army jawan dead body found : १६ वर्षे बर्फात दबला होता जवानाचा मृतदेह, कुटुंबीयांवर शोककळा


मुरादनगर, उत्तर प्रदेशः लष्कराचा एखादा जवान शहीद होतो, तेव्हा ही ही घटना दुःखदायक असते. पण बेपत्ता झालेल्या जवानाची १६ वर्षे वाट पाहणं एखाद्या कुटुंबासाठीही अतिशय वेदनादायी असतं. यूपीच्या मुरादनगरच्या हिसली गावात राहणारे जवान अमरीश त्यागी यांचा मृतदेह १६ वर्षांनी बर्फाखाली दबलेला आढळला.

सियाचिनहून परतताना ते २३ ऑक्टोबर २००५ ला उत्तराखंडमधील हरशील दरीत कोसळले होते. त्यांच्यासोबत शहीद झालेल्या ३ जवानांचे मृतदेह सापडले. पण त्यांच्याबद्दल कोणतीही माहिती मिळाली नाही. बर्फ वितळल्याने २ दिवसांपूर्वी एक मृतदेह आढळून आला होता. कपडे आणि काही कागदपत्रांच्या आधारे मृतदेह अमरीश यांचा असल्याची ओळख झाली. अमरीश यांची वाट बघून अखेर त्यांच्या आईचे ४ वर्षांपूर्वीच निधन झाले.

अमरीश आता जिवंत नाहीत, असं सैन्याचे जवान आणि नातेवाईक सांगत होते. पण ते जिवंत असतील आणि शत्रूच्या तावडीत सापडले असतील असं कुटुंबीयांना वाटत होतं. म्हणून कुटुंबाने त्यांचं कधीही श्राद्ध केलं नाही किंवा मृत्यूनंतरचे संस्कार केले नाहीत. आता लष्कराकडून अमरीश यांचा मृतदेह आणल्यावर आपण अंत्यसंस्कार करू, असं त्यांच्या कुटुंबीयांनी सांगितलं.

अमरीशच्या जिवंत आहे, या आशेवर आम्ही आजपर्यंत वाट पाहात होतो. अमरीश आपला जीव वाचवून कुठेतरी राहत असेल आम्हाला वाटत होतं आहे. पण २४ सप्टेंबरला संध्याकाळी उशिरा दिल्लीतील लष्कराच्या मुख्यालयातून ३ अधिकारी आले आणि त्यांनी उत्तराखंडमध्ये अमरीश यांचा मृतदेह सापडल्याची माहिती दिली. हे कळताच कुटुंबावर पुन्हा एकदा दुःखाचा डोंगर कोसळला, असं त्यांचे मोठे भाऊ रामकुमार त्यांनी सांगितलं.

uri loc : कट उधळला; काश्मीरच्या उरी सेक्टरमध्ये ३ दहशतवाद्यांचा खात्मा

हरशील दरीत २००५ ला कोसळले

अमरीश त्यागी हे १९९५-९६ मध्ये मेरठमध्ये लष्करात भरती झाले होते. अनेक बदल्यांनंतर, १९९९ मध्ये कारगिल युद्धावेळी ते लेह लडाखमध्ये तैनात होते. विमानातून सर्वाधिक उंचीवरून उडी मारण्याच्या बाबतीत अमरीश हे संपूर्ण देशात नाव होते. २००५ मध्ये अमरिश यांनी सियाचीनवर झेंडा फडकवला होता. कुठल्यातरी मोहीमेवरून परतत असताना २३ ऑक्टोबर २००५ मध्ये हरशील भागात दुर्घटनेत ३ जवानांसोबत तेही दरीत कोसळले. इतर तिघांचे मृतदेह सापडले. मात्र दरी अतिशय खोल असल्याने अमरिश यांचा शोध लागला नाही. लष्कराने त्यांचा बराचकाळ शोध घेतला होता, असं भाऊ रामकुमार त्यागी यांनी सांगितलं.

आमरिश यांचे २००५ मध्ये मेरठमध्ये लग्न झाले होते. ते बेपत्ता झाले तेव्हा त्यांची पत्नी गर्भवती होती. ५ महिन्यानंतर त्यांच्या पत्नीने मुलीला जन्म दिला. त्यानंतर १ वर्षांनी कुटुंबाने पुन्हा त्यांचे लग्न लावून दिले. आता अमरिश यांचे पार्थिक सोमवारपर्यंत आणण्यात येईल, असं कुटुंबाने सांगितलं. आम्हाला याबद्दल कुठलीही माहिती. पण त्यांचे पार्थिव आणल्यावर लष्करी इतमामात अंत्यसंस्कार केले जातील, असं एसडीएम आदित्य प्रजापती यांनी सांगितलं.



Source link

Live Sachcha Dost TV

Leave a Reply

Your email address will not be published. Required fields are marked *

%d bloggers like this: