पत्नीला घरी येताच ते दिसले नाहीत, वर्कशॉपमध्ये पाहिल्यावर बसला धक्का; सामाजिक कार्यकर्त्याने उचलले टोकाचे पाऊल


दापोली : रत्नागिरी जिल्हयातील दापोली शहराजवळील गिम्हवणे गोडबोले आळी येथील एका ज्येष्ठ सामाजिक कार्यकर्त्याने टोकाचे पाऊल उचलत आत्महत्या केल्याने परिसरात खळबळ उडाली आहे. अनिल रिसबूड (Anil Risbud) असे या ६७ वर्षीय जेष्ठ सामाजिक कार्यकर्त्याचे नाव आहे. आज शुक्रवारी दुपारी दोनच्या दरम्यान आपली पत्नी कामानिमित्त बाहेर गेली असताना त्या घरी आल्यावर त्यांना ते घरात दिसले नाहीत. तेव्हा त्या शोधाशोध करत असताना हा धक्कादायक प्रकार समोर आला. घराच्या परिसरातील जुन्या वर्कशॉपच्या खोलीमध्ये ओढणीने गळफास लावून आत्महत्या केल्याचे त्यांनी पाहिले व मोठा धक्का बसला. (Senior social worker Anil Risbood committed suicide in Dapoli)

रिसबूड यांच्या पत्नीने तत्काळ शेजाऱ्यांना ही माहिती दिली. शेजाऱ्यांच्या मदतीने ही खबर पोलिसांना देण्यात आली. अनिल रिसबूड अनेक दिवस विविध व्याधींनी त्रस्त होते. मात्र, त्यांनी हे इतके टोकाचे पाऊल का उचलले याचे नेमके कारण समजू शकलेले नाही.

क्लिक करा आणि वाचा- राज्यात पुन्हा ५ दिवस मुसळधार पाऊस होणार; पाहा, कधी, कुठे कोसळणार अतिमुळधार पाऊस!

रिसबूड होते स्वाभिमानी बाण्याचे

स्वाभिमानी बाण्याचे असलेले रिसबूड हे सामाजिक कार्यकर्ते म्हणून परिसरात सुपरिचीत होते. गावच्या ग्रामसभांमधूनही त्यांचा सक्रिय सहभाग असे. अभ्यासू वृत्तीचे मार्गदर्शक व्यक्तिमत्त्व म्हणून त्यांची ओळख होती. त्यांनी उचलेल हे टोकाचे पाऊल अनेकांना चटका लावून गेले. त्यांनी आपल्या फर्निचर व्यवसायातून अनेक नवयुवकांना घडवले होते. त्यांच्या अशा आकस्मित जाण्यामुळे परिसरात हळहळ व्यक्त केली जात आहे.

क्लिक करा आणि वाचा- कोकणात मनसेला मोठा दणका; वैभव खेडेकरांविरोधात गुन्हा दाखल, आरोप आहे गंभीर

या घटनेचे वृत्त कळताच रिसबुड यांचे जवळचे स्नेही असलेले दापोली अर्बन बँकेचे अध्यक्ष जयवंत जागावकर, संचालक अन्वर रखांगे यांनी घटनास्थळी धाव घेतली व त्यांच्या कुटुंबीयाना धीर दिला. अनिल रिसबूड यांच्या पश्चात त्यांची पत्नी, आई आणि पुणेस्थित विवाहित कन्या, जावई असा परिवार आहे. या घटनेचा पुढील तपास सहाय्यक पोलीस उपनिरीक्षक अशोक गायकवाड करीत आहेत.

क्लिक करा आणि वाचा- छातीवर लिहिले होते रवीना व जानू; रेल्वेच्या पुलाखाली गंभीर अवस्थेत आढळला तरुणाचा मृतदेह



Source link

Leave a Reply

Your email address will not be published.

%d bloggers like this: