२) संगिता भगत
३) दशरथ जानकर
४) पूजा चिव्हे
५) अमोल भगत
६) सुजाता भगत
७) स्वाती कोकरे.

गोल्डन बॉय सुधीरचे अभिनंदन करताना सुप्रिया सुळे जे म्हणाल्या ते वाचायलाच हवं, पोस्ट व्हायरल



Source link

Leave a Reply

Your email address will not be published.

%d bloggers like this: