फक्त ३० सेकंदांमध्ये दिव्याने जिंकलं पदक, भारतीय कुस्तीपटूंचा एकाच दिवसात पदकांचा षटकार


Authored by prasad lad | Maharashtra Times | Updated: Aug 6, 2022, 2:06 AM

wrestling : शुक्रवारचा दिवस गाजवला तो भारताच्या कुस्तीरपटूंनीच. कारण भारताच्या कुस्तीपटूंनी पदकांचा षटकारच लगावला. भारताकडून बजरंग पुनिया, साक्षी मलिक आणि दीपक पुनिया यांनी एकामागून एक पदकांची कमाई केली. अंशु मलिकचे पदक यावेळी फक्त दोन गुणांनी हुकले आणि तिला रौप्यपदकावर समाधान मानावे लागले. त्याचबरोबर दिव्या आणि मोहित ग्रेवाल यांनी कांस्यपदकाची कमाई केली.

 

बर्मिंगहम : आजचा दिवस हा भारताच्या कुस्तीपटूंचा होता. कारण आज एकाच दिवसात भारताने तीन सुवर्णांसह तब्बल अर्धा डझन पदकांवर भारताचे नाव कोरले. भारताच्या दिव्या काकरनने तर फक्त ३० सेकंदांमध्येच पदक आपल्या नावावर केले. भारताकडून बजरंग पुनिया, साक्षी मलिक आणि दीपक पुनिया यांनी एकामागून एक पदकांची कमाई केली. अंशु मलिकचे पदक यावेळी फक्त दोन गुणांनी हुकले आणि तिला रौप्यपदकावर समाधान मानावे लागले. त्याचबरोबर दिव्या आणि मोहित ग्रेवाल यांनी कांस्यपदकाची कमाई केली.

दिव्याने आजच्या कांस्यपदकाच्या लढतीत कमालच केली. दिव्याने फक्त ३० सेकंदांमध्ये टायगर लिली कॉकर लेमालीला बाद करून पराभूत केले आणि भारताच्या नावावर पाचव्या पदकाचा ठसा उमटवला. त्यानंतर भारतासाठी सहावे पदक जिंकले ते मोहित ग्रेवालने. १२५ किलो वजनी गटात जमैकाच्या ऍरॉन जॉन्सनला नामोहरम करत कांस्य पदक आपल्या नावावर केले.

दीपक पुनियाने बर्मिंगहॅम कॉमनवेल्थ गेम्समध्ये पाकिस्तानी कुस्तीपटू मोहम्मद इनाम बट्टला हरवून सुवर्णपदक जिंकले. खेळांच्या आठव्या दिवशी म्हणजे शुक्रवारी रात्री उशिरा दीपकने ८६ किलो फ्रीस्टाइल प्रकारात त्याच्या पाकिस्तानी प्रतिस्पर्ध्याला ३-० ने पराभूत केले. कुस्तीतील हे तिसरे आणि एकूण ९वे सुवर्णपदक होते. यापूर्वी बजरंग पुनिया आणि साक्षी मलिक यांनीही आपापल्या गटात सुवर्णपदक जिंकले होते. भारताचा कुस्तीपटू बजरंग पुनियाने भारताला कुस्तीमधील पहिले सुवर्णपदक जिंकवून दिले. बजरंगने यावेळी अंतिम फेरीत ९-२ असा विजय साकारला आणि देशाला सुवर्णपदक जिंकवून दिले. भारताला कुस्तीमध्ये या स्पर्धेत मिळालेले हे पहिले सुवर्णपदक होते. त्यानंतर साक्षी मलिकचा जलवा पाहायला मिळाला. भारताची महिला कुस्तीपटू साक्षी मलिकने भारताला आज दुसरे सुवर्णपदक जिंकवून दिले. यापूर्नी भारताच्या बजरंग पुनियाने सुवर्णपदकाला गवसणी घातली होती. भारताची महिला कुस्तीपटू अंशू मलिकने आज रौप्यपदकाची कमाई केली. अंशु ही राष्ट्रकुलमध्ये भारताला पदक जिंकवून देणारी पहिली कुस्तीपटू ठरली आहे. अंशुचे सुवर्णपदक यावेळी फक्त दोन गुणांनी हुकले. तिला अंतिम फेरीत ४-६ असा पराभव पत्करावा लागला.

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

Web Title : Marathi News from Maharashtra Times, TIL Network



Source link

Leave a Reply

Your email address will not be published.

%d bloggers like this: