आपणाविरोधात कट किंवा हल्ला करणं पाकिस्तानलाही अशक्य, शिवसैनिकाचा उदय सामंतांवर लेटरबॉम्ब


पुणे : मुख्यमंत्री एकनाथ शिंदे आणि शिवसेना नेते आदित्य ठाकरे २ ऑगस्ट रोजी पुण्यात होते. आदित्य ठाकरे यांची पुण्यातील कात्रजमध्ये मोठी सभा झाली. आदित्य ठाकरेंच्या सभेनंतर माजी मंत्री उदय सामंत हे सभास्थळाजवळून जात होते. उदय सामंत यांच्या गाडीवर हल्ला झाला. उदय सामंत यांच्या गाडीची काच फोडण्यात आली. उदय सामंत यांच्या गाडीवरील हल्ल्याप्रकरणी शिवसेनेचे शहर प्रमुख संजय मोरे, सुरज लोखंडे, विशाल धनवडे यांच्यावर गुन्हा दाखल करुन अटक करण्यात आली. पुण्यातील शिवसैनिक अमोल देवळेकर यांनी उदय सामंत यांना एक पत्र लिहिलं आहे. त्या पत्राद्वारे उदय सामंतांना काही सवाल विचारण्यात आले आहेत.

अमोल देवळेकर काय म्हणाले
आपल्या स्वसंरक्षणासाठी शिवसैनिकांवर अटकेची कारवाई करण्यात आली ती ईडी आणि सीबीआयपेक्षाही अधिक वायूवेगानं करण्यात आली तिची एखाद्या रेकॉर्डबूकमध्ये नोंद करावी लागले, असा टोला देवळेकर यांनी लगावला आहे. मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांच्या सरकारचा पुढील काळातील कारभार कसा असेल याची झलक दाखवणारी ती घटना असल्याचं देवळेकर म्हणाले.

कोण आहे अनिकेत जाधव? मिळाले २ कोटी ३५ लाखांचे मानधन

संजय मोरे रात्र रात्र जागून बॅनर लावायचे
पुणे शिवसेनेचे शहरप्रमुख संजय मोरे यांनी तुमची पुणे जिल्हा संपर्क प्रमुख पदी निवड झाल्यानंतर रात्र रात्र जागून शहरभर बॅनर लावले होते, असं अमोल देवळेकर यांनी उदय सामंत यांना म्हटलं आहे. तर, दुसरे आरोपी विशाल धनवडे तुम्हाला वाढदिवसाच्या शुभेच्छा द्यायला पहिल्या ठोक्याला रत्नागिरीत पोहोचल्याची आठवण देखील देवळेकर यांनी करुन दिली आहे.

अमोल देवळेकर यांनी तुम्ही राष्ट्रवादी काँग्रेसचे युवक अध्यक्ष होता तेव्हापासून तुमच्याबद्दल आदर असल्याचं उदय सामंत यांना म्हटलं आहे. आपल्या आमदार ते नगरविकास राज्यमंत्री ते उच्च व तंत्र शिक्षण मंत्री या प्रवासाचा आम्हाला आनंद होता, असंही देवळेकर म्हणाले आहेत.

दुखापतीनंतर रोहित शर्मा चौथ्या ट्वेन्टी-२० सामन्यात खेळणार की नाही, जाणून घ्या इनसाइड स्टोरी

भ्याड कशाला म्हणतात ?
अमोल देवळेकर यांनी पत्रात पुढे उदय सामंत यांना काही प्रश्न विचारले आहेत. आदल्या दिवशी मातोश्रीवर दुसऱ्या दिवशी गुवाहाटीत असलो त्याला भ्याड म्हणतात, असं देवळेकर म्हणाले आहेत. आपल्याच जीवाभावाच्या माणसांवर गुन्हे दाखल करणं, आपल्या लोकांपासून दुरावणं, विचारसरणीच्या नावावर वैचारिक व्याभीचार करणं, ज्यांचं बोट पकडून मोठं होणं आणि त्यांच्यावरचं उलटणं याला भ्याड म्हणतात, असं देवळेकर म्हणाले आहेत. नीतिमुल्ये-नैतिकता-विचार व आपली माणसं या साऱ्यांशी प्रतारणा करतो, त्याला भ्याड म्हणतात, असं अमोल देवळेकर म्हणाले.

आपल्यावर हल्ला करणं पाकिस्तानलाही शक्य नाही

अमोल देवळेकर यांनी पत्राच्या पुढील भागात तुम्ही केंद्रीय सर्वशक्तिमान यंत्रणेच्या छत्रछायेत आहात, आपल्याविरुद्ध कट कारस्थान किंवा हल्ला करणं पाकिस्तनालाही शक्य नाही त्यामुळे ते धाडस संजय मोरे आणि विशाल धनवडे करणार नाहीत, असं अमोल देवळेकर म्हणाले. राजकारण येईल जाईल,पदंही संपतील पण त्यापायी तुमच्या अनेक पिढ्यांनी कमावलेली पत जर अस्तास गेली तर उद्या उदय या नावात उदय होण्यासारखं काहीही शिल्लक रहाणार नाही, असं अमोल देवळेकर यांनी उदय सामंत यांना उद्देशून लिहिलेल्या पत्रात म्हटलं आहे.

मुंबईत वाडिया हॉस्पिटलमध्ये मुलांच्या वॉर्डजवळ लागली आग, रुग्णांना सुरक्षित ठिकाणी हलवले



Source link

Leave a Reply

Your email address will not be published.

%d bloggers like this: