कर्नल भोसले चौक गणेश तरुण मंडळाच्या अध्यक्षपदी आदित्य रणजीत भोसले, उपाध्यक्षपदी सुहास शिंदे

कर्नल भोसले चौक गणेश तरुण मंडळाच्या अध्यक्षपदी आदित्य रणजीत भोसले, उपाध्यक्षपदी सुहास शिंदे

पंढरपूर /ज्ञानप्रवाह न्यूज – पंढरपूरातील नावाजलेले कर्नल भोसले चौक गणेश तरुण मंडळ असून या मंडळाच्या अध्यक्षपदाची व कार्यकारणी निवडीचा कार्यक्रम पार पडला.

कर्नल भोसले चौक गणेश तरुण मंडळाच्या अध्यक्षपदी आदित्य रणजीत भोसले, उपाध्यक्षपदी सुहास शिंदे, यश पवार, सचिव पदी युवराज भोसले ,खजिनदारपदी शैलेश भोसले आदी पदाधिकाऱ्यांची एकमताने निवड करण्यात आली.

कर्नल भोसले चौक गणेश तरुण मंडळाचे जेष्ठ कार्यकर्ते नगराध्यक्ष नागेश भोसले तसेच श्री विठ्ठल हॉस्पिटल संघर्ष समिती व पंढरपूर शहर सकल मराठा समाजाचे अध्यक्ष किरण भोसले यांच्या अध्यक्षतेखाली व मार्गदर्शनानुसार विविध पदाधिकाऱ्यांची निवडी करण्यात आल्या.

कर्नल भोसले चौक गणेश तरुण मंडळाचे नूतन अध्यक्ष आदित्य भोसले यांनी आपल्या अध्यक्षपदाच्या निवडीनंतर बोलताना सांगितले की कर्नल भोसले चौक गणेश तरुण मंडळाचे अध्यक्षपद हे महत्त्वाचे आणि जबाबदारीचे पद असून या पदाची व कर्नल भोसले चौक गणेश तरुण मंडळाच्या नावलौकिकामध्ये भर टाकण्याचे कार्य आपण करणार आहोत. या गणेश मंडळाच्या माध्यमातून सर्वसामान्य भाविक भक्त यांची सेवा करण्याचे भाग्य मला लाभले आहे. आमच्या मंडळाचे आधारस्तंभ व मार्गदर्शक नागेश काका भोसले व किरण आप्पा भोसले तसेच पृथ्वीराज भोसले, विश्वजीत भोसले, सुधीर भोसले आदी जेष्ठ मान्यवरांच्या मार्गदर्शनाखाली मला काम करण्यास मिळत आहे हे मी माझे भाग्य समजतो .

कर्नल भोसले चौक गणेश तरुण मंडळ हे नेहमीच तरुणांना संधी देत असते. कर्नल भोसले चौक गणेश तरुण मंडळांमध्ये शेकडोच्या संख्येने सभासद आहेत .या मंडळाचे ढोल ताशा पथक हे पंढरपूरातील सर्वात मोठे ढोल ताशा पथक म्हणून ओळखले जाते.या मंडळाची ढोल ताशा ची मिरवणूक ही संपूर्ण पंढरपूर शहराचे लक्ष वेधून घेत असते.

कर्नल भोसले चौक गणेश तरुण मंडळाचे सर्व सदस्य व सभासद या नूतन अध्यक्ष पदाच्या व अन्य पदाच्या निवडीवेळी उपस्थित होते.