punjab cabinet expansion : पंजाबमध्ये मंत्रिमंडळ विस्तार, १५ नवे मंत्री; अमरिंदर सिंग यांच्या निकटवर्तीयांना डच्चू

चंदिगडः पंजाबमध्ये मुख्यमंत्री चरणजीत सिंग चन्नी यांच्या मंत्रिमंडळाचा विस्तार झाला. राज्यपाल बनवारीलाल पुरोहित यांनी रविवारी चंदिगडमध्ये राजभवनात नव्या मंत्र्यांना शपथ दिली. एकूण १५ नेत्यांनी मंत्रिपदाची शपथ घेतली. नव्या मंत्रिमंडळाच्या विस्तारासाठी मुख्यमंत्री चन्नी यांनी शनिवारी राज्यपालांची भेट घेतली होती. या मंत्रिमंडळात काही नवे चेहरे आहेत. अनेक जुन्या मंत्र्यांना डच्चू देण्यात आला आहे. पंजाब काँग्रेस प्रदेशाध्यक्ष नवज्योत सिंग सिद्धू यांचे सल्लागार मोहम्मद मुस्तफा यांची पत्नी रजिया सुलताना यांना कॅबिनेटमध्ये स्थान देण्यात आला आहे.

ब्रह्म मोहिंद्रा यांनी सर्वप्रथम शपथ घेतली. मनप्रीत सिंग बादल हे अमरिंदर सरकारमध्येही मंत्री होती. चन्नी यांच्या मंत्रिमंडळात त्यांची पुन्हा वर्णी लागली आहे. त्यांनीही शपथ घेतली. मनप्रीत सिंग बादल यांनी लोकसभेची निवडणूक लढवली आहे आणि अकली दलातून बाहेर पडत ते काँग्रेसमध्ये आले आहेत. मंत्रिमंडळ विस्तारात सिद्धू यांचा दबदबा आहे. अमरिंदर सिंग यांच्याविरोधात दंड थोपटणाऱ्यांना मंत्रिमंडळत स्थान दिलं गेलं आहे.

पंजाब काँग्रेसचे प्रदेशाध्यक्ष नवज्योत सिंग सिद्धू यांचे सल्लागार मोहम्मद मुस्तफा यांची पत्नी रजिया सुलताना यांनीही मंत्रिपदाची शपथ घेतली. तृप्त राजिंदर बाजवा, अरुणा चौधरी, सुखबिंदर सिंग सहकारिया आणि राणा गुरजीत सिंग यांनी कॅबिनेट मंत्रिपदाची शपथ घेतली.
विजययिंदर सिंगला, भारत भूषण आशु, रणदीप सिंग नाभा आणि राजकुमार वेरका यांनीही कॅबिनेट मंत्रिपदाची शपथ घेतली. संगत सिंग गिलजियां, परगट सिंग, अमरिंदर सिंग राजा वारिंग आणि गुरकीरत सिंग कोटली यांनीही मंत्रिपदाची शपथ घेतली.

एकूण १५ मंत्र्यांनी शपथ घेतली. चरणजीत सिंग चन्नी यांनी २० सप्टेंबरला मुख्ममंत्रीपदाची शपथ घेतली होती. यानंतर ६ दिवसांनी आज चन्नी यांच्या मंत्रिमंडळाचा विस्तार झाला. माजी मुख्यमंत्री कॅप्टन अमरिंदर सिंग यांच्या मंत्रिमंडळातील ९ मंत्र्यांची पुन्हा वर्णी लागली आहे. तर ६ आमदार पहिल्यांदा मंत्री झाले आहेत. तर अमरिंदर सिंग यांचे निकटवर्ती मानले जाणाऱ्या ६ मंत्र्यांना मंत्रिमंडळात स्थान मिळालेलं नाही.

mamata banerjee : ममता बॅनर्जींची जीभ घसरली! मृत भाजप नेत्याची तुलना केली सडलेल्या कुत्र्याशी

हरीश रावत म्हणाले…

मंत्रिमंडळात ज्या नेत्यांना स्थान मिळाले नाही त्यांना सरकार आणि संघटनेत स्थान दिले जाईल. मंत्रिमंडळात नव्या चेहऱ्यांना संधी, सामाजिक आणि प्रादेशिक समतोल राखण्याचा प्रयत्न केला आहे, असं पंजाब काँग्रेसचे प्रभारी हरीश रावत यांनी मत्रिमंडळ विस्तारानंतर सांगितलं.

uddhav thackeray : अमित शहांची नक्षलवादावर अनेक राज्यांच्या मुख्यमंत्र्यांसोबत बैठक; उद्धव ठाकरेंनी केली ‘ही’ मागणी