CSK v KKR Playing XI: CSKची नजर प्लेऑफवर, धोनी संघात बदल करणार!


अबुधाबी: आयपीएलमध्ये आज संडे धमाका पाहायला मिळणार आहे. डेबल हेडरमधील पहिली लढत चेन्नई सुपर किंग्ज आणि कोलकाता नाईट रायडर्स यांच्यात होणार आहे. त्यानंतर मुंबई इंडियन्स आणि रॉयल चॅलेंजर्स बेंगळुरू या संघात दुसरी लढत होईल. हे चारही संघ सध्या प्ले ऑफच्या शर्यतीत आहेत. जाणून घेऊयात पहिल्या लढतीबद्दल…

वाचा- चेन्नईकडून झालेल्या पराभवानंतर विराटने धोनीला दिले सरप्राईझ, पाहा Photo

महेंद्र सिंह धोनीच्या नेतृत्वाखाली चेन्नई सुपर किंग्ज दुपारी इयान मॉर्गन नेतृत्वाखाली खेळणाऱ्या केकेआर विरुद्ध लढणार आहे. या दोन्ही संघांनी आयपीएलमधील दुसऱ्या सत्रात पहिल्या दोन्ही लढती जिंकल्या आहेत. या लढतीत विजय मिळवून चेन्नईचा प्रयत्न प्लेऑफमधील स्थान निश्चित करण्याचा असेल. गुणतक्त्यात ते १४ गुणांसह दुसऱ्या स्थानावर आहेत. त्यांनी प्रथम मुंबई आणि नंतर बेंगळुरूचा पराभव केला होता. तर पहिल्या सत्रात खराब कामगिरी करणाऱ्या केकेआरने कामगिरी उंचावत सलग दोन विजय मिळवले आहेत. ८ गुणांसह ते चौथ्या स्थानावर आहेत.

वाचा- Video भारताच्या पराभवानंतर क्रिकेटमध्ये सुरू झाला मोठा वाद, तो चेंडू नॉ बॉल होता का?

असे आहे पिच

चेन्नई आणि कोलकाता या संघातील लढत अबुधाबीच्या शेख जायेद स्टेडियमवर होणार आहे. ही लढत दुपारी सुरू होणार असल्याने खेळाडूंना उष्ण आणि थंड या दोन्ही वातावरणाला सामोरे जावे लागेल. दिवसाचे तापमान ३० डिग्रीपेक्षा अधिक असेल. याच मैदानावर केकेआरने आरसीबीचा ९२ धावांवर ऑलआउट केला होता. तर मुंबईला १५५ धावात रोखले होते. तर दिल्ली आणि राजस्थान यांच्यातील लढतीत १५५ धावा झाल्या होत्या. यामुळे आजच्या लढतीत देखील साधारण तितक्याच धावा होण्याची शक्यता आहे.

वाचा- Video : ब्राव्होसोबत का होतात भांडणं; धोनीने सांगितलं कारण

चेन्नई संघात पहिल्या दोन्ही लढतीतील कामगिरीचा विचार करता धोनी काही बदल करेल असे वाटत नाही. असा असेल संभाव्य संघ (CSK Predicted XI)-ऋतुराज गायकवाड, फाफ डुप्लेसिस, मोईन अली, सुरेश रैना, अंबाती रायडू, एमएस धोनी, रविंद्र जडेजा, ड्वेन ब्रावो, शार्दूल ठाकूर, दीपक चाहर, जोश हेजलवुड

कोलकाता नाईट रायडर्सने देखील सलग दोन विजय मिळवले आहेत. त्यामुळे ते देखील विजयी संघात कोणता बदल करतील असे वाटत नाही. संभाव्य संघ (KKR Predicted XI )-शुभमन गिल, वेंकटेश अय्यर, राहुल त्रिपाठी, नितीश राणा, इयान मॉर्गन, दिनेश कार्तिक, आंद्रे रसेल, सुनील नारायण, लॉकी फर्ग्यूसन, वरुण चक्रवर्ती, प्रसिद्ध कृष्णा

वाचा- INDWvsAUSW : शेवटच्या ओव्हरमधील नो बॉल वादावर स्मृती मंधानाने दिली प्रतिक्रिया

हेड टू हेड

एकूण लढती-२३
चेन्नई- १५
कोलकाता- ०८

युएईमध्ये या दोन संघात २ वेळा लढती झाल्या आहेत. त्यापैकी दोन्ही संघांनी प्रत्येकी एक लढत जिंकली आहे. आजची लढत दुपारी ३.३० वाजता सुरू होईल.



Source link

Live Sachcha Dost TV

Leave a Reply

Your email address will not be published. Required fields are marked *

%d bloggers like this: