उद्धव ठाकरेंनी उस्मानाबादचा गड राखला, माजी खासदारांचा शिंदे समर्थक आमदाराला झटका


उस्मानाबाद : उद्धव ठाकरे (Uddhav Thackeray) यांच्या नेतृत्त्वातील महाविकास आघाडी सरकार शिवसेनेतील काही आमदारांनी एकनाथ शिंदे (Eknath Shinde ) यांच्या नेतृत्त्वात बंड केल्यानं कोसळले. उद्धव ठाकरेंनी राजीनामा दिल्यानंतर भाजपच्या पाठिंब्यावर एकनाथ शिंदे मुख्यमंत्री झाले आहेत. एकनाथ शिंदे हे भाजपच्या आणि त्यांच्या समर्थक आमदारांच्या पाठिंब्यावर मुख्यमंत्री झाले. एकनाथ शिंदे यांना उस्मानाबाद जिल्ह्यातील उमरगा मतदारसंघाचे आमदार ज्ञानराज चौगुले (Dnyanraj Chougule) देखील सहभागी झाले होते. राज्यात एकनाथ शिंदे यांचं सरकार स्थापन झाल्यानंतत ग्रामपंचायत निवडणुका पार पडल्या आहेत. ज्ञानराज चौगुले यांच्या मतदारसंघात देखील ग्रामपंचायत निवडणूक झाली. चौगुले यांच्या मतदारसंघातील पाच ग्रामपंचायतींची निवडणूक पार पडली. त्यापैकी चार ग्रामपंचायतीवर उद्धव ठाकरे यांच्या बाजूनं असलेल्या माजी खासदार प्रा.रविंद्र गायकवाड यांच्यागटानं विजय मिळवला आहे.

उस्मानाबाद जिल्हयात ११ ग्रामपंचायतीची निवडणूक झाली होती त्या पैकी ५ ग्रामपंचायतीवर शिवसेनेने वर्चस्व राखले आहे. बंडखोर आमदार ज्ञानराज चौगुले यांना उमरगा तालुक्यात झटका बसलाय तर माजी खासदार प्रा.रविंद्र गायकवाड यांचा करिष्मा मात्र कायम आहे. भाजपाचे आमदार राणाजगजितसिंह पाटील यांना तुळजापूर मतदारसंघात अपयश आलय. बंडखोर आमदार प्रा. तानाजी सावंत यांनी वाशी तालुक्यातील सोनेगाव ग्रामपंचायतीवर ताबा मिळवत शिंदेगटाने चंचू प्रवेश मिळवलाय. तर कळंब तालुक्यातील भादा ग्रामपंचायतीवर भाजपाने वर्चस्व मिळवलय.

देशात शरिया कायदा नाही; हिंदूंना टार्गेट केल्यास, जशास तसं उत्तर, नितेश राणे आक्रमक

ज्ञानराज चौगुलेंच्या गटाला धक्का

उस्मानाबादचे माजी खासदार प्रा. रविंद्र गायकवाड यांच्या गटानं उमरगा मतदारसंघातील चार ग्रामपंचायतींवर वर्चस्व मिळवलं आहे. तर, एका गावात स्थानि आघाडीनं विजय मिळवला आहे. आमदार ज्ञानराज चौगुले यांच्या गटाला एका ग्रामपंचायतीवर देखील विजय मिळवता आला नाही.

रविंद्र गायकवाड उद्धव ठाकरेंसोबत

उस्माबादमधील शिवसेनेचे आमदार ज्ञानराज चौगुले आणि माजी मंत्री तानाजी सावंत यांनी एकनाथ शिंदे यांच्या गटात जाण्याचा निर्णय घेतला. तर, माजी खासदार रविंद्र गायकवाड यांनी उद्धव ठाकरे यांच्यासोबत राहण्याची भूमिका घेतली. आता रविंद्र गायकवाड यांनी उमरगा तालुक्यातील चार ग्रामपंचायतींवर विजय मिळवून दाखवला आहे.

आरोपींच्या मुसक्या आवळा, सोडू नका; मुख्यमंत्री एकनाथ शिंदेंकडून भंडारा अत्याचाराची गंभीर दखल

उस्मानाबादमधील ग्रामपंचायत निकालाचे चित्र

उस्मानाबाद जिल्ह्यातील ४ ग्रामपंचायतींवर शिवसेना नेत्यांची सत्ता आली आहे. तर, शिंदे गटाला एका ग्रामपंचायतीवर विजय मिळाला आहे. भाजपला एक आणि स्थानिक आघाड्यांनी ५ ग्रामपंचायतींवर विजय मिळवला. लोहारा तालुक्यातील खेड , चिंचोली ग्रामपंचायतीवर स्थानिक आघाडी विजयी झाली आहे. तुळजापूर तालुक्यातील कामटा, दिपकनगर ग्रामपंचायतीवर स्थानिक आघाडी विजयी झाली असून राणा जगजितसिंह पाटील यांना ग्रामपंचायत निवडणुकीत विजय मिळवण्यात अपयश आलं आहे. कळंब तालुक्यातील भादा ग्रामपंचायतीवर भाजपनं विजय मिळवला आहे. तर वाशी तालुक्यातील सोनेगाव ग्रामपंचायतीवर शिंदे गटाचे आमदार तानाजी सावंत यांनी वर्चस्व मिळवलय.

लवकरच.. लवकरच… लवकरच…. अजितदादांनी उडवली शिंदे-फडणवीसांची खिल्ली



Source link

Leave a Reply

Your email address will not be published.

%d bloggers like this: